ಬಿಬಿಎಂಪಿ ಜಯ ಸಚಿವ ಆರ್ ಅಶೋಕ್​ಗೆ ಸಲ್ಲಬೇಕು.. ಮಾಜಿ ಸಚಿವ ಅರವಿಂದ ಲಿಂಬಾವಳಿ

ಬೆಂಗಳೂರು:ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯ ಚುಕ್ಕಾಣಿ ಹಿಡಿಯುವಲ್ಲಿ ಕಡೆಗೂ ಬಿಜೆಪಿ ಯಶಸ್ವಿಯಾಗಿದೆ. ಕಳೆದ ನಾಲ್ಕು ಅವಧಿಯಲ್ಲಿ ಕೈತಪ್ಪಿದಂತಹ ಮೇಯರ್‌ ಗಾದಿ ಈ ಬಾರಿ ಬಿಜೆಪಿಗೆ ಒಲಿದು ಬಂದಿದೆ. ಈ ಸಂದರ್ಭದಲ್ಲಿ ತಮ್ಮ ಖುಷಿಯನ್ನು ಹಂಚಿಕೊಂಡ ಶಾಸಕ ಅರವಿಂದ ಲಿಂಬಾವಳಿ, ಜೆಡಿಎಸ್,ಕಾಂಗ್ರೆಸ್​ನಲ್ಲಿ ಒಡಕು ಹೆಚ್ಚಿದ್ದ ಕಾರಣ ನಮಗೆ ಅಧಿಕಾರ ಸಿಕ್ಕಿದೆ. ನಮಗಿಂತ ಸಂಖ್ಯಾಬಲ ಅವರದ್ದು ಜಾಸ್ತಿ ಇದ್ದರೂ ಮನಸ್ತಾಪ ಹೆಚ್ಚಿದ ಕಾರಣ ನಮಗೆ ಜಯ ದೊರಕಿದೆ. ಸಚಿವ ಆರ್.ಅಶೋಕ್ ಅವರ ನೇತೃತ್ವದಲ್ಲಿ ಚುನಾವಣೆಯನ್ನು ಎದುರಿಸಲಾಗಿದೆ. ಬಿಬಿಎಂಪಿ ಜಯ ಆರ್.ಅಶೋಕ್ ಅವರಿಗೆ ಸಲ್ಲಬೇಕು ಎಂದರು.