ಮೈಸೂರು ಮುಡಿ ಉತ್ಸವ : ಸಕಲಾಭರಣ ಭೂಷಿತೆಯಾಗಿ ಕಂಗೊಳಿಸುತ್ತಿರುವ ಚಾಮುಂಡೇಶ್ವರಿ

ಮೈಸೂರು: ಚಾಮುಂಡೇಶ್ವರಿ ಉತ್ಸವ ಮೂರ್ತಿಗೆ ನವರಾತ್ರಿಯ ಮುಡಿ ಉತ್ಸವ ನೆರವೇರಿತು. ನವರಾತ್ರಿಯ ಕೊನೆಯ ಮುಡಿ ಉತ್ಸವ ಚಾಮುಂಡಿ ಬೆಟ್ಟದಲ್ಲಿ ಕಳೆದ ರಾತ್ರಿ ನಡೆಯಿತು. ಈ ಉತ್ಸವದಲ್ಲಿ ಚಾಮುಂಡೇಶ್ವರಿ ಉತ್ಸವ ಮೂರ್ತಿಗೆ ಚಿನ್ನ, ವಜ್ರ, ಪಚ್ಚೆ ಮತ್ತು ಹಳೆಯ ಕಾಲದ ಮಹಾರಾಜರು ಚಾಮುಂಡೇಶ್ವರಿಗೆ ನೀಡಿದ ವಿಶಿಷ್ಟ ವಜ್ರದ ಆಭರಣಗಳನ್ನು ಹಾಕುತ್ತಾರೆ. ಬಳಿಕ ಉತ್ಸವ ಮಾಡಿ ನವರಾತ್ರಿಯ ಉತ್ಸವವನ್ನು ಕೊನೆ ಮಾಡುತ್ತಾರೆ.