ರುದ್ರಪ್ರಯಾಗ ಸಮೀಪದ ಹೆದ್ದಾರಿಯಲ್ಲಿ ಭೂಕುಸಿತ, ಸಂಚಾರ ಅಸ್ತವ್ಯಸ್ತ

ಭೂ ಕುಸಿತದಿಂದಾಗಿ ಬದರಿನಾಥ್ ಮತ್ತು ಕೇದಾರನಾಥ ಹೆದ್ದಾರಿಗಳಲ್ಲಿ ಸಂಚಾರ ಅಸ್ತವ್ಯಸ್ತಗೊಂಡಿದೆ. ಪ್ರಯಾಣಿಕರು ಗಂಟೆಗಟ್ಟಲೆ ಟ್ರಾಫಿಕ್​ ಜಾಮ್​ನಲ್ಲಿ ಸಿಲುಕಿದ್ದಾರೆ. ಹೆದ್ದಾರಿ ಸಮೀಪದ ಬೆಟ್ಟಗಳು ಬಿರುಕು ಬಿಡುತ್ತಿವೆ. ಬುಧವಾರ ಸಂಜೆ ಫಾಟಾ ಬಳಿ ಭೂಕುಸಿತ ಸಂಭವಿಸಿದೆ. ಹಲವು ಟನ್‌ಗಳಷ್ಟು ಕಲ್ಲು-ಮಣ್ಣಿನ ಅವಶೇಷಗಳು ಮತ್ತು ಬಂಡೆಗಳು ಬೆಟ್ಟದಿಂದ ಹೆದ್ದಾರಿ ಮೇಲೆ ಉರುಳಿಬಿದ್ದಿವೆ.