ಭಾನುವಾರ ಎಲ್ಲ ಹೋಟೆಲ್​​​​, ರೆಸ್ಟೋರೆಂಟ್, ಬೇಕರಿ ಬಂದ್: ಜನತಾ ಕರ್ಫ್ಯೂಗೆ ಬೆಂಬಲ

ನಿನ್ನೆ ಪ್ರಧಾನಿ ಮೋದಿ ಅವರು ಕರೆ ನೀಡಿರುವ ಜನತಾ ಕರ್ಫ್ಯೂಗೆ ಬೆಂಗಳೂರಿನ ಹೋಟೆಲ್​​​ ಸಂಘಟನೆ ಬೆಂಬಲ ಸೂಚಿಸಿದೆ.

ಬೆಂಗಳೂರು: ಭಾನುವಾರ ಬೆಳಗ್ಗೆ 7ರಿಂದ ರಾತ್ರಿ 9 ರ ವರೆಗೆ ಪ್ರಧಾನಿ ಮೋದಿ ಅವರು ಕರೆನೀಡಿರುವ ಜನತಾ ಕರ್ಫ್ಯೂಗೆ ಬೃಹತ್ ಬೆಂಗಳೂರಿನ ಹೋಟೆಲ್​​​ ಸಂಘಟನೆ ಬೆಂಬಲ ನೀಡಿದೆ.

ಕೊರೊನಾ ಸೋಂಕು ತಡೆಗಟ್ಟುವ ಹಿನ್ನೆಲೆ, ಒಂದು ದಿನ ನಮ್ಮ ಮನೆಯಲ್ಲಿಯೇ ಇರಬೇಕು. ಆ ದಿನ ಹೋಟೆಲ್ - ರೆಸ್ಟೋರೆಂಟ್, ಸ್ವೀಟ್ ಸ್ಟಾಲ್, ಬೇಕರಿ, ಕೇಟರಿಂಗ್ ಸಂಪೂರ್ಣವಾಗಿ ಬಂದ್ ಮಾಡಲಾಗುವುದು ಎಂದು ಸಂಘದ ಅಧ್ಯಕ್ಷ ಪಿ.ಸಿ. ರಾವ್ ಪ್ರಕಟಣೆ ಹೊರಡಿಸಿದ್ದಾರೆ.

ಬೆಂಗಳೂರಿನ ಹೋಟೆಲ್​​​ ಸಂಘಟನೆ ಪ್ರಕಟನೆ

ರಾಜ್ಯಾದ್ಯಂತ ಹೋಟೆಲ್​​​​ಗಳನ್ನು ಬಂದ್ ಮಾಡಲು ಸಹ ಆದೇಶ ಹೊರಡಿಸಲಾಗಿದ್ದು, ಒಂದು ದಿನ ಗ್ರಾಹಕರು, ಕಾರ್ಮಿಕರು, ಮನೆಯಲ್ಲಿಯೇ ಇದ್ದು, ಆರೋಗ್ಯ ಕಾಪಾಡಿಕೊಳ್ಳಬೇಕು ಎಂದು ರಾಜ್ಯ ಹೋಟೆಲ್​​​​​ಗಳ ಸಂಘಟನೆಯ ಚಂದ್ರಶೇಖರ ಹೆಬ್ಬಾರ್ ತಿಳಿಸಿದ್ದಾರೆ.