ಬಾಗೇಪಲ್ಲಿ: ಇಲ್ಲಿನ 1 ಮತ್ತು10 ನೇ ವಾರ್ಡ್ ನಿವಾಸಿಗಳಿಗೆ ಉಚಿತವಾಗಿ ತರಕಾರಿ ವಿತರಿಸಲಾಯಿತು.
ಪಟ್ಟಣದ ಪುರಸಭೆ ಸದಸ್ಯ ಗಡ್ಡಂ ರಮೇಶ್ 500 ಕುಟುಂಬಗಳಿಗೆ ತರಕಾರಿ ವಿತರಿಸಿದರು. ಪ್ರತಿ ಕುಟುಂಬಕ್ಕೆ 5 ಕೆ.ಜಿ ಯಷ್ಟು ತರಕಾರಿಯನ್ನು ವಿತರಿಸಲಾಯಿತು. ಕ್ಷೇತ್ರದ ವಿವಿಧ ಗ್ರಾಮಗಳ ರೈತರು ಬೆಳೆದಿದ್ದ ಕೋಸು, ಬೀನ್ಸ್‌, ಬದನೆ, ಆಲೂಗಡ್ಡೆ, ಟೊಮೆಟೊ ಸೇರಿ ಇತರ ತರಕಾರಿಗಳನ್ನು ವಿತರಿಸಲಾಯಿತು.
ಪಟ್ಟಣದ ನಿವಾಸಿಗಳಿಗೆ ಅಗತ್ಯವಿರುವ ತರಕಾರಿ ಮನೆ ಬಾಗಿಲಿಗೆ ತಲುಪಿಸುತ್ತೇವೆ. ಲಾಕ್ಡೌನ್ ಅಂತ್ಯಗೊಳ್ಳುವವರೆಗೂ ಏನೇ ಸೇವೆ ಮಾಡಲು ಸಿದ್ಧನಾಗಿದ್ದೇನೆ. ಜಗತ್ತಿನೆಲ್ಲೆಡೆ ಜನ ಕೋವಿಡ್‌-19 ಕಾಯಿಲೆಯಿಂದ ತತ್ತರಿಸಿದ್ದಾರೆ. ಕೊರೊನಾ ಸೋಂಕು ನಿವಾರಣೆಗೆ ಜಾರಿಯಾಗಿರುವ ಲಾಕ್ಡೌನ್ ಆದೇಶವನ್ನು ಪ್ರತಿಯೊಬ್ಬರು ಪಾಲಿಸಬೇಕು ಎಂದು ಪುರಸಭೆ ಸದಸ್ಯ ಗಡ್ಡಂ ರಮೇಶ್ ಮನವಿ ಮಾಡಿದರು.
