ವಾರಾಣಸಿ : ಉತ್ತರ ಪ್ರದೇಶದ ವಾರಾಣಸಿಯಿಂದ ಪಶ್ಚಿಮ ಬಂಗಾಳದ ಪ್ರಯಾಣ 710 ಕಿ.ಮೀ. ಆದರೆ, ಇಷ್ಟು ದೂರದ ಪ್ರಯಾಣ ಇನ್ಮುಂದೆ ತ್ರಾಸದಾಯಕವಲ್ಲ. ಕಾರಣ, ಷಟ್ಪಥ ಹೆದ್ದಾರಿ ಕೋಲ್ಕತ್ತಾ ಎಕ್ಸ್ಪ್ರೆಸ್ವೇ ನಿರ್ಮಾಣವಾಗುತ್ತಿದ್ದು, ಈ ಪ್ರಯಾಣವನ್ನು ಕೇವಲ 6 ಗಂಟೆಯಲ್ಲಿ ಮುಗಿಸಬಹುದಾಗಿದೆ. ಈ ರೀತಿಯ ಗ್ರೀನ್ ಫೀಲ್ಡ್ ಯೋಜನೆಯೊಂದು ಸಿದ್ಧವಾಗಿದ್ದು, 35,000 ಕೋಟಿ ರೂ. ವೆಚ್ಚದಲ್ಲಿ ಇದನ್ನು ನಿರ್ಮಿಸುವ ಗುರಿ ಹೊಂದಲಾಗಿದೆ. ಇದರಿಂದ ಪ್ರಯಾಣಿಕರಿಗೆ ಮತ್ತು ಸರಕು - ಸಾಗಣೆ ವಾಹನದ ಸಲಭ ಪ್ರಯಾಣಕ್ಕೆ ಅನುಕೂಲಕರವಾಗಲಿದೆ.
ರಾಂಚಿ ಕೋಲ್ಕತ್ತಾ ಎಕ್ಸ್ಪ್ರೆಸ್ವೇ ಎಂದು ಪರಿಚಿತವಾಗಿರುವ ಈ ಯೋಜನೆಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಕಳೆದ ವರ್ಷ ಅಂದರೆ 2024ರ ಫೆಬ್ರವರಿ 23ರಂದು ಶಂಕು ಸ್ಥಾಪನೆ ಮಾಡಿದ್ದರು. ಇದೀಗ ಅದಕ್ಕೆ ಹೆಚ್ಚುವರಿ ಹೊಸ ಮಾರ್ಗ ಸೇರ್ಪಡನೆಗೊಂಡಿದ್ದು, ಐತಿಹಾಸಿಕ ಗ್ರಾಂಡ್ ಟ್ರಂಕ್ ರಸ್ತೆಯು ವಾರಾಣಸಿ ಮತ್ತು ಕೋಲ್ಕತ್ತಾ ಸಂಪರ್ಕಿಸಲಿದೆ. ವಾರಾಣಸಿ - ಕೋಲ್ಕತ್ತಾ ಎಕ್ಸ್ಪ್ರೆಸ್ವೇ ಕೋಲ್ಕತ್ತಾದ ಮೂಲಕ ವಾರಾಣಸಿ, ರಾಂಚಿ ಮತ್ತು ಜಾರ್ಖಂಡ್ ಸಂಪರ್ಕ ಹೊಂದಿದೆ.
ಈ ಕುರಿತು ಮಾತನಾಡಿರುವ ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಪ್ರಾದೇಶಿಕ ಅಧಿಕಾರಿ ಎಸ್ಕೆ ಆರ್ಯಾ, ನಮ್ಮ ಗ್ರೀನ್ಫೀಲ್ಡ್ ಯೋಜನೆ ವಾರಾಣಸಿಯಿಂದ ಕೋಲ್ಕತ್ತಾವನ್ನು ಹಾಗೂ ವಾರಾಣಸಿಯಿಂದ ಚಂದೌಲಿಯ ಮಾರ್ಗವನ್ನು ಹೊಂದಿದ್ದು, ಜನವರಿಯಿಂದ ಇದರ ಕೆಲಸ ಆರಂಭವಾಗಿದೆ. ರಾಷ್ಟ್ರೀಯ ಹೆದ್ದಾರಿ 2 ರ ಸಂಚಾರದ ಒಂದು ವಿಭಾಗವು ಕೋಲ್ಕತ್ತಾದ ಜಿಟಿ ರಸ್ತೆಗೆ ತಿರುಗಿಸಲಾಗುವುದು ಎಂದಿದ್ದಾರೆ.
ಜಿಟಿ ರಸ್ತೆ ಹೊರತಾಗಿ ನಮಗೆ ಯಾವುದೇ ಪರ್ಯಾಯ ಮಾರ್ಗವಿರಲಿಲ್ಲ. ಹೊಸ ಎಕ್ಸ್ಪ್ರೆಸ್ವೇ ಪರ್ಯಾಯವಾಗಿದ್ದು, ಇದು ಜಿಟಿ ರಸ್ತೆಯ ಟ್ರಾಫಿಕ್ ದಟ್ಟಣೆಯನ್ನು ಕಡಿಮೆ ಮಾಡುತ್ತದೆ. ಪ್ರಯಾಣಿಕರು ಕೋಲ್ಕತ್ತಾಕ್ಕೆ ತೆರಳಲು ಎರಡು ಆಯ್ಕೆಯನ್ನು ಹೊಂದಿದ್ದಾರೆ. ಈ ಯೋಜನೆಯು ₹1,500 ಕೋಟಿಯದ್ದಾಗಿದೆ.
ಗೋರಖ್ಪುರ್, ಅಜಂಗಢ, ಮೌ, ಬಲ್ಲಿಯಾ, ಗಾಜಿಪುರ್, ಜನೌಪುರ್, ಪ್ರಯಾಗ್, ಲಕ್ನೋ ಮತ್ತು ದೆಹಲಿ ಪ್ರಯಾಣಿಕರು ಚದೌಲಿ ಮೂಲಕ ಬಿಹಾರ, ಜಾರ್ಖಂಡ್, ಬಂಗಾಳ, ಕೋಲ್ಕತ್ತಾಗೆ ಹೋಗಬಹುದು. ಇದರಿಂದ ಈ ಮುಂಚೆ ನಗರದ ಮಧ್ಯಭಾಗಕ್ಕೆ ಬರುವುದನ್ನು ತಪ್ಪಿಸಬಹುದು.
ಈ ಎಕ್ಸ್ಪ್ರೆಸ್ವೇ ನೇರವಾಗಿ ಕೋಲ್ಕತ್ತಾ ಎಕ್ಸ್ಪ್ರೆಸ್ವೇಗೆ ಸಂಪರ್ಕ ಕಲ್ಪಿಸಲಿದ್ದು ವಾರಾಣಸಿಯಿಂದ ಕೋಲ್ಕತ್ತಾ ಪ್ರಯಾಣವನ್ನು 12 ರಿಂದ 14 ಗಂಟೆ ಬದಲಾಗಿ 6ಗಂಟೆಗೆ ಇಳಿಸಲಿದೆ ಎಂದರು.
ಇದನ್ನೂ ಓದಿ: ಮಣಿಪುರದಲ್ಲಿ ಮುಂದುವರೆದ ರಾಜಕೀಯ ಅಸ್ಥಿರತೆ; ರಾಷ್ಟ್ರಪತಿ ಆಡಳಿತ ಹೇರುತ್ತಾ ಕೇಂದ್ರ?
ಇದನ್ನೂ ಓದಿ: ಸೇನೆ ವಿರುದ್ಧದ ಹೇಳಿಕೆ ಆರೋಪ ಪ್ರಕರಣ: ರಾಹುಲ್ ಗಾಂಧಿಗೆ ಸಮನ್ಸ್ ನೀಡಿದ ಯುಪಿ ಕೋರ್ಟ್
