ಸರಣಿ ಗೆಲುವಿಗೆ ಇನ್ನೊಂದೇ ಮೆಟ್ಟಿಲು: ಮತ್ತೆ 'ಕಿವಿ' ಹಿಂಡಿದ ರಾಹುಲ್‌, ಅಯ್ಯರ್‌, ಭಾರತಕ್ಕೆ ಭರ್ಜರಿ ಜಯ

ಕನ್ನಡಿಗ ಕೆ.ಎಲ್​.ರಾಹುಲ್​ ಅಜೇಯ ಅರ್ಧಶತಕ ಹಾಗೂ ಬೌಲರ್​ಗಳ ಉತ್ತಮ​ ದಾಳಿಯ ನೆರವಿನಿಂದ ನ್ಯೂಜಿಲ್ಯಾಂಡ್​​ ವಿರುದ್ಧದ ಎರಡನೇ ಟಿ-20 ಪಂದ್ಯದಲ್ಲಿ 7 ವಿಕೆಟ್​ಗಳ ಅಂತರದ ಗೆಲುವು ದಾಖಲಿಸಿದೆ. ಈ ಮೂಲಕ 5 ಟಿ-20 ಪಂದ್ಯಗಳ ಸರಣಿಯಲ್ಲಿ ಭಾರತ 2-0 ಅಂತರಗಳ ಮುನ್ನಡೆ ಸಾಧಿಸಿದೆ.

ಆಕ್ಲೆಂಡ್: ಕನ್ನಡಿಗ ಕೆ.ಎಲ್​.ರಾಹುಲ್​ ಅಜೇಯ ಅರ್ಧಶತಕ ಹಾಗೂ ಬೌಲರ್​ಗಳ ಕರಾರುವಾಕ್​ ದಾಳಿಯಿಂದ ನ್ಯೂಜಿಲ್ಯಾಂಡ್​​ ವಿರುದ್ಧದ ಎರಡನೇ ಟಿ-20 ಪಂದ್ಯದಲ್ಲೂ ಭಾರತ ಗೆಲುವು ದಾಖಲಿಸಿ ಸರಣಿಯಲ್ಲಿ 2-0 ಅಂತರಗಳ ಮುನ್ನಡೆ ಸಾಧಿಸಿದೆ.

ಕಿವೀಸ್ ತಂಡ ನೀಡಿದ​ 133 ರನ್​ಗಳ ಗುರಿ ಬೆನ್ನತ್ತಿದ ಟೀಂ ಇಂಡಿಯಾಗೆ ಆರಂಭಿಕ ಆಘಾತ ಎದುರಾಯ್ತು. ಮೊದಲ ಓವರ್​ನಲ್ಲೇ ಎರಡು ಬೌಂಡರಿ ಬಾರಿಸಿ ಸ್ಫೋಟಕ ಆರಂಭ ನೀಡಿದ ರೋಹಿತ್ (8ರನ್)​ ಅದೇ ಓವರ್​ನಲ್ಲೇ ರಾಸ್​ ಟೇಲರ್​ಗೆ ಕ್ಯಾಚ್​ ನೀಡಿ ನಿರ್ಗಮಿಸಿದರು.

• FIFTY!
  
  Back to back half-centuries for @klrahul11 here at the Eden Park. This is his 11th in T20Is 👏👏
  
  Live - https://t.co/q1SS955DVL #NZvIND pic.twitter.com/ZocrgJyWTK

  — BCCI (@BCCI) January 26, 2020 " class="align-text-top noRightClick twitterSection" data="

  FIFTY!
  
  Back to back half-centuries for @klrahul11 here at the Eden Park. This is his 11th in T20Is 👏👏
  
  Live - https://t.co/q1SS955DVL #NZvIND pic.twitter.com/ZocrgJyWTK

  — BCCI (@BCCI) January 26, 2020

  ">

  FIFTY!
  
  Back to back half-centuries for @klrahul11 here at the Eden Park. This is his 11th in T20Is 👏👏
  
  Live - https://t.co/q1SS955DVL #NZvIND pic.twitter.com/ZocrgJyWTK

  — BCCI (@BCCI) January 26, 2020

ನಂತರ ಜೊತೆಯಾದ ಕೆ.ಎಲ್.ರಾಹುಲ್ ಮತ್ತು ವಿರಾಟ್ ನಿಧಾನಗತಿಯಲ್ಲಿ ಜವಾಬ್ದಾರಿ ಅರಿತು ಬ್ಯಾಟ್ ಬೀಸಿದ್ರು. ಕಳೆದ ಪಂದ್ಯದಲ್ಲಿ ಮಿಂಚಿದ್ದ ನಾಯಕ ವಿರಾಟ್ ಇಂದಿನ ಪಂದ್ಯದಲ್ಲಿ ಕೇವಲ 11 ರನ್​ಗಳಿಸಿ ವಿಕೆಟ್ ಒಪ್ಪಿಸಿದ್ರು. ಈ ವೇಳೆ ಜೊತೆಯಾದ ರಾಹುಲ್ (ಅಜೇಯ 57 ರನ್​ ಮತ್ತು ಯುವ ಆಟಗಾರ ಶ್ರೇಯಸ್ ಅಯ್ಯರ್ 44 ರನ್‌ ಗಳಿಸೋ ಮೂಲಕ ಕಿವೀಸ್ ಬೌಲಿಂಗ್ ದಾಳಿಯನ್ನ ಮನಬಂದಂತೆ ದಂಡಿಸಿದರು. ಗೆಲುವಿಗೆ 8 ರನ್​ ಅಗತ್ಯವಿದ್ದಾಗ ಅಯ್ಯರ್​ ಔಟ್​ ಆದರು. ಬಳಿಕ ಶಿವಂ ದುಬೆ 4 ಎಸೆತಗಳಲ್ಲಿ 8 ರನ್​ ಬಾರಿಸುವ ಮೂಲಕ ಟೀಂ ಇಂಡಿಯಾ 17.3ನೇ ಎಸೆತದಲ್ಲಿ 135 ರನ್​ ಬಾರಿಸಿ ಗೆಲುವಿನ ದಡ ಸೇರಿತು.

• Clinical performance by #TeamIndia to take a 2-0 lead in the series 🔥🙌 #NZvIND pic.twitter.com/kYNGckrhjz

  — BCCI (@BCCI) January 26, 2020 " class="align-text-top noRightClick twitterSection" data="

  Clinical performance by #TeamIndia to take a 2-0 lead in the series 🔥🙌 #NZvIND pic.twitter.com/kYNGckrhjz

  — BCCI (@BCCI) January 26, 2020

  ">

  Clinical performance by #TeamIndia to take a 2-0 lead in the series 🔥🙌 #NZvIND pic.twitter.com/kYNGckrhjz

  — BCCI (@BCCI) January 26, 2020

ಇದಕ್ಕೂ ಮುನ್ನ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ನ್ಯೂಜಿಲೆಂಡ್​ ತಂಡ ಉತ್ತಮ ಆರಂಭವನ್ನೇನೂ ಪಡೆಯಿತು. ಆರಂಭಿಕ ಆಟಗಾರರಾದ ಮಾರ್ಟಿನ್ ಗಪ್ಟಿಲ್ ಮತ್ತು ಕಾಲಿನ್ ಮನ್ರೋ ಮೊದಲ ವಿಕೆಟ್​ 48 ರನ್​ಗಳ ಜೊತೆಯಾಟವಾಡಿದ್ರು. ಬಿರುಸಿನ ಬ್ಯಾಟಿಂಗ್ ಪ್ರದರ್ಶಿಸಿದ ಗಪ್ಟಿಲ್ 20 ಎಸೆತಗಳಲ್ಲಿ 2 ಸಿಕ್ಸರ್​ ಮತ್ತು 4 ಬೌಂಡರಿಗಳಿಂದ 33 ರನ್​ ಗಳಿಸಿ ಶಾರ್ದುಲ್ ಠಾಕೂರ್​ಗೆ ವಿಕೆಟ್ ಒಪ್ಪಿಸಿದ್ರು.

ನಂತರ ಜೊತೆಯಾದ ಕಾಲಿನ್ ಮನ್ರೋ ಮತ್ತು ಕೇನ್ ವಿಲಿಯಮ್ಸನ್​ ಜೋಡಿಯನ್ನು ಶಿವಂ ದುಬೆ ಬೇರ್ಪಡಿಸಿದ್ರು. 25 ಎಸೆತದಲ್ಲಿ 26 ರನ್​ ಗಳಿಸಿದ್ದ ಮನ್ರೋ, ದುಬೆ ಎಸೆತದಲ್ಲಿ ಕೊಹ್ಲಿಗೆ ಕ್ಯಾಚ್​ ನೀಡಿ ಪೆವಿಲಿಯನ್ ಸೇರಿಕೊಂಡರು. ನಂತರ ಬಂದ ಗ್ರಾಂಡ್​ಹೋಮ್ ಕಳೆದ ಬಾರಿಯಂತೆ ಈ ಪಂದ್ಯದಲ್ಲೂ ನಿರಾಸೆ ಅನುಭವಿಸಿದ್ರು. ಮೊದಲ ಟಿ-20 ಪಂದ್ಯದಲ್ಲಿ ಅಬ್ಬರಿಸಿದ್ದ ಕಿವೀಸ್ ನಾಯಕ ಕೇನ್ ವಿಲಿಯಮ್ಸನ್​ 20 ಎಸೆತಗಳಲ್ಲಿ ಕೇವಲ 14 ರನ್​ ಗಳಿಸಿ ಜಡೇಜಾಗೆ ವಿಕೆಟ್ ಒಪ್ಪಿಸಿದ್ರು. 12 ಓವರ್​ಗಲ್ಲಿ ಪ್ರಮುಖ 4 ವಿಕೆಟ್ ಕಳೆದುಕೊಂಡ ಆತಿಥೇಯ ತಂಡ ಸಂಕಷ್ಟಕ್ಕೆ ಸಿಲುಕಿತು.

ಈ ವೇಳೆ ಜೊತೆಯಾದ ಅನುಭವಿ ರಾಸ್ ಟೇಲರ್ ಮತ್ತು ಟಿಮ್ ಸೈಫರ್ಟ್ ತಂಡಕ್ಕೆ ಆಸರೆಯಾದ್ರು. ತಾಳ್ಮೆಯ ಆಟವಾಡಿದ ಈ ಜೋಡಿ ಸಂಕಷ್ಟಕ್ಕೆ ಸಿಲುಕಿದ್ದ ತಂಡವನ್ನು ಸಾಧಾರಣ ಮೊತ್ತದತ್ತ ಕೊಂಡೊಯ್ದರು. ಅಂತಿಮವಾಗಿ ವಿಲಿಯಮ್ಸನ್​ ಪಡೆ ನಿಗದಿತ 20 ಓವರ್​ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 132 ರನ್​ ಗಳಿಸಿತು. ಭಾರತದ ಪರ ರವೀಂದ್ರ ಜಡೇಜಾ 2, ಶಿವಂ ದುಬೆ, ಶಾರ್ದೂಲ್ ಠಾಕೂರ್ ಹಾಗು ಬುಮ್ರಾ ತಲಾ ಒಂದು ವಿಕೆಟ್ ಪಡೆದುಕೊಂಡರು.

ಈ ಗೆಲುವಿನ ಮೂಲಕ ಭಾರತ 5 ಟಿ-20 ಪಂದ್ಯಗಳ ಸರಣಿಯಲ್ಲಿ 2-0 ಅಂತರದ ಮುನ್ನಡೆ ಸಾಧಿಸಿದೆ. ಮೂರನೇ ಪಂದ್ಯ ಜ.29ರಂದು ಹ್ಯಾಮಿಲ್ಟನ್​ನಲ್ಲಿ ನಡೆಯಲಿದೆ.