ಲಾರಿ-ಬಸ್​ ಮಧ್ಯೆ ಸಿಲುಕಿದ ಯುವತಿಯರು ಪವಾಡದಂತೆ ಪಾರು! ವಿಡಿಯೋ

ಕೋಯಿಕ್ಕೋಡ್ (ಕೇರಳ): ಓವರ್​ಟೇಕ್​ ಮಾಡುವ ಭರದಲ್ಲಿ ಎರಡು ವಾಹನಗಳ ಮಧ್ಯೆ ಸ್ಕೂಟರ್ ಸಿಲುಕಿ ಪವಾಡ ಸದೃಶ ರೀತಿಯಲ್ಲಿ ಇಬ್ಬರು ಯುವತಿಯರು ಅಪಾಯದಿಂದ ಪಾರಾದ ಘಟನೆ ಕೇರಳದ ಕೋಝಿಕ್ಕೋಡ್ ಜಿಲ್ಲೆಯಲ್ಲಿ ಇಂದು ಬೆಳಗ್ಗೆ ನಡೆದಿದೆ. ಬಸ್​ ಓವರ್​ಟೇಕ್ ಮಾಡಲು ಯತ್ನಿಸಿದಾಗ ಎದುರಿಗೆ ಟಿಪ್ಪರ್ ಲಾರಿ ಬಂದಿದೆ. ಏಕಾಏಕಿ ಸ್ಕೂಟರ್​ನಲ್ಲಿದ್ದ ಯುವತಿಯರು ರಸ್ತೆಗೆ ಬಿದ್ದಿದ್ದಾರೆ. ಎದೆ ಝಲ್ ಎನಿಸುವ ದೃಶ್ಯಗಳು ಬಸ್‌ಗೆ ಅಳವಡಿಸಿದ್ದ ಕ್ಯಾಮರಾದಲ್ಲಿ ಸೆರೆಯಾಗಿವೆ.  

ಮಾವೂರ್​ನಲ್ಲಿ ಯುವತಿಯರು ಅರೀಕೋಡಿನಿಂದ ಬರುತ್ತಿದ್ದ ಬಸ್ ಹತ್ತಲೆಂದು ಸ್ಕೂಟರ್​ನಲ್ಲಿ ಹಿಂಬಾಲಿಸುತ್ತಿದ್ದರು. ಬಸ್ ಓವರ್ ಟೇಕ್ ಮಾಡಲು ಯತ್ನಿಸುತ್ತಿದ್ದಾಗ ಎದುರಿಗೆ ಟಿಪ್ಪರ್ ಲಾರಿ ಬಂದಿದೆ. ಹಠಾತ್​ ಆಗಿ ಬಸ್​ ಹಾಗೂ ಲಾರಿಯ ಮಧ್ಯೆ ಯುವತಿಯರಿದ್ದ ಸ್ಕೂಟರ್​ ಸಿಕ್ಕಿಹಾಕಿಕೊಂಡಿತು. ಅಲ್ಲದೇ, ಲಾರಿ ತಾಗಿ ಸ್ಕೂಟರ್‌ಸಮೇತವಾಗಿ ಇಬ್ಬರೂ ರಸ್ತೆಗೆ ಬಿದ್ದಿದ್ದಾರೆ. ಹೆಲ್ಮೆಟ್‌ಗಳು ಕಳಚಿ ಬಿದ್ದಿವೆ. ಆದರೆ, ಪವಾಡ ಸದೃಶ ರೀತಿಯಲ್ಲಿ ಎಂಬಂತೆ ಯುವತಿಯರು ಸಣ್ಣಪುಟ್ಟ ಗಾಯಗಳೊಂದಿಗೆ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. 

ಇದನ್ನೂ ಓದಿ: ಸೈಕಲ್​ ಮೇಲೆ ತೆರಳುತ್ತಿದ್ದ 7 ವಿದ್ಯಾರ್ಥಿನಿಯರಿಗೆ ಗುದ್ದಿಕೊಂಡು ಹೋದ ಬೊಲೆರೋ - Video