ಹೆಂಡತಿ ಕೊಟ್ಟ ಒಂದೇ ಮಿಸ್​ ಕಾಲ್​ ಪತಿಯ ಕೊಲೆಗೆ ಕಾರಣವಾಯ್ತು... ಪಾಗಲ್​ ಪ್ರೇಮಿ ಮಾಡಿದ್ದೇನು?

ಹೆಂಡತಿಯ ಮಿಸ್ ಕಾಲ್, ಗಂಡನ ಪ್ರಾಣವನ್ನೆ ತೆಗೆಯುವಂತೆ ಮಾಡಿದ ಘಟನೆ ಕೋಟೆನಗರಿಯನ್ನೆ ಬೆಚ್ಚಿಬೀಳುವಂತೆ ಮಾಡಿದೆ.

ಚಿತ್ರದುರ್ಗ : ಮನಸಾರೆ ಪ್ರೀತಿಸಿ ಮದುವೆಯಾಗಿದ್ದ ಪ್ರೇಮಿಗಳು, ಸುಂದರ ಸಂಸಾರ ನಡೆಸುತ್ತಿದ್ದರು. ಹೆಂಡತಿಯ ಕೈತಪ್ಪಿ ಮಾಡಿದ ಮಿಸ್ ಕಾಲ್ ಗಂಡನ ಪ್ರಾಣವನ್ನೆ ತೆಗೆದ ಘಟನೆ ನಗರದಲ್ಲಿ ನಡೆದಿದೆ.

ನಗರದಲ್ಲಿ ಕಳೆದ ವಾರ ದಿ, 22 ರಂದು ಜೈಲು ರಸ್ತೆಯಲ್ಲಿರೋ ಬಿ.ಎಸ್ ಗೌಡ ಲೇಔಟ್ ನ ಕಸದ ರಾಶಿಯ ಮಧ್ಯೆ ವ್ಯಕ್ತಿಯೊಬ್ಬನನ್ನ ಗುರುತು ಸಿಗದ ರೀತಿಯಲ್ಲಿ ಬರ್ಭರವಾಗಿ ಹತ್ಯೆ ಮಾಡಲಾಗಿತ್ತು, ಮೃತದೇಹವನ್ನ ಖಾಸಗಿ ವಾಹಿನಿಯ ಕ್ಯಾಮರಾ ಮ್ಯಾನ್ ಮಂಜುನಾಥ್ ಎಂಬುವವರು ಗುರುತಿಸಿದಾಗ ಹೇರ್ ಕಟಿಂಗ್ ಸೆಲ್ಯೂನ್ ನಲ್ಲಿ ಕೆಲಸ ಮಾಡ್ತಿರೋ ನವೀನ್ ಎಂಬಾತನ ದೇಹ ಎಂದು ಪೊಲೀಸರಿ ತಿಳಿದಿತ್ತು.

ಪ್ರಕರಣ ದಾಖಲಿಕೊಂಡು ಕಾರ್ಯಾಚರಣೆಗಿಳಿದ ಪೊಲೀಸರಿಗೆ ಮೊದಲಿಗೆ ಕೊಲೆಯ ಸುಳಿವು ನೀಡಿದ್ದು ನವೀನ್ ಬಳಸುತ್ತಿದ್ದ ಮೊಬೈಲ್, ಕೊನೆಯ ಸಲ ನವೀನನಿಗೆ ಬಂದಿದ್ದ ಕರೆಯನ್ನಾಧರಿಸಿ ಕಾರ್ಯಾಚರಣೆಗಿಳಿದ ಪೋಲಿಸರಿಗೆ ಮೊದಲು ಸಿಕ್ಕಿದ್ದು ಚಳ್ಳಕೆರೆ ಮೂಲದ ಟ್ಯಾಕ್ಸಿ ಚಾಲಕ ಅಕ್ಷಯ್ ಎಂಬಾತ. ವಶಕ್ಕೆ ಪಡೆದು ವಿಚಾರಣೆ ಮಾಡಿದಾಗ ಹೋರಬಂದಿತ್ತೊಂದು ಪಾಗಲ್ ಪ್ರೇಮ ಕಥೆ.

ಪಾಗಲ್ ಪ್ರೇಮಿ ಅಕ್ಷಯ್

ಕಳೆದ ಆರು ತಿಂಗಳ ಕೆಳಗೆ ನವೀನನ ಪತ್ನಿ ಯಾರಿಗೋ ಕರೆ ಮಾಡಲು ಹೋಗಿ ನಂಬರ್ ಮಿಸ್ ಆಗಿ ಅಕ್ಷಯ್ ಎಂಬುವವರಿಗೆ ಮಿಸ್ ಕಾಲ್ ಹೋಗಿತ್ತು, ಆದ್ರೆ ಮಿಸ್ ಕಾಲ್ ಕೊಟ್ಟಿರೋಳು ಹೆಣ್ಣು ಎಂಬುದನ್ನ ಅರಿತ ಅಕ್ಷಯ್ ಆಕೆಗೆ ಪ್ರತಿನಿತ್ಯ ಕಾಲ್, ಮೆಸೇಜ್ ಮಾಡೋ ಮೂಲಕ ಆಕೆಯ ಗೆಳೆತನ ಮಾಡಿದ್ದಾನೆ. ಒಳ್ಳೆಯ ವ್ಯಕ್ತಿ ಅಂದ್ಕೊಂಡ ನವೀನನ ಪತ್ನಿ ಮಿಸ್ ಕಾಲ್ ಗೆಳೆಯನನ್ನ ತನ್ನ ಗಂಡನಿಗೂ ಪರಿಚಯ ಮಾಡಿಸಿದ್ದಾಳೆ.

ಪೋನ್ ಗೆಳತಿ ಮೇಲೆ ಆಕರ್ಷಿತನಾದ ಅಕ್ಷಯ್ ಆಕೆಯ ಬಳಿ ಪ್ರೇಮಿಸುವಂತೆ ಪೀಡಿಸಿದ್ದಾನಂತೆ. ನಿರಾಕರಿಸಿ ಗಂಡನಿಗೆ ಹೇಳಿದ್ದಾಳೆ. ಹೀಗಾಗಿ ನವೀನ್, ಇನ್ನುಮುಂದೆ ನನ್ನ ಹೆಂಡತಿಗೆ ಕಾಲ್ ಮಾಡಬೇಡ ಅಂತ ಅಕ್ಷಯ್ ಗೆ ವಾರ್ನ್ ಮಾಡಿದ್ದಾನೆ. ಇದನ್ನೆ ಮನಸ್ಸಿನಲ್ಲಿಟ್ಟುಕೊಂಡ ಪಾಗಲ್ ಪ್ರೇಮಿ, ತನ್ನ ಗೆಳೆಯರ ಜೊತೆ ಸೇರಿ ನವೀನನ್ನ ಬರ್ಭರವಾಗಿ ಕೊಲೆ ಮಾಡಿರೋದಾಗಿ ಪೊಲೀಸರ ತನಿಖೆ ವೇಳೆ ತಿಳಿದು ಬಂದಿದೆ.

ಆರೋಪಿಗಳು

ಮಿಸ್ ಕಾಲ್ ಕೊಟ್ಟವಳ ಮೇಲಿನ ಮೋಹಕ್ಕೆ, ಪಾಗಲ್ ಪ್ರೇಮಿ ಹಾಗೂ ಕೊಲೆ ಮಾಡಲು ಸಹಕರಿಸಿದ್ದ ಕಿರಣ್ ಮತ್ತು ಕೃಷ್ಣ ಎಂಬುವವರುಈಗಾಗಲೇ ಜೈಲು ಸೇರಿದ್ರೆ, ಸುಖವಾಗಿ ಸಂಸಾರ ಮಾಡಿಕೊಂಡಿದ್ದ ನವೀನ್ ಹೆಂಡತಿಯ ಕೈತಪ್ಪಿನಿಂದಾದ ಮಿಸ್ ಕಾಲ್ ಗೆಳೆತನ, ಗಂಡನನ್ನೆ ಬಲಿ ಪಡೆದಿದೆ. ಸದ್ಯ ಪೊಲೀಸರು ಪರಾರಿಯಾಗಿರುವ ಇನ್ನುಳಿದ ಮೂವರು ಆರೋಪಿಗಳ ಪತ್ತೆಗಾಗಿ ಪೊಲೀಸರು ಬಲೆ ಬೀಸಿದ್ದಾರೆ.