ಅನರ್ಹ ಶಾಸಕರ ಕ್ಷೇತ್ರಗಳಿಗೆ ಬಂಪರ್​: ಬಿ ಸಿ ಪಾಟೀಲ್, ಬಣಕಾರರನ್ನು ಜೋಡೆತ್ತಿಗೆ ಹೋಲಿಸಿದ ಸಿಎಂ

ಮೈತ್ರಿ ಸರ್ಕಾರ ಉರುಳಿಸಿ ಬಿಜಿಪಿ ಗದ್ದುಗೆ ಏರುವಂತೆ ಮಾಡಿದ ಅನರ್ಹ ಶಾಸಕರು, ಕಮಲ ಪಾಳಯದ ಪಾಲಿಕೆ ದೇವರಾಗಿದ್ದಾರೆ. ಸದ್ಯ ಅನರ್ಹರನ್ನು ಖುಷಿಪಡಿಸಿ ಮತ್ತೆ ಅಧಿಕಾರದ ಗದ್ದುಗೆ ಹಿಡಿಯುವಂತೆ ಮಾಡಲು ಸಿಎಂ ಬಿಎಸ್​ವೈ ಪಣ ತೊಟ್ಟಿದ್ದು, ಅನರ್ಹರ ಕ್ಷೇತ್ರಗಳಿಗೆ ಅಭಿವೃದ್ಧಿಯ ಮಹಾಪೂರವನ್ನೇ ಹರಿಸಿದ್ದಾರೆ. ಹಾವೇರಿ ಜಿಲ್ಲೆಗೆ ಭೇಟಿ ನೀಡಿದ್ದ ಸಿಎಂ ಯಡಿಯೂರಪ್ಪ ಅನರ್ಹ ಶಾಸಕ ಬಿ. ಸಿ. ಪಾಟೀಲ್​ ಮತ್ತು ಬಿಜೆಪಿ ಮಾಜಿ ಶಾಸಕ ಯು. ಬಿ. ಬಣಕಾರರನ್ನ ಜೋಡೆತ್ತುಗಳಿಗೆ ಹೋಲಿಸಿ ಅಟ್ಟಕ್ಕೇರಿಸಿದ್ದಾರೆ..