ವಿಜಯಪುರ: ಹೋಟೆಲ್ ಕಳ್ಳತನಕ್ಕೆ ವಿಫಲ ಯತ್ನ: ಸಿಸಿ ಕ್ಯಾಮೆರಾದಲ್ಲಿ ಸೆರೆ

ವಿಜಯಪುರ: ಜಿಲ್ಲೆಯ ನಗರದ ಹೋಟೆಲ್​​ವೊಂದರಲ್ಲಿ ಸಂಜೆ ವೇಳೆ ಯುವಕನೊಬ್ಬ ಅಪ್ರಾಪ್ತನ ಜತೆ ಸೇರಿ ಕಳ್ಳತನಕ್ಕೆ ಯತ್ನಿಸಿರುವ ಘಟನೆ ನಡೆದಿದೆ. ಈ ದೃಶ್ಯ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ನಗರದ ಕೋರ್ಟ್ ಸರ್ಕಲ್ ಬಳಿಯ ಹೋಟೆಲ್​ನಲ್ಲಿ ಅರ್ಧ ಶೆಟರ್ ಎಳೆದು ಬಿಡಲಾಗಿತ್ತು. ಈ ವೇಳೆ ಒಳ ನುಗ್ಗಿದ ಕಳ್ಳರು ಹಣ ಕದಿಯಲು ಮುಂದಾಗಿದ್ದಾರೆ‌. ಹಣ ಸಿಗದಿದ್ದಾಗ ಕ್ಯಾಶ್ ಕೌಂಟರ್​ನಲ್ಲಿ ಹಣವಿದ್ದ ಕಾಣಿಕೆ ಪೆಟ್ಟಿಗೆಯನ್ನು ತೆಗೆದುಕೊಂಡು ಹೋಗಿದ್ದಾರೆ. ಕಳೆದ ಸೆಪ್ಟಂಬರ್ 2 ರಂದು ಈ ಘಟನೆ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.