ಪ್ರವಾಹಕ್ಕೆ ತೇಲಿ ಹೋದ ಸ್ವಿಫ್ಟ್​ ಕಾರು... ಸೀಟ್​ ಬೆಲ್ಟ್​ ಕಟ್ಟಿದ್ದೇ ಚಾಲಕನಿಗೆ ಮುಳುವಾಯ್ತು!

ಸೋಲಾಪುರ್​​​: ಕಳೆದ ಮೂರು ದಿನಗಳಿಂದ ವಿವಿಧ ರಾಜ್ಯಗಳಲ್ಲಿ ವರುಣನ ಆರ್ಭಟ ಜೋರಾಗಿದೆ. ಭಾರಿ ಮಳೆಯಿಂದಾಗಿ ನದಿಗಳು ತುಂಬಿ ಹರಿಯುತ್ತಿರುವ ಕಾರಣ ಪ್ರವಾಹ ಪರಿಸ್ಥಿತಿ ನಿರ್ಮಾಣಗೊಂಡಿದೆ. ಸೋಲಾಪುರದ ನದಿಯಲ್ಲಿ ಸ್ವಿಫ್ಟ್​ ಕಾರ್​ವೊಂದು ಪತ್ತೆಯಾಗಿದ್ದು, ಚಾಲಕ ಅದರಲ್ಲೇ ಸಾವನ್ನಪ್ಪಿದ್ದಾನೆ. ನೀರಿನ ಪ್ರವಾಹ ಏಕಾಏಕಿ ಹೆಚ್ಚಿಗೆ ಆಗಿರುವ ಕಾರಣ ಹಾಗೂ ಸೀಟ್​​ ಬೆಲ್ಟ್​ ಹಾಕಿದ್ದ ಕಾರಣ ಆತನಿಗೆ ಹೊರಗಡೆ ಬರಲು ಸಾಧ್ಯವಾಗಿಲ್ಲ. ಸ್ವಿಫ್ಟ್​ ಕಾರು ನದಿಯಲ್ಲಿ ಮುಳುಗಿರುವುದನ್ನ ನೋಡಿರುವ ಗ್ರಾಮಸ್ಥರು ಹೊರ ತೆಗೆದಿದ್ದಾರೆ. ಆದರೆ ಚಾಲಕ ಸಾವನ್ನಪ್ಪಿದ್ದಾನೆ. ಇದರಲ್ಲಿ ಮತ್ತಿಬ್ಬರು ಪ್ರಯಾಣಿಕರು ಇದ್ದರು ಎನ್ನಲಾಗಿದ್ದು, ಅವರಿಗಾಗಿ ಶೋಧಕಾರ್ಯ ಮುಂದುವರೆದಿದೆ.