ಮೋದಿಗೆ ಟರ್ಮಿನಲ್ ಮಾದರಿಯ ವಿಶೇಷ ಕಲಾಕೃತಿ ಗಿಫ್ಟ್‌: ತಯಾರಕರ ಮಾತು

ಶಿವಮೊಗ್ಗ : ಪ್ರಧಾನಿ ನರೇಂದ್ರ ಮೋದಿ ಅವರಿಂದು ಶಿವಮೊಗ್ಗ ವಿಮಾನ ನಿಲ್ದಾಣ ಉದ್ಘಾಟಿಸಿದ್ದಾರೆ. ಈ ವೇಳೆ ಪ್ರಧಾನಿಗೆ ಶ್ರೀಗಂಧದ ಟರ್ಮಿನಲ್ ಮಾದರಿಯ ಸ್ಮರಣಿಕೆ ನೀಡಿ ಇಲ್ಲಿನ ರಾಜಕೀಯ ನಾಯಕರು ವಿಶೇಷವಾಗಿ ಸನ್ಮಾನಿಸಿದ್ದಾರೆ. 

ಇದನ್ನು ತಯಾರಿಸಿರುವ ಸಾಗರದ ಅಣ್ಣೆಕೊಪ್ಪ ಬಡಾವಣೆಯ ಕಿರಣ್ ಸಿಂಗ್ ಮಾತನಾಡಿ, ಜಿಲ್ಲಾಡಳಿತದವರು ಮತ್ತು ಸಂಸದ ಬಿ.ವೈ.ರಾಘವೇಂದ್ರ ಕರೆ ಮಾಡಿ ಪ್ರಧಾನಿಗೆ ವಿಶೇಷ ಸ್ಮರಣಿಕೆ ತಯಾರಿಸಲು ಹೇಳಿದ್ದರು. ಅದರಂತೆ 2 ಬಾರಿ ಶಿವಮೊಗ್ಗದ ನೂತನ ಟರ್ಮಿನಲ್ ನೋಡಿಕೊಂಡು ಬಂದು ಅದೇ ರೀತಿ ಅಚ್ಚುಕಟ್ಟಾಗಿ ಶ್ರೀಗಂಧ ಬಳಸಿ ಕಲಾಕೃತಿ ತಯಾರಿಸಿದ್ದೇನೆ ಎಂದರು. ಸ್ಮರಣಿಕೆ ತಯಾರಿಕೆಗೆ ಇವರು 4 ರಾತ್ರಿ 4 ಹಗಲು ತೆಗೆದುಕೊಂಡಿದ್ದಾರೆ. ಮೂಲತಃ ಗುಡಿಗಾರರಾಗಿರುವ ಕಿರಣ್ ಮತ್ತು ತಂಡದವರು ಸಾಗರ ಪಟ್ಟಣದಲ್ಲಿ ನೆಲೆಸಿದ್ದಾರೆ. 

ಇದನ್ನೂ ಓದಿ :Watch.. ಪೇಟ ತೊಡಿಸಿ, ನೆನಪಿನ ಕಾಣಿಕೆ ಕೊಟ್ಟು ಪಿಎಂ ಮೋದಿಗೆ ಸನ್ಮಾನ.. ಬಿಎಸ್​​ವೈಗೆ ಶುಭಾಶಯ ಹೇಳಿದ ಪ್ರಧಾನಿ