ಬೆಂಗಾಲ್​ ಟಿ -20 ಚಾಲೆಂಜ್​​​ ಟೂರ್ನಿಯ ಮೂವರು ಆಟಗಾರರಿಗೆ ಕೋವಿಡ್ ಪಾಸಿಟಿವ್

ಕೋಲ್ಕತ್ತಾದಲ್ಲಿ ನಡೆಯಲಿರುವ ಬೆಂಗಾಲ್​ ಟಿ -20 ಚಾಲೆಂಜ್ ಟೂರ್ನಿಯಲ್ಲಿ ಪಾಲ್ಗೊಳ್ಳಬೇಕಾಗಿದ್ದ ಮೂವರು ಆಟಗಾರರಿಗೆ ಕೊರೊನಾ ದೃಢವಾಗಿದೆ. ಅಲ್ಲದೇ ಫುಟ್ಬಾಲ್​​ ಕ್ಲಬ್​​​​ನ ಇಬ್ಬರಿಗೂ ಕೊರೊನಾ ದೃಢವಾಗಿದೆ.

ಕೋಲ್ಕತ್ತಾ: ಬೆಂಗಾಲ್ ಟಿ-20 ಚಾಲೆಂಚ್ ಟೂರ್ನಿಗೆ ಕೊರೊನಾ ಕರಿ ನೆರಳು ಬಿದ್ದಂತಾಗಿದೆ. ಮೂವರು ಕ್ರಿಕೆಟ್ ಆಟಗಾರರು ಸೇರಿ ಪೂರ್ವ ಬೆಂಗಾಲ್​ ಹಾಗೂ ಮೋಹನ್ ಬಗಾನ್ ಫುಟ್ಬಾಲ್​​​ ಕ್ಲಬ್​ನ ಅಭಿಷೇಕ್ ರಾಮನ್ ಮತ್ತು ಹೃತಿಕ್ ಚಟರ್ಜಿಗೆ ಕೋವಿಡ್ ದೃಢಪಟ್ಟಿದೆ.

ಇವರಷ್ಟೇ ಅಲ್ಲದೆ ಕೋಲ್ಕತ್ತಾ ಭ್ರಷ್ಟಾಚಾರ ನಿಗ್ರಹ ದಳ ಅಧಿಕಾರಿ ಪಾರ್ಥ ಪ್ರತಿಮ್​​​​​ಗೆ ಸಹ ಕೊರೊನಾ ದೃಢಪಟ್ಟಿದೆ.

ಬಂಗಾಳದ ಮೋಹನ್ ಬಗಾನ್ ಕ್ಲಬ್ ಸೇರಿದಂತೆ 6 ಕ್ಲಬ್​ಗಳು ನವೆಂಬರ್ 24ರಿಂದ ಡಿಸೆಂಬರ್ 10ರ ವರೆಗೆ ಕೋಲ್ಕತ್ತಾದ ಈಡನ್ ಗಾರ್ಡನ್​​ನಲ್ಲಿ ಐಎಸ್​​​ಎಲ್​ ಟೂರ್ನಿಯ ಕೆಲ ಪಂದ್ಯಗಳನ್ನು ಆಡಲಿವೆ.