ಸರಳವಾಗಿ ನಡೆದ ಶ್ರೀ ಮಹಾದೇವ ತಾತರ 33ನೇ ಪುಣ್ಯಸ್ಮರಣೆಯ ಜಾತ್ರೆ

ಬಳ್ಳಾರಿ: ವಿನಾಯಕ ನಗರದ ಅಲ್ಲಿಪುರದ ಶ್ರೀ ಮಹಾದೇವ ತಾತ ಅವರ 33ನೇ ಪುಣ್ಯಸ್ಮರಣೆ ಕಾರ್ಯಕ್ರಮದಲ್ಲಿ ಬೆಳಗಿನ ಜಾವ 5 ಗಂಟೆಗೆ 50 ಮೀಟರ್ ದೂರ ತೇರು ಎಳೆಯುವ ಮೂಲಕ ಭಕ್ತರು ಚಾಲನೆ ನೀಡಿದರು. ಈ ವೇಳೆ ಈಟಿವಿ ಭಾರತದೊಂದಿಗೆ ಮಾತನಾಡಿದ ಹಿರಿಯ ಮುಖಂಡ ಹೇಮಂತರಾಜ, ಕಳೆದ ಹತ್ತು ದಿನಗಳಿಂದ ಪುರಾಣ ಕಾರ್ಯಕ್ರಮ ನಡೆದಿದೆ. ಇಂದು ಹನ್ನೊಂದನೇ ದಿನವಾಗಿದೆ. ಕೋವಿಡ್​​ ಇರುವ ಕಾರಣ ಇಂದು ಬೆಳಗ್ಗೆಯೇ 50 ಮೀಟರ್ ದೂರ ಮಡಿ ತೇರು ಮಾತ್ರ ಎಳೆಯಲಾಗಿದೆ. ಕೋವಿಡ್ ಮುಂಜಾಗ್ರತೆಯಿಂದ ಮಾಸ್ಕ್ ಧರಿಸುವುದು, ಸಾಮಾಜಿಕ ಅಂತರ, ಸ್ಯಾನಿಟೈಸರ್​ ಬಳಕೆ ಕಡ್ಡಾಯಗೊಳಿಸಲಾಗಿದೆ. ಸಂಜೆ ರಥೋತ್ಸವ ಇಲ್ಲದ ಕಾರಣ ಭಕ್ತರ ಸಂಖ್ಯೆ ಕಡಿಮೆಯಾಗಬಹುದು ಎಂದು ತಿಳಿಸಿದರು.