ಕಂಬಿ ಹಿಂದಿನ ಕೋಗಿಲೆ.. ಸುಮಧುರ ಕಂಠದಿಂದ ಒಂದೇ ದಿನದಲ್ಲಿ ಪೊಲೀಸರ ಹೃದಯ ಗೆದ್ದ ಆರೋಪಿ

ಬಿಹಾರದ ಕೈಮೂರ್ ರಾಮಗಢ ಪೊಲೀಸ್ ಠಾಣೆ ಪೊಲೀಸರಿಂದ ಬಂಧಿತನಾದ ಆರೋಪಿ ದಹ್ರಾಕ್ ಗ್ರಾಮದ ನಿವಾಸಿ ಕನ್ಹಯ್ಯಾ ರಾಜ್ ಅವರು ತಮ್ಮನ್ನು ಬಂಧಿಸಿಟ್ಟಿದ್ದ ಕೊಠಡಿಯಲ್ಲಿ ಬೋಜ್​​ಪುರಿ ಹಾಡುಗಳನ್ನು ಹಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಭಾಬುವಾ ರೋಡ್ ರೈಲು ನಿಲ್ದಾಣದಲ್ಲಿ ಪಾನಮತ್ತರಾಗಿದ್ದ ವೇಳೆ ಕನ್ಹಯ್ಯಾ ಅವರನ್ನು ಒಂದು ದಿನದ ಮಟ್ಟಿಗೆ ಪೊಲೀಸರು ವಶಕ್ಕೆ ಪಡೆದಿದ್ದರು. ಒಂದೇ ದಿನದಲ್ಲಿ ಅವರು ಠಾಣಾಧಿಕಾರಿಗಳಿಗೆ ಸಂಗೀತದ ರಸದೌತಣ ಉಣಬಡಿಸಿದ್ದಾರೆ. ಈ ಕುರಿತು ಮಾತನಾಡಿರುವ ಕನ್ಹಯ್ಯಾ ಅವರು, 'ನಾನು ಅಶ್ಲೀಲ ಹಾಡುಗಳನ್ನು ಹಾಡುವುದಿಲ್ಲ. ನನಗೆ ಹಾಡಲು ಅನೇಕ ಆಫರ್‌ಗಳು ಈಗ ಬರಲಾರಂಭಿಸಿವೆ' ಎಂದು ತಿಳಿಸಿದ್ದಾರೆ.