ಹಾವೇರಿ : ಕೊರೊನಾ ಪಾಸಿಟಿವ್ ಆಗಿದ್ದ ತಮ್ಮ ಸಂಬಂಧಿಕರ ಸಂಪರ್ಕದಿಂದ ಕ್ವಾರಂಟೈನ್ ಆಗಿದ್ದ ಕೃಷಿ ಸಚಿವ ಬಿ ಸಿ ಪಾಟೀಲ್ ಈಗ ನಿಟ್ಟುಸಿರುಬಿಟ್ಟಿದ್ದಾರೆ. ಸ್ವತಃ ಪರೀಕ್ಷೆಗೊಳಗಾಗಿದ್ದ ಅವರ ವರದಿ ಈಗ ನೆಗೆಟಿವ್ ಎಂದು ಬಂದಿದೆ.
ರಿಲಾಕ್ಸ್ ಮೂಡ್ನಲ್ಲಿ ಬಿ ಸಿ ಪಾಟೀಲ್
ಈ ಹಿನ್ನೆಲೆ ಸಚಿವ ಪಾಟೀಲ್, ರವಿವಾರ ಕ್ವಾರಂಟೈನ್ನಿಂದ ಹೊರ ಬಂದಿದ್ದಾರೆ. ಈ ಕುರಿತಂತೆ ಸ್ಪಷ್ಟನೆ ನೀಡಿರುವ ಅವರು, ತಮ್ಮ ಸಂಬಂಧಿಗೆ ಕೊರೊನಾ ಪಾಸಿಟಿವ್ ಬಂದಿದ್ದರಿಂದ ಮನೆಯ ಸದಸ್ಯರು, ನನ್ನ ಜೊತೆ ಸಹಾಯಕರು ಹೋಂ ಕ್ವಾರಂಟೈನ್ ಆಗಿದ್ದೆವು. ಈಗ ತಮ್ಮ ವರದಿ ನೆಗಟಿವ್ ಬಂದಿದೆ ಎಂದು ತಿಳಿಸಿದ್ದಾರೆ.
ಈ ಹಿನ್ನೆಲೆ ತಾವು ಮತ್ತೆ ಸಾರ್ವಜನಿಕರ ಸೇವೆಗೆ ಸನ್ನದ್ಧವಾಗಿರೋದಾಗಿ ತಿಳಿಸಿದ್ದಾರೆ. ಈ ಕುರಿತಂತೆ ಕೃಷಿ ಸಚಿವ ಬಿ ಸಿ ಪಾಟೀಲ್ ವಾಟ್ಸ್ಆ್ಯಪ್ ಮತ್ತು ಫೇಸ್ಬುಕ್ನಲ್ಲಿ ಪೋಸ್ಟ್ ಮಾಡಿದ್ದಾರೆ.
