ಕಾರವಾರ: ಬಸ್ನಲ್ಲಿ ಹೊಗೆ ಕಾಣಿಸಿಕೊಂಡ ಪರಿಣಾಮ ಪ್ರಯಾಣಿಕರು ಕೆಲಕಾಲ ಆತಂಕಕ್ಕೊಳಗಾದ ಘಟನೆ ಕುಮಟಾ ತಾಲೂಕಿನ ದೇವಿಮನೆಘಟ್ಟದಲ್ಲಿ ನಡೆದಿದೆ.
ಶಿರಸಿಯಿಂದ ಕಾರವಾರಕ್ಕೆ ಹೋಗುತ್ತಿದ್ದ ಬಸ್ ಘಟ್ಟದಲ್ಲಿ ಇಳಿಯುತ್ತಿದ್ದ ವೇಳೆ ಬ್ರೇಕ್ ಲೈನರ್ ಬಿಸಿಯಾದ ಪರಿಣಾಮ ಚಾಲಕನ ಬದಿಯ ಮುಂದಿನ ಚಕ್ರದ ಬಳಿ ಹೊಗೆ ಕಾಣಿಸಿಕೊಂಡಿದೆ. ಈ ವೇಳೆ ಚಾಲಕ ಬಸ್ ನಿಲ್ಲಿಸಿದ್ದು, ಹೊಗೆ ಕಂಡೊಡನೆ ಬೆಂಕಿ ಹೊತ್ತಿಕೊಂಡಿದೆ ಎಂದು ಪ್ರಯಾಣಿಕರು ಗಾಬರಿಗೊಂಡು ಬಸ್ನಿಂದ ಇಳಿದಿದ್ದಾರೆ.
ಬಸ್ನಲ್ಲಿ ಕಾಣಿಸಿಕೊಂಡ ಹೊಗೆ
ಬಳಿಕ ಚಾಲಕ ಲೈನರ್ ಬಿಸಿಯಾದ ವಿಚಾರವನ್ನು ತಿಳಿಸಿದ್ದು, ಪ್ರಯಾಣಿಕರು ನಿಟ್ಟುಸಿರು ಬಿಟ್ಟರು. ಕೆಲ ಹೊತ್ತು ಬಸ್ಅನ್ನು ಘಟ್ಟದಲ್ಲಿಯೇ ನಿಲ್ಲಿಸಿ ಬಳಿಕ ಅದೇ ಬಸ್ನಲ್ಲಿ ಪ್ರಯಾಣಿಕರನ್ನು ಕಾರವಾರಕ್ಕೆ ಕರೆದೊಯ್ಯಲಾಗಿದೆ.
