ಚಂದ್ರಶೇಖರ್ ಆಜಾದ್​​ ಬೆಂಗಾವಲು ಬೈಕ್​ಗೆ ಡಿಕ್ಕಿ ಹೊಡೆದ ಹಸು... ಯುವಕ ಸ್ಥಳದಲ್ಲೇ ಸಾವು

ಸಾಗರ(ಮಧ್ಯಪ್ರದೇಶ): ಭೀಮ್​ ಆರ್ಮಿ ಮುಖ್ಯಸ್ಥ ಚಂದ್ರಶೇಖರ್ ಆಜಾದವ್​ ಅವರ ಬೆಂಗಾವಲು ಬೈಕ್​ಗೆ ಹಸುವೊಂದು ಡಿಕ್ಕಿ ಹೊಡೆದಿರುವ ಘಟನೆ ಮಧ್ಯಪ್ರದೇಶದ ಭೋಪಾಲ್​​ನಲ್ಲಿ ನಡೆದಿದೆ. ಘಟನೆಯಲ್ಲಿ ಬೈಕ್​​ನಲ್ಲಿ ಕುಳಿತಿದ್ದ 18 ವರ್ಷದ ಯುವಕ ದುರ್ಮರಣಕ್ಕೀಡಾಗಿದ್ದಾನೆ. ಇದರ ವಿಡಿಯೋ ಸೆರೆಯಾಗಿದ್ದು, ಸಾಗರ್ ​- ಭೋಪಾಲ್​​ ರಸ್ತೆಯ ರಟೋನಾ ಗ್ರಾಮದ ಬಳಿ ದುರ್ಘಟನೆ ನಡೆದಿದೆ. ಮೃತನನ್ನ ಶೈಲೇಂದ್ರ ಅರ್ಹಿವಾಲ್​ ಎಂದು ಗುರುತಿಸಲಾಗಿದೆ. ಘಟನೆಗೆ ಸಂಬಂಧಿಸಿದಂತೆ ಪ್ರಕರಣ ದಾಖಲಾಗಿದೆ.