ವಿದ್ಯುತ್‌ ಶಾಕ್​: ಕಂಬದಲ್ಲೇ ಹಾರಿಹೋಯ್ತು ಗುತ್ತಿಗೆ ಕಾರ್ಮಿಕನ ಪ್ರಾಣ!

ಶಿವಮೊಗ್ಗ: ವಿದ್ಯುತ್ ಕಂಬವೇರಿ ಕಾರ್ಯನಿರ್ವಹಿಸುತ್ತಿದ್ದಾಗ ಗುತ್ತಿಗೆ ಕಾರ್ಮಿಕನೋರ್ವ ಕರೆಂಟ್​ ಶಾಕ್​ನಿಂದ ಸಾವನ್ನಪ್ಪಿರುವ ಘಟನೆ ಸಾಗರದಲ್ಲಿ‌ ನಡೆದಿದೆ. ಪಟ್ಟಣದ ಕೈಗಾರಿಕಾ ವಲಯದಲ್ಲಿ ಕಾರ್ಯನಿರ್ವಹಿಸುವಾಗ ಕಿರಣ್(27) ಎಂಬುವನ ಪ್ರಾಣಪಕ್ಷಿ ಹಾರಿಹೋಗಿದೆ. ಈತ ಸಾಗರ ತಾಲೂಕು‌ ನಿಚಡಿ ಗ್ರಾಮದ ನಿವಾಸಿಯಾಗಿದ್ದು, ಗುತ್ತಿಗೆ ಕಾರ್ಮಿಕನಾಗಿ‌ ಕಾರ್ಯನಿರ್ವಹಿಸುತ್ತಿದ್ದ ಎನ್ನಲಾಗ್ತಿದೆ. ಸಾಗರ ಟೌನ್ ಪೊಲೀಸ್‌‌ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ಸಂಭವಿಸಿದೆ.