ಅರಣ್ಯ ಇಲಾಖೆ ವಾಹನ ಹಿಂಬಾಲಿಸಿದ ಒಂಟಿ ಸಲಗ.. ವಿಡಿಯೋ ನೋಡಿ..

ಅರಣ್ಯ ಇಲಾಖೆ ಅಧಿಕಾರಿಗಳು ವಾಹನದಲ್ಲಿ ಸಂಚರಿಸುವಾಗ ಕಾಡಾನೆಯೊಂದು ವಾಹನದ ಕಡೆಗೆ ನುಗ್ಗಿದ ಘಟನೆ ಹುಣಸೂರು ತಾಲೂಕಿನ ನಾಗರಹೊಳೆ ಅರಣ್ಯ ಪ್ರದೇಶದಲ್ಲಿ ನಡೆದಿದೆ. ಅರಣ್ಯಾಧಿಕಾರಿಗಳು ಜೀಪ್​ನಲ್ಲಿ ವೀರನಹೊಸಹಳ್ಳಿ ಕುಟ್ಟಾ ಮಾರ್ಗವಾಗಿ ಸಂಚರಿಸುವ ಸಂದರ್ಭ, ರಸ್ತೆ ಮಧ್ಯೆ ಕಾಡಾನೆ ನಿಂತಿದ್ದು, ಈ ಆನೆಯನ್ನು ನೋಡಿದ ಸಿಬ್ಬಂದಿ ದೂರದಲ್ಲೇ ಜೀಪ್ ನಿಲ್ಲಿಸಿದರು. ಈ ವೇಳೆ ಕಾಡಾನೆ ಸೊಂಡಿಲು ಆಡಿಸುತ್ತ ವಾಹನದ ಕಡೆ ನುಗ್ಗಿ ಬಂದಿದ್ದು, ತಕ್ಷಣ ಚಾಲಕ ಹಿಮ್ಮುಖವಾಗಿ ಜೀಪ್ ಚಲಾಯಿಸಿದ್ದಾರೆ. ಆದರೂ ಸ್ವಲ್ಪ ದೂರ ವಾಹನದ ಕಡೆಗೆ ಕಾಡಾನೆ ಧಾವಿಸಿ ನಂತರ ಕಾಡಿನ ಕಡೆಗೆ ಓಡಿದೆ.