ವಿಜಯಪುರ: ಲಾಕ್ಡೌನ್ ನಿಯಮ ಮೀರಿ ಸಂಚರಿಸಿದ್ದ ವಾಹನಗಳನ್ನು ಸೀಜ್ ಮಾಡಲಾಗಿತ್ತು. ಈಗ ಅಂತಹ ವಾಹನಗಳನ್ನು ಮರಳಿ ಮಾಲೀಕರಿಗೆ ನೀಡಲಾಗುತ್ತಿದೆ.
ನಗರದ ಗಾಂಧಿ ಚೌಕ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ವಶಕ್ಕೆ ಪಡೆದಿದ್ದ ಬೈಕ್, ಆಟೋ ಹಾಗೂ ಕಾರುಗಳು ಸೇರಿದಂತೆ ದಂಡ ಕಟ್ಟಿಸಿಕೊಂಡು ಹಿಂದಿರುಗಿಸಲಾಗುತ್ತಿದೆ. ಸೀಜ್ ಆಗಿರುವ ವಾಹನ ಪಡೆಯಲು ಮಾಲೀಕರು ತಮ್ಮ ವಾಹನದ ದಾಖಲೆ ತೆಗೆದುಕೊಂಡು ಮಾಲೀಕರು ಪೊಲೀಸ್ ಠಾಣೆಗಳಿಗೆ ಬರುತ್ತಿದ್ದಾರೆ.
ಇನ್ನು ಜಿಲ್ಲೆಯಲ್ಲಿ ಸುಮಾರು 1700 ಕ್ಕೂ ಅಧಿಕ ವಾಹನಗಳನ್ನು ಲಾಕ್ಡೌನ್ ವೇಳೆ ಸೀಜ್ ಮಾಡಲಾಗಿತ್ತು. ಸರ್ಕಾರದ ಆದೇಶದಂತೆ ಸೀಜ್ ಆಗಿರುವ ದ್ವಿಚಕ್ರ ವಾಹನಕ್ಕೆ 500 ಹಾಗೂ ಆಟೋ, ಕಾರು ಸೇರಿದಂತೆ ಇತರ ವಾಹನಗಳಿಗೆ 1000 ರೂಪಾಯಿ ದಂಡ ವಸೂಲಿ ಮಾಡಲಾಗುತ್ತಿದೆ.