ಕ್ಯಾನ್ಬೆರಾ: ಮಹಿಳಾ ಟಿ-20 ವಿಶ್ವಕಪ್ನಲ್ಲಿ ಬಲಿಷ್ಠ ತಂಡವಾದ ವೆಸ್ಟ್ ಇಂಡೀಸ್ ವಿರುದ್ಧ ಪಾಕಿಸ್ತಾನ ತಂಡ 8 ವಿಕೆಟ್ಗಳ ಭರ್ಜರಿ ಜಯಗಳಿಸಿ ಶುಭಾರಂಭ ಮಾಡಿದೆ.
ಕ್ಯಾನ್ಬೆರಾದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ವಿಂಡೀಸ್ ಮಹಿಳೆಯರು 20 ಓವರ್ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 124 ರನ್ಗಳಿಸಿದರು. ನಾಯಕಿ ಸ್ಟೆಫನಿ ಟೇಲರ್ 43, ವಿಕೆಟ್ ಕೀಪರ್ ಶೆಮೈನ್ ಕ್ಯಾಂಪ್ಬೆಲ್ 36 ಎಸೆತಗಳಲ್ಲಿ ತಲಾ ಎರಡು ಬೌಂಡರಿ ಹಾಗ ಎರಡು ಸಿಕ್ಸರ್ ನೆರವಿನಿಂದ 43 ರನ್ಗಳಿಸಿ ತಂಡದ ಮೊತ್ತ 100 ರ ಗಡಿದಾಟಲು ನೆರವಾದರು.
ಇನ್ನು ಮೊದಲ ಪಂದ್ಯದಲ್ಲೇ ಉತ್ತಮ ಬೌಲಿಂಗ್ ದಾಳಿ ನಡೆಸಿದ ಪಾಕಿಸ್ತಾನದ ದಿಯಾನ ಬೇಗ್ 2, ಐಮನ್ ಅನ್ವರ್ 2, ನಿಡಾ ದಾರ್ 2 ಹಾಗೂ ಅನಮ್ ಅಮಿನ್ ಒಂದು ವಿಕೆಟ್ ಪಡೆದು ವಿಂಡೀಸ್ ತಂಡವನ್ನು ಅಲ್ಪಮೊತ್ತಕ್ಕೆ ನಿಯಂತ್ರಿಸುವಲ್ಲಿ ಯಶಸ್ವಿಯಾದರು.
-
The winning team 🤳#WIvPAK | #T20WorldCup
— T20 World Cup (@T20WorldCup) February 26, 2020 " class="align-text-top noRightClick twitterSection" data="
📝 https://t.co/bsE4Jl1CZ4 pic.twitter.com/BL4cJSlOvo
">The winning team 🤳#WIvPAK | #T20WorldCup
— T20 World Cup (@T20WorldCup) February 26, 2020
📝 https://t.co/bsE4Jl1CZ4 pic.twitter.com/BL4cJSlOvoThe winning team 🤳#WIvPAK | #T20WorldCup
— T20 World Cup (@T20WorldCup) February 26, 2020
📝 https://t.co/bsE4Jl1CZ4 pic.twitter.com/BL4cJSlOvo
125 ರನ್ಗಳ ಗುರಿ ಬೆನ್ನಟ್ಟಿದ ಪಾಕಿಸ್ತಾನ ತಂಡದ ಆರಂಭಿಕರಾದ ಮುನೀಬಾ ಅಲಿ(25), ಜವೇರಿಯಾ ಖಾನ್(35), ನಾಯಕಿ ಬಿಸ್ಮಾ ಮರೂಫ್ ಔಟಾಗದೇ 38 ಹಾಗೂ ನಿಡಾ ದಾರ್ ಔಟಾಗದೆ 18 ರನ್ಗಳಿಸಿ ತಂಡವನ್ನು ಗೆಲುವಿನ ಗಡಿದಾಟಿಸಿದರು.
ಈ ಗೆಲುವಿನ ಮೂಲಕ ಪಾಕಿಸ್ತಾನ ತಂಡ ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನಕ್ಕೇರಿತು. 35 ರನ್ಗಳಿಸಿದ ಜವೇರಿಯಾ ಖಾನ್ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.
