ಯಾವುದೇ ದೇಶದಿಂದ ಬಂದರೂ ಕೋವಿಡ್ ನೆಗೆಟಿವ್ ರಿಪೋರ್ಟ್‌ ಕಡ್ಡಾಯ

ಯಾವುದೇ ದೇಶದಿಂದ ಬಂದರೂ ಕೋವಿಡ್ ನೆಗೆಟಿವ್ ರಿಪೋರ್ಟ್‌ ತರುವುದು ಕಡ್ಡಾಯ ಎಂದು ರಾಜ್ಯ ಸರ್ಕಾರ ನಿರ್ಧರಿಸಿದೆ.

ಬೆಂಗಳೂರು: ಕೊರೊನಾ ರೂಪಾಂತರ ಹಿನ್ನೆಲೆ ಮುಂಜಾಗ್ರತಾ ಕ್ರಮವಾಗಿ ಕಟ್ಟುನಿಟ್ಟಿನ ಕ್ರಮಕ್ಕೆ ಇದೀಗ ರಾಜ್ಯ ಸರ್ಕಾರ ಮುಂದಾಗಿದೆ. ಈ ನಿಟ್ಟಿನಲ್ಲಿ ಯಾವುದೇ ದೇಶದಿಂದ ಬಂದರೂ ಕೋವಿಡ್ ನೆಗೆಟಿವ್ ರಿಪೋರ್ಟ್ ತರುವುದು‌ ಕಡ್ಡಾಯ ಮಾಡಲಾಗಿದೆ.

ವಿದೇಶಿ ಪ್ರಯಾಣದ ಕುರಿತು ಆರೋಗ್ಯ ಇಲಾಖೆ ಆದೇಶ ಹೊರಡಿಸಿದ್ದು, 72 ಗಂಟೆಯೊಳಗೆ ಟೆಸ್ಟ್ ಮಾಡಿಸಿ ಕೋವಿಡ್ ನೆಗೆಟಿವ್ ರಿಪೋರ್ಟ್ ತರುವುದು ಕಡ್ಡಾಯ‌ ಮಾಡಲಾಗಿದೆ. ಇಂದಿನಿಂದಲೇ ಏರ್​ಪೋರ್ಟ್​ ಬಂದರುಗಳಲ್ಲಿ ಆದೇಶ ಜಾರಿಗೆ ಬರಲಿದೆ.

ಓದಿ: ಪುರುಷ ಪ್ರಧಾನ ವ್ಯವಸ್ಥೆಗೆ ಸಶಕ್ತ ಮಹಿಳೆ ನಡೆಸಿಕೊಳ್ಳುವ ರೀತಿಯೇ ಗೊತ್ತಿಲ್ಲ: ಹೈಕೋರ್ಟ್

ಒಂದು ವೇಳೆ ರಿಪೋರ್ಟ್ ತರದೇ ಹೋದರೆ ರಾಜ್ಯದ ಏರ್ ಪೋರ್ಟ್, ಬಂದರುಗಳಲ್ಲೇ ಸ್ವ್ಯಾಬ್ ತೆಗೆದು ಟೆಸ್ಟ್ ಮಾಡಲಾಗುತ್ತೆ. ರಿಪೋರ್ಟ್ ಬರುವ ತನಕ ಕಡ್ಡಾಯವಾಗಿ ಹೋಮ್ ಐಸೋಲೇಷನ್ ನಲ್ಲೇ ಇರಬೇಕು. ರಿಪೋರ್ಟ್ ಗೆ ತಗಲುವ ವೆಚ್ಚವನ್ನು ಪ್ರಯಾಣಿಕರೇ ಭರಿಸಬೇಕಾಗುತ್ತದೆ.