ಬೆಂಗಳೂರು: ಮತದಾರರ ಗುರುತಿನ ಚೀಟಿ ಅಕ್ರಮ ಮುಂದುವರಿಸಿರುವ ಬಿಜೆಪಿ ಸರ್ಕಾರ, ಮತದಾರರ ಹೆಸರನ್ನು ಎರಡು ಮೂರು ಕಡೆ ಬೇರೆ ಬೇರೆ ಚಿತ್ರ, ವಿಳಾಸ, ವಯಸ್ಸು ಬದಲಿಸಿ ಮತದಾರರ ಪಟ್ಟಿಗೆ ಸೇರಿಸುವ ದೊಡ್ಡ ಅಕ್ರಮ ನಡೆಸಿದೆ ಎಂದು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್ ಆರೋಪಿಸಿದ್ದಾರೆ.
ಬೆಂಗಳೂರಿನ ಕ್ವೀನ್ ಸಂಸ್ಥೆಯ ಕೆಪಿಸಿಸಿ ಕಚೇರಿಯಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, ಚಿನ್ನ ಕದಿಯುವವರನ್ನ ನೋಡಿದ್ದೇವೆ. ಹಸು, ಕುರಿ ಕದಿಯುವವರನ್ನ ನೋಡಿದ್ದೇವೆ. ಆದರೆ ವೋಟು ಕದಿಯುವವರನ್ನ ನೋಡಿಲ್ಲ. ಇವತ್ತು ವ್ಯವಸ್ಥಿತವಾದ ಸಂಚು ನಡೆಯುತ್ತಿದೆ. ಡಬಲ್ ಡಬಲ್ ವೋಟ್ ಮಾಡಲು ಸಂಚು ನಡೆದಿದೆ. ಎಲೆಕ್ಷನ್ ಅಧಿಕಾರಿಗಳ ಕಣ್ಣು ಮುಚ್ಚಿಸಿದ್ದಾರೆ. ಒಂದೊಂದು ಮತವನ್ನು ಮೂರ್ಮೂರು ಮಾಡಿದ್ದಾರೆ. ಸಾಕ್ಷಿ ಸಮೇತ ನಾವು ಅದನ್ನ ಬಿಚ್ಚಿಡುತ್ತೇವೆ. ಮಹದೇವಪುರದ ವೋಟರ್ ಲೀಸ್ಟ್ ನಮ್ಮ ಬಳಿ ಇದೆ ಎಂದರು.
40 ಸಾವಿರ ವೋಟರ್ಸ್ ಕ್ರಿಯೇಟ್ ಮಾಡಿದ್ದಾರೆ -ಡಿಕೆಶಿ: ಒಂದು ಹೆಸರು ಮೂರು ಕಡೆ ಒಂದೇ ಇದೆ. ಆದರೆ ಫೋಟೋ ಮಾತ್ರ ಚೇಂಜ್ ಆಗಿದೆ. ಅರ್ಧದಷ್ಟು ಫೇಕ್ ವೋಟರ್ಸ್ ಕ್ರಿಯೇಟ್ ಮಾಡಿದ್ದಾರೆ. ಒಂದೇ ಫೋಟೋ, ಮೂರು ಕಡೆ ಅಡ್ರೆಸ್ ಇದ್ದು, 40ಸಾವಿರ ವೋಟರ್ಸ್ ಕ್ರಿಯೇಟ್ ಮಾಡಿದ್ದಾರೆ. ಫಾರಂ 7 ಇಲ್ಲ, ಫಾರಂ 8 ಕೂಡ ಇಲ್ಲ. ಬಿಎಲ್ಒ ಗಳು ಇದಕ್ಕೆ ಸಹಿ ಹಾಕಿದ್ದಾರೆ. ಮಹದೇವಪುರದಲ್ಲಿ 6 ಲಕ್ಷ ಮತದಾರರಿದ್ದಾರೆ ಎಂಬ ಮಾಹಿತಿ ನೀಡಿದರು.
ಅರ್ಪಿತ ದಾಸ್ ಒಂದೇ ಹೆಸರು ಎರಡು ಕಡೆ ಇದೆ. ಒಂದೇ ಫೋಟೋ ಎರಡು ನಂಬರ್ ಎರಡು ಕಡೆ. ಅಶೋಕ್ ಅಭಿರಾಂ ಎರಡು ಕಡೆ ಮತ. ಅಜಯ್ ದಾಸ್ ಗುಪ್ತ ಎರಡು ಕಡೆ ಎಪಿಕ್ ನಂಬರ್ ಇದೆ. ಫೋಟೋಗಳು ಮಾತ್ರ ಚೇಂಜ್ ಆಗಿದೆ. ಮತದಾನದ ನಂಬರ್ ಮಾತ್ರ ಬೇರೆ ಬೇರೆ ಆಗಿವೆ. ಇದನ್ನ ಸಾಕ್ಷಿ ಸಮೇತ ಚುನಾವಣಾ ಆಯೋಗಕ್ಕೆ ದೂರು ನೀಡ್ತೇವೆ. ಕೂಡಲೇ ಯಾರು ಎಆರ್ಒ, ಬಿಎಲ್ಒ ಇದ್ದಾರೆ ಸಸ್ಪೆಂಡ್ ಮಾಡಬೇಕು. ಮಹದೇವಪುರದ ಚುನಾವಣಾಧಿಕಾರಿಗಳನ್ನ ಸಸ್ಪೆಂಡ್ ಮಾಡಬೇಕು ಎಂದು ಕೆಪಿಸಿಸಿ ಅಧ್ಯಕ್ಷರು ಆಗ್ರಹಿಸಿದರು.
ನಾವು ಗಾಳಿಯಲ್ಲಿ ಗುಂಡು ಹೊಡೆಯುವವರಲ್ಲ. ಯಾರು ಡಬಲ್ ವೋಟ್ ಮಾಡಿದ್ದಾರೆ. ಅವರನ್ನ ಕೂಡಲೇ ಬಂಧಿಸಬೇಕು. ಯಾರು ಅಧಿಕಾರಿಗಳಿದ್ದಾರೆ ಅವರನ್ನ ಬಂಧಿಸಬೇಕು. ನಾವೇ ಸರ್ವೆ ಮಾಡಲು ಹೋಗಿ ಬೆಳಕಿಗೆ ತಂದಿದ್ದೇವೆ. ಎಲೆಕ್ಷನ್ ಕಮೀಷನ್ ಕೂಡಲೇ ಕ್ರಮ ಜರುಗಿಸಬೇಕು. ಮಹದೇವಪುರದಲ್ಲೇ 42 ಸಾವಿರ ಕಾರ್ಡ್ ಪರಿಶೀಲಿಸಿದ್ದೇವೆ. ಇಡೀ ಬೆಂಗಳೂರಿನ ಎಲ್ಲ ಕಡೆ ಈ ರೀತಿ ಮಾಡಿದ್ದಾರೆ. ಕೇಂದ್ರ ಚುನಾವಣಾ ಆಯೋಗ ಇದನ್ನ ಗಮನಿಸಬೇಕು. ಕೂಡಲೇ ಅವರನ್ನ ಬಂಧಿಸಬೇಕು ಎಂದು ಚುನಾವಣಾ ಆಯೋಗಕ್ಕೆ ಡಿಕೆಶಿ ಒತ್ತಾಯ ಮಾಡಿದರು.
ಮಾಜಿ ಡಿಸಿಎಂ ಲಕ್ಷ್ಮಣ್ ಸವದಿ ರಾಜೀನಾಮೆ ಕೊಟ್ಟಿದ್ದಾರಾ? ನನಗೆ ಗೊತ್ತಿಲ್ಲ, ಅವರು ಮಾತನಾಡಿಲ್ಲ. ಅವರು ಕಾಂಗ್ರೆಸ್ ಸೇರುವ ಬಗ್ಗೆ ನನಗೆ ಯಾವುದೇ ಮಾಹಿತಿ ಇಲ್ಲ ಎಂದು ಸ್ಪಷ್ಟಪಡಿಸಿದರು. ತಮ್ಮ ಹಾಗೂ ಸಿದ್ದರಾಮಯ್ಯ ವಿರುದ್ಧ ಆರ್ ಅಶೋಕ್ ಮತ್ತು ಸೋಮಣ್ಣರನ್ನ ಕಣಕ್ಕೆ ಇಳಿಯುತ್ತಿರುವ ಬಗ್ಗೆ ಪ್ರತಿಕ್ರಿಯೆ ನೀಡಿದ ಅವರು, ಕಾಂಗ್ರೆಸ್ ಬಗ್ಗೆ ಎಷ್ಟು ಭಯ ಇದೆ ನೋಡಿ. ಅವರು ಚೆಸ್ ಆಡಲಿ ಬಿಡಿ. ನಮ್ಮನ ರಾಜ್ಯ ಪ್ರವಾಸ ಮಾಡದಂತೆ ಕಟ್ಟಿ ಹಾಕುವ ಪ್ರಯತ್ನವನ್ನು ಬಿಜೆಪಿ ಮಾಡಿದೆ ಎಂದು ಈ ಬೆಳವಣಿಗೆಯಿಂದ ಬಣ್ಣಿಸಲು ಸಾಧ್ಯವಿಲ್ಲ ಎಂದರು.
ಬಿಜೆಪಿಯವರು ಗಢ ಗಢ ಅಂತಾ ನಡುಗಿ ಹೋಗ್ತಿದ್ದಾರೆ - ಡಿಕೆಶಿ: ಸಾಮ್ರಾಟ್ ಆದ್ರೂ ಬರ್ಲಿ, ಚಕ್ರವರ್ತಿ ಆದ್ರೂ ಬರ್ಲಿ. ಒಳ್ಳೆ ಒಳ್ಳೆಯ ಮಿಲಿಟರಿ ಹೊಟೇಲ್ಗಳಿವೆ. ಬಂದು ಊಟ ಮಾಡಿ ಹೋಗಲಿ. ಬಂದು ಚೆನ್ನಾಗಿ ಟೈಮ್ ಪಾಸ್ ಮಾಡಿಕೊಂಡು ಹೋಗಲಿ. ನಾನು ನಾಮಿನೇಶನ್ ಹಾಕೋಕೆ ಹೋಗ್ತೀನಿ. ಮತ ಕೇಳೋಕೆ ಇನ್ನೊಂದು ಸಲ ಹೋಗ್ತೀನಿ ಅಷ್ಟೇ ಎಂದು ಬಿಜೆಪಿಯವರಿಗೆ ನಮ್ಮನ್ನ ನೋಡಿದ್ರೆ ಎಷ್ಟು ಭಯ ಇದೆ ನೋಡಿ. ಗಢ ಗಢ ಅಂತಾ ನಡುಗಿ ಹೋಗ್ತಿದ್ದಾರೆ. ಯಾರಾದ್ರೂ ಬರಲಿ ಒಳ್ಳೆ ಆಥಿತ್ಯ ಕೊಡ್ತೀವಿ, ಸ್ವಾಗತ ಮಾಡ್ತೀವಿ ಎಂದು ಹೇಳಿದರು.
ಇದನ್ನೂ ಓದಿ:ಕನಕಪುರ ಸ್ಪರ್ಧೆ ನನ್ನ ತೀರ್ಮಾನವಲ್ಲ, ಪಕ್ಷದ ತೀರ್ಮಾನ: ಆರ್. ಅಶೋಕ್
