ಸಿದ್ದರಾಮಯ್ಯ, ಕುಮಾರಸ್ವಾಮಿ ಹಾವು ಮುಂಗುಸಿ ಇದ್ದ ಹಾಗೆ: ಬಾಬುರಾವ್ ಚಿಂಚನಸೂರ

ಹಾವೇರಿ: ಜಿಲ್ಲೆಯ ರಟ್ಟಿಹಳ್ಳಿಯಲ್ಲಿ ಹಿರೇಕೆರೂರು ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಬಿ.ಸಿ.ಪಾಟೀಲ್​ ಪರ ಮಾಜಿ ಸಚಿವ ಬಾಬುರಾವ್ ಚಿಂಚನಸೂರ ಪ್ರಚಾರ ಮಾಡಿದರು. ಸಮಾವೇಶದಲ್ಲಿ ಮಾತನಾಡಿದ ಅವರು, ಸಿದ್ದರಾಮಯ್ಯ ಹಾಗೂ ಕುಮಾರಸ್ವಾಮಿ ಹಾವು ಮುಂಗುಸಿ ಇದ್ದ ಹಾಗೆ. ಇಪ್ಪತ್ತು ವರ್ಷ ಕಾಂಗ್ರೆಸ್ ಬರೋದಿಲ್ಲ. ಕಾಂಗ್ರೆಸ್ ಸುಟ್ಟುಸುಣ್ಣವಾಗಿದೆ. ಇಲ್ಲಿ ಸಿದ್ದರಾಮಯ್ಯ ಕುದುರೆ ಓಡೋದಿಲ್ಲ. ಓಡೋದು ಯಡಿಯೂರಪ್ಪನ ಕುದುರೆ. ಈ ಬಾರಿ ಬಿ.ಸಿ.ಪಾಟೀಲ್​ ಮಂತ್ರಿಯಾಗಿ ಬರ್ತಾರೆ ಎಂದ ಅವರು ಈ ಬಾರಿ ಬಿಜೆಪಿ ಅಭ್ಯರ್ಥಿ ಬಿ.ಸಿ.ಪಾಟೀಲ್​ರನ್ನು ಗೆಲಿಸುವಂತೆ ಜನರಲ್ಲಿ ಮನವಿ ಮಾಡಿದರು.