ವಿಡಿಯೋ; ಗುಲ್ಕನ್​ ಮಿಲ್ಕ್​ಶೇಕ್​ ಕುಡಿದಿದ್ದೀರಾ! ಈ ಸಿಂಪಲ್​ ರೆಸಿಪಿ ಒಮ್ಮೆ ಟ್ರೈ ಮಾಡಿ ನೋಡಿ...

ಗುಲ್ಕಂದ್ ಅಥವಾ ಗುಲ್ಕನ್,​ ಗುಲಾಬಿ ದಳಗಳ ಸಿಹಿ ಖಾದ್ಯ. ಇದನ್ನು ಗುಲಾಬಿ ದಳಗಳನ್ನು ಸಕ್ಕರೆ ಮತ್ತು ಜೇನುತುಪ್ಪದೊಂದಿಗೆ ಬೆರೆಸಿ ತಯಾರಿಸಲಾಗುತ್ತದೆ. ಗುಲಾಬಿ ಹೂ ನೋಡಲಷ್ಟೇ ಸುಂದರವಲ್ಲ, ಆರೋಗ್ಯಕ್ಕೂ ಅವು ತಂಪಾಗಿರುತ್ತವೆ. ಗುಲ್ಕನ್​ ಅನ್ನು ಹಾಲಿಗೆ ಸೇರಿಸಿ ಶೇಕ್ ತಯಾರಾದಾಗ ಅದರ ಸ್ವಾದ ಅದ್ಭುತವಾಗಿರುತ್ತದೆ. ರುಚಿಯ ಜೊತೆಗೆ ಈ ಪಾನೀಯವು ಅಸಿಡಿಟಿ ನಿಯಂತ್ರಣಕ್ಕೂ ಸಹಾಯ ಮಾಡುತ್ತದೆ. ದೇಹದ ಉಷ್ಣತೆಯನ್ನು ಕಾಪಾಡಿಕೊಳ್ಳುವ ಜೊತೆಗೆ ಗುಲಾಬಿ ದಳಗಳು ನಿಮ್ಮ ಮನಸ್ಸು ಮತ್ತು ದೇಹಕ್ಕೆ ಉಲ್ಲಾಸ ನೀಡುತ್ತದೆ. ತಂಪು ಹಾಲಿಗೆ ಗುಲ್ಕನ್​ ಹಾಕಿ ಮಿಕ್ಸ್​ ಮಾಡಿ, ಸ್ವಲ್ಪ ಪುಡಿಮಾಡಿದ ಪಿಸ್ತಾ ಹಾಗೂ ಬಾದಾಮಿ ಹಾಕಿ, ತಾಜಾ ಗುಲಾಬಿ ದಳಗಳಿಂದ ಅಲಂಕರಿಸಿದರೆ ಗುಲ್ಕನ್​ ಮಿಲ್ಕ್​ಶೇಕ್ ಸಿದ್ಧವಾಗುತ್ತದೆ.