ಗನ್​ ಜೊತೆ ಆಟವಾಡುತ್ತಾ ಅವಘಡ: ಗುಂಡು ತಗುಲಿ 11 ವರ್ಷದ ಬಾಲಕ ಸಾವು

ರಾಜಸ್ಥಾನ: ಬುಲೆಟ್​ ತುಂಬಿದ್ದ ಗನ್​​ನಲ್ಲಿ ಆಟವಾಡಲು ಹೋಗಿ ಗುಂಡು ತಗುಲಿ 11 ವರ್ಷದ ಬಾಲಕ ಮೃತಪಟ್ಟಿರುವ ಘಟನೆ ರಾಜಸ್ಥಾನದ ಸಿಕಾರ್​ ಜಿಲ್ಲೆಯ ಸಿಹೋಟ್​ ಗ್ರಾಮದಲ್ಲಿ ನಡೆದಿದೆ. ಶುಭಂ ಮೃತ ಬಾಲಕ. ಗ್ರಾಮದ ಜಮೀನೊಂದರಲ್ಲಿ ಜಮೀನು ಕಾಯುವ ವ್ಯಕ್ತಿಯು ಬಂದೂಕನ್ನು ಇಟ್ಟು ಹೋಗಿದ್ದಾನೆ. ಈ ವೇಳೆ ಆಟವಾಡುತ್ತಾ ಬಂದ ಬಾಲಕ ಬಂದೂಕನ್ನು ತೆಗೆದುಕೊಂಡು ಆಟವಾಡುತ್ತಾ ಆಕಸ್ಮಿಕವಾಗಿ ಶೂಟ್​ ಮಾಡಿಕೊಂಡಿದ್ದಾನೆ. ಮಿಲಿಟರಿಯಲ್ಲಿ ಕೆಲಸ ಮಾಡುತ್ತಿರುವ ಸಿಹೋಟ್ ಗ್ರಾಮದ ರಾಧೇಶ್ಯಾಮ್ ಎಂಬವರ ಏಕೈಕ ಪುತ್ರ ಶುಭಂ ಆಗಿದ್ದು, ಜಮೀನು ಕಾವಲುಗಾರನ ವಿರುದ್ಧ ಮೃತ ಬಾಲಕನ ಕುಟುಂಬದವರು ಪೊಲೀಸರಿಗೆ ದೂರು ನೀಡಿದ್ದಾರೆ.