ವ್ಯಾದಿ ಬೂದಿಯಾದೀತಲೇ ಪರಾಕ್‌.. ಗೊರವಯ್ಯನ ಭವಿಷ್ಯ ನಿಜವಾಗ್ತಿದೆಯೇ!?

ಹಾವೇರಿ : ರಾಣೆಬೆನ್ನೂರ ತಾಲೂಕಿನ ದೇವರಗುಡ್ಡದಲ್ಲಿ ಪ್ರತಿವರ್ಷ ದಸರೆಯ ವಿಜಯದಶಮಿಯಂದು ಕಾರ್ಣಿಕೋತ್ಸವ ನಡೆಯುತ್ತದೆ. ಇಲ್ಲಿ ಗೊರವಯ್ಯ 9 ದಿನಗಳ ಕಾಲ ಉಪವಾಸವಿದ್ದು ಕಾರ್ಣಿಕ ನುಡಿಯುವುದು ವಿಶೇಷ. ನೂರಾರು ವರ್ಷಗಳಿಂದ ಕಾರ್ಣಿಕ ನುಡಿಯುವ ಪರಂಪರೆ ಬೆಳೆದು ಬಂದಿದೆ. ಪ್ರತಿ ವರ್ಷದ ವಿದ್ಯಮಾನಗಳಿಗೆ ಈ ಕಾರ್ಣಿಕ ತಾಳೆ ಹಾಕಲಾಗುತ್ತೆ. ಕಳೆದ ವರ್ಷ ಗೊರವಪ್ಪ ಘಟಸರ್ಪ ಕಂಗಾಲಾದೀತಲೇ ಪರಾಕ್ ಎಂದು ನುಡಿದಿದ್ದ. ಅದರಂತೆ ಮಾನವ ಸಂಕುಲ ಕೊರೊನಾದಿಂದ ಕಂಗಾಲಾಗಿತ್ತು. ಈ ವರ್ಷ ವ್ಯಾದಿ ಬೂದಿಯಾದೀತಲೇ, ಸೃಷ್ಠಿ ಸಿರಿಯಾದೀತಲೇ ಪರಾಕ್ ಎಂದು ಗೊರವಪ್ಪ ಕಾರ್ಣಿಕ ನುಡಿದಿದ್ದ. ಹೀಗಾಗಿ, ಕೊರೊನಾ ದಿನದಿಂದ ದಿನಕ್ಕೆ ಕಡಿಮೆಯಾಗುತ್ತಿದೆ ಅಂತಿದ್ದಾರೆ ಶ್ರೀಕ್ಷೇತ್ರದಲ್ಲಿರುವ ಅರ್ಚಕರು..