ಮೇಲಾಧಿಕಾರಿಗಳ ಒತ್ತಡದ ಭೀತಿಯಿಂದ ನಕಲಿ ಕೋವಿಡ್ ಮಾದರಿ ಸಂಗ್ರಹ : ವಿಡಿಯೋ ವೈರಲ್​

ಮಥುರಾ: ಜಿಲ್ಲೆಯ ಡೋರಿಲಾಲ್ ಅಗರ್ವಾಲ್ ಆರೋಗ್ಯ ಸಮುದಾಯ ಕೇಂದ್ರದಲ್ಲಿ ನಕಲಿ ಕೊರೊನಾ ಸ್ಯಾಂಪಲ್ ಸಂಗ್ರಹ​ ದಂಧೆ ನಡೆಯುತ್ತಿದೆ. ಹೆಚ್ಚು ಹೆಚ್ಚು ಜನರ ಸ್ಯಾಂಪಲಿಂಗ್ ಮಾಡಬೇಕು ಇಲ್ಲದಿದ್ದರೆ ಆರೋಗ್ಯಾಧಿಕಾರಿಗಳ ಒತ್ತಡ ಎದುರಿಸಬೇಕಾಗುತ್ತದೆ ಎಂದು ವೈದ್ಯರು ಹೇಳುತ್ತಿರುವ ವಿಡಿಯೋ ವೈರಲ್ ಆಗಿದೆ. ವಿಡಿಯೋದಲ್ಲಿ ಹೆಚ್ಚು ಹೆಚ್ಚು ಜನರ ಸ್ಯಾಂಪಲ್ ಪಡೆಯುವಂತೆ ವೈದ್ಯರು ಕಾಂಪೌಂಡರ್​ಗೆ ಹೇಳುತ್ತಿದ್ದಾರೆ. ಅಧಕಾರಿಗಳ ಭೀತಿಯಿಂದ ಬೇಕಾಬಿಟ್ಟಿ ಸ್ಯಾಂಪಲ್ ಪಡೆದು, ಯಾರದ್ದೋ ಹೆಸರಿನಲ್ಲಿ ಕಳುಹಿಸಿ ಕೊಡುತ್ತಿರುವುದು ಗೊತ್ತಾಗಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.