ವರ್ಷಾಂತ್ಯಕ್ಕೆ ಶಿರಡಿ ಸೇರಿ ವಿವಿಧ ತಾಣಗಳಿಗೆ ಪ್ರವಾಸ: ಅಗ್ಗದ ದರದಲ್ಲಿ ಐಆರ್​ಸಿಟಿಸಿ ಸೂಪರ್​ ಟೂರ್​ ಪ್ಯಾಕೇಜ್!

IRCTC Shirdi With Aurangabad Package: ಶಿರಡಿ ಸೇರಿದಂತೆ ವಿವಿಧ ಪ್ರವಾಸಿ ತಾಣಗಳನ್ನು ವೀಕ್ಷಿಸಲು ಬಯಸುವವರಿಗೆ IRCTC ಕಡಿಮೆ ದರದಲ್ಲಿ ನಾಲ್ಕು ದಿನಗಳ ಸೂಪರ್ ಟೂರ್ ಪ್ಯಾಕೇಜ್​ ಹೊರ ತಂದಿದೆ.

IRCTC Shirdi With Aurangabad Package: 2024ರ ವರ್ಷ ಪೂರ್ಣಗೊಳ್ಳಲು ಇನ್ನು ಕೆಲವು ದಿನಗಳು ಬಾಕಿ ಉಳಿದಿವೆ. ಅನೇಕ ಜನರು ತಮ್ಮ ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಪ್ರವಾಸಕ್ಕೆ ಹೋಗಲು ಪ್ಲಾನ್​ ಮಾಡುತ್ತಿದ್ದಾರೆ. ಈ ವರ್ಷಾಂತ್ಯದಲ್ಲಿ ಶಿರಡಿಗೆ ಹೋಗಬೇಕು ಎಂದು ಅಂದುಕೊಂಡವರ ಪಟ್ಟಿಯಲ್ಲಿ ನೀವೂ ಇದ್ದೀರಾ? ಹಾಗಾದರೆ, ಇಂಡಿಯನ್ ರೈಲ್ವೆ ಕೇಟರಿಂಗ್ ಅಂಡ್​​ ಟೂರಿಸಂ ಕಾರ್ಪೊರೇಷನ್ ನಿಮಗಾಗಿ ಗುಡ್​ನ್ಯೂಸ್​ ಕೊಟ್ಟಿದೆ. ಅತ್ಯಂತ ಕಡಿಮೆ ಬೆಲೆಯಲ್ಲಿ ಶಿರಡಿ ಹಾಗೂ ಇತರ ಸ್ಥಳಗಳನ್ನು ನೋಡಲು ಅದ್ಭುತ ಟೂರ್ ಪ್ಯಾಕೇಜ್ ಇದಾಗಿದೆ.

IRCTC 'ಶಿರಡಿ ವಿತ್ ಔರಂಗಾಬಾದ್' ಎಂಬ ಪ್ಯಾಕೇಜ್​​ ತಂದಿದೆ. ಈ ಪ್ರವಾಸದ ಒಟ್ಟು ಅವಧಿ 3 ರಾತ್ರಿಗಳು, 4 ಹಗಲುಗಳಾಗಿವೆ. ಈ ಪ್ರವಾಸದಲ್ಲಿ ನೀವು ಸಾಯಿಬಾಬಾ ದರ್ಶನ, ಔರಂಗಾಬಾದ್, ಎಲ್ಲೋರಾ ಗುಹೆಗಳು ಹಾಗೂ ಶನಿಶಿಂಗಣಾಪುರ ನೋಡಬಹುದು. ಪ್ರವಾಸದ ಪ್ಯಾಕೇಜ್ ಘೋಷಿಸಿದ ದಿನಾಂಕಗಳ ಪ್ರಕಾರ, ಈ ಪ್ರವಾಸವು ಪ್ರತಿ ಶುಕ್ರವಾರ ಲಭ್ಯವಿರುತ್ತದೆ.

1ನೇ ದಿನ: ಮೊದಲ ದಿನ ರೈಲು (ಅಜಂತಾ ಎಕ್ಸ್‌ಪ್ರೆಸ್ - 17064) ಕಾಚಿಗುಡ ರೈಲು ನಿಲ್ದಾಣದಿಂದ ಸಂಜೆ 6.40ಕ್ಕೆ ಹೊರಡುತ್ತದೆ. ಪ್ರಯಾಣವು ಇಡೀ ರಾತ್ರಿ ನಡೆಯುತ್ತದೆ.

2ನೇ ದಿನ: ಎರಡನೇ ದಿನ ಬೆಳಗ್ಗೆ 7 ಗಂಟೆಗೆ ನಾಗರ್ಸೋಲ್ ರೈಲು ನಿಲ್ದಾಣಕ್ಕೆ ತಲುಪಲಿದೆ. ಅಲ್ಲಿಂದ ಶಿರಡಿಗೆ ಪ್ರಯಾಣ ಬೆಳಸಲಾಗುತ್ತದೆ . ಅಲ್ಲಿನ ಹೋಟೆಲ್​ನಲ್ಲಿ ಚೆಕ್ ಇನ್ ಮಾಡಿ, ಉಪಹಾರದ ನಂತರ ಸಾಯಿಬಾಬಾ ಅವರ ದರ್ಶನ ಮಾಡಿಸಲಾಗುತ್ತದೆ. ಮಧ್ಯಾಹ್ನ ಶನಿಶಿಂಗಣಾಪುರಕ್ಕೆ ಪ್ರಯಾಣ ಆರಂಭವಾಗಲಿದೆ. ಅಲ್ಲಿರುವ ಶನಿ ದೇವಸ್ಥಾನಕ್ಕೆ ಭೇಟಿ ನೀಡಿ ಔರಂಗಾಬಾದ್‌ಗೆ ತೆರಳಲಾಗುವುದು. ಹೋಟೆಲ್‌ನಲ್ಲಿ ಚೆಕ್ ಇನ್ ಮಾಡಿ ಹಾಗೂ ರಾತ್ರಿ ಅಲ್ಲಿ ಉಳಿಯಲಾಗುವುದು.

3ನೇ ದಿನ: ಮೂರನೇ ದಿನದ ಉಪಹಾರದ ಬಳಿಕ ಹೋಟೆಲ್‌ನಿಂದ ಚೆಕ್​ಔಟ್​ ಮಾಡಿ, ಮಿನಿ ತಾಜ್ ಮಹಲ್‌ಗೆ ಭೇಟಿ ನೀಡಲಾಗುವುದು. ಅಲ್ಲಿಂದ ಎಲ್ಲೋರಾ ಹೊರಡಲಾಗುವುದು. ಅಲ್ಲಿ ನೀವು ಎಲ್ಲೋರಾ ಗುಹೆಗಳು ಹಾಗೂ ಘೃಷ್ಣೇಶ್ವರ ಜ್ಯೋತಿರ್ಲಿಂಗಕ್ಕೆ ಭೇಟಿ ನೀಡಲಾಗುವುದು. ಸಂಜೆ ಔರಂಗಾಬಾದ್ ರೈಲು ನಿಲ್ದಾಣಕ್ಕೆ ವಾಪವ್​ ಬರಲಾಗುವುದು. ಅಲ್ಲಿಂದ ಹೈದರಾಬಾದ್‌ಗೆ ಮರಳಿ ಬರಲಾಗುವುದು. ಇಡೀ ಪ್ರಯಾಣವು ಆ ರಾತ್ರಿಯಾಗಿರುತ್ತದೆ.

4ನೇ ದಿನ: ನಾಲ್ಕನೇ ದಿನ ಕಾಚಿಗುಡ ರೈಲು ನಿಲ್ದಾಣಕ್ಕೆ ಬೆಳಿಗ್ಗೆ 10 ಗಂಟೆಗೆ ತಲುಪುವ ಮೂಲಕ ಪ್ರವಾಸವು ಕೊನೆಗೊಳ್ಳುತ್ತದೆ.

ಬೆಲೆಗಳು ವಿವರ:

• ಕಂಫರ್ಟ್ (3ಎ) (ವ್ಯಕ್ತಿಯೊಬ್ಬರಿಗೆ)- ಸಿಂಗಲ್ ಶೇರಿಂಗ್ ₹23,740
• ಡಬಲ್​ ಶೇರಿಂಗ್ (ವ್ಯಕ್ತಿಯೊಬ್ಬರಿಗೆ)- ₹13,070
• ಟ್ರಿಪಲ್ ಶೇರಿಂಗ್ ₹10,320
• 5 ರಿಂದ 11 ವರ್ಷ ವಯಸ್ಸಿನ ಮಕ್ಕಳಿಗೆ ಹಾಸಿಗೆ ಸಹಿತ ₹7,760
• ಸ್ಟ್ಯಾಂಡರ್ಡ್ (SL): ಸಿಂಗಲ್ ಶೇರಿಂಗ್- ₹22,250
• ಡಬಲ್ ಶೇರಿಂಗ್ ₹11,580
• ಟ್ರಿಪಲ್ ಶೇರಿಂಗ್ ₹8,830
• 5 ರಿಂದ 11 ವರ್ಷ ವಯಸ್ಸಿನ ಮಕ್ಕಳು ಹಾಸಿಗೆ ಸಹಿತ ₹6,270
• ಗ್ರೂಪ್ ಬುಕ್ಕಿಂಗ್​​ನಲ್ಲಿ ಸ್ವಲ್ಪ ಇಳಿಕೆಯಾಗುವ ಸಾಧ್ಯತೆ ಇದೆ.

ಪ್ಯಾಕೇಜ್‌ನಲ್ಲಿ ಯಾವುದೆಲ್ಲಾ ಸೇರಿವೆ:

• ರೈಲು ಟಿಕೆಟ್‌ಗಳು
• ಆಯ್ಕೆಮಾಡಿದ ಪ್ಯಾಕೇಜ್ ಅವಲಂಬಿಸಿ ಸ್ಥಳೀಯ ಪ್ರಯಾಣಕ್ಕಾಗಿ ವಾಹನ
• 1 ಉಪಹಾರದೊಂದಿಗೆ ರಾತ್ರಿ ವಸತಿ
• ಪ್ರಯಾಣ ವಿಮೆ
• ಪ್ರಸ್ತುತ ಈ ಪ್ರವಾಸವು ಡಿಸೆಂಬರ್ 27, ಜನವರಿ 3, ಜನವರಿ 10, 2025 ರಂದು ಲಭ್ಯ ಇರುತ್ತದೆ.
• ಈ ಪ್ಯಾಕೇಜ್‌ನ ಸಂಪೂರ್ಣ ವಿವರಗಳು ಮತ್ತು ಬುಕ್ಕಿಂಗ್​ಗಾಗಿ ಈ ಲಿಂಕ್ ಕ್ಲಿಕ್ ಮಾಡಿ.