ಜಿಂಬಾಬ್ವೆ ಸರಣಿಯಿಂದ ವಾಷಿಂಗ್ಟನ್‌ ಸುಂದರ್ ಔಟ್‌:​ RCBಯ ಈ ಆಟಗಾರನಿಗೆ ಅವಕಾಶ

ಮುಂಬರುವ ಜಿಂಬಾಬ್ವೆ ವಿರುದ್ಧದ ಕ್ರಿಕೆಟ್‌ ಸರಣಿಗೆ ಐಪಿಎಲ್‌ನ ರಾಯಲ್​ ಚಾಲೆಂಜರ್ಸ್ ಬೆಂಗಳೂರು ತಂಡದಲ್ಲಿ ಆಲ್​ರೌಂಡ್​ ಆಟದ ಮೂಲಕ ಗಮನ ಸೆಳೆದಿರುವ ಆಟಗಾರನಿಗೆ ಬಿಸಿಸಿಐ ಅವಕಾಶ ಕೊಟ್ಟಿದೆ.

ಮುಂಬೈ: ಆಗಸ್ಟ್​​ 18ರಿಂದ ಜಿಂಬಾಬ್ವೆ ವಿರುದ್ಧ ನಡೆಯಲಿರುವ ಮೂರು ಏಕದಿನ ಪಂದ್ಯಗಳಿಗೆ ಈಗಾಗಲೇ ಟೀಂ ಇಂಡಿಯಾ ಪ್ರಕಟಗೊಂಡಿದೆ. ಆದರೆ, ಗಾಯಗೊಂಡಿರುವ ಕಾರಣ ಆಲ್​ರೌಂಡರ್​ ವಾಷಿಂಗ್ಟನ್ ಸುಂದರ್​ ಸರಣಿಯಿಂದ ಹೊರಬಿದ್ದಿದ್ದಾರೆ. ಇವರ ಸ್ಥಾನಕ್ಕೆ ಭಾರತೀಯ ಕ್ರಿಕೆಟ್ ಮಂಡಳಿಯು(ಬಿಸಿಸಿಐ) ಮತ್ತೋರ್ವ ಸ್ಟಾರ್​​ ಪ್ಲೇಯರ್​​ಗೆ ಮಣೆ ಹಾಕಿದೆ.

• UPDATE - Shahbaz Ahmed replaces injured Washington Sundar for Zimbabwe series.
  
  More details here - https://t.co/Iw3yuLeBYy #ZIMvIND

  — BCCI (@BCCI) August 16, 2022 " class="align-text-top noRightClick twitterSection" data="

  UPDATE - Shahbaz Ahmed replaces injured Washington Sundar for Zimbabwe series.
  
  More details here - https://t.co/Iw3yuLeBYy #ZIMvIND

  — BCCI (@BCCI) August 16, 2022

  ">

  UPDATE - Shahbaz Ahmed replaces injured Washington Sundar for Zimbabwe series.
  
  More details here - https://t.co/Iw3yuLeBYy #ZIMvIND

  — BCCI (@BCCI) August 16, 2022

ಆರ್‌ಸಿಬಿ ತಂಡದಲ್ಲಿ ಬ್ಯಾಟಿಂಗ್ ಹಾಗೂ ಬೌಲಿಂಗ್ ಮೂಲಕ ಗಮನ ಸೆಳೆದಿರುವ ಶಹ್ಬಾಜ್ ಅಹ್ಮದ್​​ ಅವರನ್ನು ಆಯ್ಕೆ ಸಮಿತಿ ತಂಡಕ್ಕೆ ಸೇರಿಸಿಕೊಂಡಿದೆ. ಈ ಮೂಲಕ ಇವರು ಭಾರತೀಯ ಕ್ರಿಕೆಟ್ ತಂಡದಲ್ಲಿ ಇದೇ ಮೊದಲ ಬಾರಿಗೆ ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ. ಆಗಸ್ಟ್ 18 ರಿಂದ ಹರಾರೆ ಮೈದಾನದಲ್ಲಿ ಭಾರತ-ಜಿಂಬಾಬ್ವೆ ಮಧ್ಯೆ ಮೊದಲ ಏಕದಿನ ಪಂದ್ಯ ನಿಗದಿಯಾಗಿದೆ. ಟೀಂ ಇಂಡಿಯಾವನ್ನು ಕೆ ಎಲ್ ರಾಹುಲ್ ಮುನ್ನಡೆಸಲಿದ್ದಾರೆ. ಕೋಚ್​ ಆಗಿ ವಿವಿಎಸ್ ಲಕ್ಷ್ಮಣ್​ ಕಾರ್ಯ ನಿರ್ವಹಿಸುವರು.

ಶಹ್ಬಾಜ್ ಅಹ್ಮದ್​ ಪ್ರಥಮ ದರ್ಜೆ ಕ್ರಿಕೆಟ್​ನಲ್ಲಿ 18 ಪಂದ್ಯ ಆಡಿದ್ದು, 1,041 ರನ್​ ಹಾಗೂ 57 ವಿಕೆಟ್ ಕಬಳಿಸಿದ್ದಾರೆ. ಲಿಸ್ಟ್​​ A ನಲ್ಲಿ 26 ಪಂದ್ಯಗಳನ್ನಾಡಿದ್ದು 662 ರನ್​, 24 ವಿಕೆಟ್ ಪಡೆದಿದ್ದಾರೆ. ಇದರ ಜೊತೆಗೆ 56 ಟಿ20 ಪಂದ್ಯಗಳ ಮೂಲಕ 512 ರನ್​ ಸಿಡಿಸಿ 29 ವಿಕೆಟ್ ಕಿತ್ತಿದ್ದಾರೆ.

ಇದನ್ನೂ ಓದಿ: ಜಿಂಬಾಬ್ವೆ ವಿರುದ್ಧದ ODI ಸರಣಿಗೆ ಟೀಂ ಇಂಡಿಯಾ ಪ್ರಕಟ.. ಕೊಹ್ಲಿ, ಬುಮ್ರಾ, ಪಂತ್​ಗೆ ವಿಶ್ರಾಂತಿ

ಹರಾರೆಯಲ್ಲಿ ಆಗಸ್ಟ್ 18, 20 ಮತ್ತು 22 ರಂದು ಮೂರು ಏಕದಿನ ಪಂದ್ಯಗಳ ಸರಣಿ ನಿಗದಿಯಾಗಿದೆ. ಆರು ವರ್ಷಗಳ ಬಳಿಕ ಭಾರತ ಜಿಂಬಾಬ್ವೆ ಪ್ರವಾಸ ಕೈಗೊಳ್ಳುತ್ತಿದೆ.