ಫ್ರಾನ್ಸ್ ಕಾಳ್ಗಿಚ್ಚು: 22 ಜನರಿಗೆ ಗಾಯ, 2,700 ಜನರ ಸ್ಥಳಾಂತರ- ವಿಡಿಯೋ

ಮಾರ್ಟಿಗ್ಯೂಸ್ (ಫ್ರಾನ್ಸ್): ಮೆಡಿಟರೇನಿಯನ್ ಗಾಳಿಯಿಂದ ಉಂಟಾದ ಕಾಳ್ಗಿಚ್ಚು ಫ್ರಾನ್ಸ್‌ನ ಮಾರ್ಸೆಲ್ಲೆ ಪ್ರದೇಶದ ಅನೇಕ ಪಟ್ಟಣಗಳಲ್ಲಿ ವ್ಯಾಪಿಸಿದೆ. ಕನಿಷ್ಠ 22 ಜನರು ಗಾಯಗೊಂಡಿದ್ದು, 2,700 ಜನರನ್ನು ಸ್ಥಳಾಂತರಿಸಲಾಗಿದೆ. ವಿಮಾನಗಳು ಮತ್ತು ಹೆಲಿಕಾಪ್ಟರ್‌ಗಳ ಸಹಾಯದಿಂದ ಅಗ್ನಿಶಾಮಕ ಸಿಬ್ಬಂದಿ ಮಾರ್ಟಿಗಸ್ ಪಟ್ಟಣದ ಸುತ್ತಲೂ ಬೆಂಕಿ ನಂದಿಸುವ ಕಾರ್ಯಾಚರಣೆ ನಡೆಸುತ್ತಿದೆ. ಬೆಂಕಿಯ ಜ್ವಾಲೆಗಳು ಕಾಡಿನಿಂದ ಎಂಟು ಕಿಲೋಮೀಟರ್ (ಐದು ಮೈಲಿ) ದೂರದಲ್ಲಿರುವ ಸಮುದ್ರದ ಕಡೆಗೆ ವೇಗವಾಗಿ ಹರಡಿ, ವಸತಿ ಪ್ರದೇಶಗಳಿಗೂ ವ್ಯಾಪಿಸಿದೆ. 8 ನಾಗರಿಕರು ಮತ್ತು 14 ಅಗ್ನಿಶಾಮಕ ದಳದ ಸಿಬ್ಬಂದಿಗೆ ಸಣ್ಣಪುಟ್ಟ ಗಾಯಗಳಾಗಿವೆ.