ಆಪ್ತರ ಮದುವೆಯಲ್ಲಿ ಪವರ್​ ಸ್ಟಾರ್ ಭಾಗಿ... ನೆಚ್ಚಿನ ನಟನ ಕಣ್ತುಂಬಿಕೊಳ್ಳಲು ಮುಗಿಬಿದ್ದ ಜನ

ಕಾರವಾರ: ಪವರ್ ಸ್ಟಾರ್ ಪುನೀತ್ ರಾಜ್​ಕುಮಾರ್​​ ಆಪ್ತರೊಬ್ಬರ ವಿವಾಹ ಕಾರ್ಯಕ್ರಮದಲ್ಲಿ ಭಾಗಿಯಾಗಲು ಕುಮಟಾಗೆ ಆಗಮಿಸಿದ್ದರು. ಅದಕ್ಕೂ ಮುನ್ನ ಗೋಕರ್ಣದ ಮಹಾಬಲೇಶ್ವರ ದೇವರ ದರ್ಶನ ಪಡೆದರು. ನಿನ್ನೆ ಸಂಜೆಯೇ ನಗರಕ್ಕೆ ಆಗಮಿಸಿದ್ದ ಅಪ್ಪು, ಬೆಳಗ್ಗೆ ಮಹಾಬಲೇಶ್ವರ ಹಾಗೂ ಆತ್ಮಲಿಂಗದ ದರ್ಶನ ಪಡೆದರು. ಬಳಿಕ ಪಟ್ಟಣದ ದೇವರಹಕ್ಕಲ ಸಭಾಭವನದಲ್ಲಿ ನಡೆಯುತ್ತಿದ್ದ ಅವರ ಅಕೌಂಟ್ ವಿಭಾಗದ ಸಿಬ್ಬಂದಿ ಗುರುರಾಜ್​ ಮದುವೆಗೆ ತೆರಳಿ ಶುಭ ಹಾರೈಸಿದರು. ಮದುವೆಗೆ ಪುನೀತ್ ಬಂದಿದ್ದಾರೆಂಬ ಸುದ್ದಿ ತಿಳಿದ ಅಭಿಮಾನಿ ಬಳಗ ಮದುವೆ ಮನೆ ಬಳಿ ಕಿಕ್ಕಿರಿದು ಜಮಾಯಿಸಿತ್ತು. ನೆಚ್ಚಿನ ನಟನ ಜತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡು ಸಂತಸಪಟ್ಟರು.