2ನೇ ಟಿ20 ಪಂದ್ಯ: ಜೈಸ್ವಾಲ್, ರುತುರಾಜ್, ಕಿಶನ್ ಅಬ್ಬರ.. ಆಸ್ಟ್ರೇಲಿಯಾಕ್ಕೆ 236 ರನ್​ ಟಾರ್ಗೆಟ್​

ಭಾರತದ ವಿರುದ್ಧದ ಟಿ20 ಸರಣಿಯ 2ನೇ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತ್ತು. ಅಬ್ಬರದ ಆಟ ಪ್ರದರ್ಶಿಸಿದ ಟೀಂ ಇಂಡಿಯಾ, ಕಾಂಗರೂ ಪಡೆಗೆ ಬೃಹತ್​ ಗೆಲುವಿನ ಗುರಿ ನೀಡಿದೆ.

ತಿರುವನಂತಪುರಂ(ಕೇರಳ): ಯುವ ಬ್ಯಾಟರ್​ಗಳಾದ ಯಶಸ್ವಿ ಜೈಸ್ವಾಲ್, ರುತುರಾಜ್ ಗಾಯಕ್ವಾಡ್ ಹಾಗೂ ಇಶಾನ್ ಕಿಶನ್ ಅವರ ಅಬ್ಬರದ ಅರ್ಧಶತಕಗಳ ನೆರವಿನಿಂದ 2ನೇ ಟಿ20 ಪಂದ್ಯದಲ್ಲಿ ಭಾರತ ತಂಡವು ಆಸ್ಟ್ರೇಲಿಯಾಕ್ಕೆ 236 ರನ್​ಗಳ ಬೃಹತ್​​ ಗೆಲುವಿನ ಗುರಿ ನೀಡಿದೆ. ತಿರುವನಂತಪುರಂನ ಗ್ರೀನ್‌ಫೀಲ್ಡ್ ಇಂಟರ್​ ನ್ಯಾಷನಲ್ ಮೈದಾನದಲ್ಲಿ ನಡೆದ ಹಣಾಹಣಿಯಲ್ಲಿ ಟಾಸ್​ ಗೆದ್ದ ಆಸೀಸ್​ ನಾಯಕ ಮ್ಯಾಥ್ಯೂ ವೇಡ್ ಟೀಂ ಇಂಡಿಯಾವನ್ನು ಬ್ಯಾಟಿಂಗ್​ಗೆ ಆಹ್ವಾನಿಸಿದ್ದರು.

ಮೊದಲು ಬ್ಯಾಟ್​ ಮಾಡಿದ ಟೀಂ ಇಂಡಿಯಾಕ್ಕೆ ಯುವ ಎಡಗೈ ಬ್ಯಾಟರ್​ ಯಶಸ್ವಿ ಜೈಸ್ವಾಲ್​ ಅಬ್ಬರದ ಆರಂಭ ಒದಗಿಸಿದರು. ಆಸೀಸ್​ ಬೌಲರ್​ಗಳ ಬೆವರಿಳಿಸಿದ ಜೈಸ್ವಾಲ್​ ಬೌಂಡರಿ, ಸಿಕ್ಸರ್​ ಚಚ್ಚಿದರು. 24 ಎಸೆತಗಳಲ್ಲಿ ಅರ್ಧಶತಕ ಗಳಿಸಿದ ಅವರು, 25 ಬಾಲ್​ಗಳಲ್ಲಿ 53 ರನ್​ ಬಾರಿಸಿ ಔಟಾದರು. ಆರಂಭಿಕ ಜೋಡಿ 5.5 ಓವರ್​ಗಳಲ್ಲಿ 77 ರನ್​ ಸೇರಿಸಿತು. ಯಶಸ್ವಿಗೆ ರುತುರಾಜ್ ಗಾಯಕ್ವಾಡ್​ ತಕ್ಕ ಸಾಥ್​ ನೀಡಿದರು.

• Innings Break!#TeamIndia set a mammoth 🎯 of 2⃣3⃣6⃣
  
  Over to our bowlers 💪
  
  Scorecard ▶️ https://t.co/nwYe5nO3pM#INDvAUS | @IDFCFIRSTBank pic.twitter.com/aTljfTcvVn

  — BCCI (@BCCI) November 26, 2023 " class="align-text-top noRightClick twitterSection" data="

  Innings Break!#TeamIndia set a mammoth 🎯 of 2⃣3⃣6⃣
  
  Over to our bowlers 💪
  
  Scorecard ▶️ https://t.co/nwYe5nO3pM#INDvAUS | @IDFCFIRSTBank pic.twitter.com/aTljfTcvVn

  — BCCI (@BCCI) November 26, 2023

  ">

  Innings Break!#TeamIndia set a mammoth 🎯 of 2⃣3⃣6⃣
  
  Over to our bowlers 💪
  
  Scorecard ▶️ https://t.co/nwYe5nO3pM#INDvAUS | @IDFCFIRSTBank pic.twitter.com/aTljfTcvVn

  — BCCI (@BCCI) November 26, 2023

ಯಶಸ್ವಿ ಬಳಿಕ ಕ್ರೀಸ್​ಗೆ ಬಂದ ಕಿಶನ್​ ಆರಂಭದಲ್ಲಿ ನಿಧಾನಗತಿಯಲ್ಲಿ ರನ್​ ಗಳಿಸಿದರೂ ಸಹ ಬಳಿಕ ಆಕ್ರಮಣಕಾರಿ ಬ್ಯಾಟಿಂಗ್ ಪ್ರದರ್ಶಿಸಿದರು. ಕಿಶನ್​ 32 ಎಸೆತಗಳಲ್ಲಿ 52 ರನ್​ ಸಿಡಿಸಿ ಸ್ಟೋಯ್ನಿಸ್​ ಬೌಲಿಂಗ್​ನಲ್ಲಿ ಎಲ್ಲಿಸ್​ಗೆ ಕ್ಯಾಚ್​ ನೀಡಿ ಔಟಾದರು. ಅವರ ಇನ್ನಿಂಗ್ಸ್​ನಲ್ಲಿ ಮೂರು ಬೌಂಡರಿ ಹಾಗೂ 4 ಸಿಕ್ಸರ್​ ಮೂಡಿಬಂದವು.

ನಂತರ ಮೈದಾನಕ್ಕಿಳಿದ ನಾಯಕ ಸೂರ್ಯಕುಮಾರ್ ಯಾದವ್​​ ಸಿಕ್ಸರ್​ನಿಂದಲೇ ಆಟ ಆರಂಭಿಸಿದರು. ಹೆಚ್ಚು ಹೊತ್ತು ಕ್ರೀಸ್​ನಲ್ಲಿ ನಿಲ್ಲದಿದ್ದರೂ ಸಹ ತಾವಾಡಿದ 10 ಎಸೆತಗಳಲ್ಲಿ ಎರಡು ಸಿಕ್ಸರ್​ಗಳೊಂದಿಗೆ 19 ರನ್​ ಬಾರಿಸಿ ಸ್ಟೋಯ್ನಿಸ್​ ಪಡೆದ ಅದ್ಭುತ ಕ್ಯಾಚ್​ಗೆ ಬಲಿಯಾದರು. ನಾಯಕನ ವಿಕೆಟ್​ ಪತನದ ಬಳಿಕ ಕ್ರೀಸ್​ಗಿಳಿದ ಯುವ ಬ್ಯಾಟರ್​ ರಿಂಕು ಸಿಂಗ್ ಕೆಲ ಆಕರ್ಷಕ ಹೊಡೆತಗಳ ಮೂಲಕ ರನ್​ ಗತಿ ಹೆಚ್ಚಿಸಿದರು.

ರಿಂಕು ಕೇವಲ 9 ಬಾಲ್​​ಗಳಲ್ಲಿ 4 ಬೌಂಡರಿ ಹಾಗೂ 2 ಸಿಕ್ಸರ್ ಸಹಿತ 31 ರನ್​ ಗಳಿಸಿ ಅಜೇಯರಾಗುಳಿದರು. ಈ ನಡುವೆ ಆರಂಭಿಕ ಆಟಗಾರ ರುತುರಾಜ್​ ಗಾಯಕ್ವಾಡ್​ ಕೂಡ ಅರ್ಧಶತಕದ ಸಾಧನೆ ಮಾಡಿದರು. ರುತುರಾಜ್​ 43 ಚೆಂಡುಗಳಲ್ಲಿ 58 ರನ್​ ಬಾರಿಸಿ ಸಿಕ್ಸರ್​ ಸಿಡಿಸುವ ಯತ್ನದಲ್ಲಿ ಟಿಮ್​ ಡೆವಿಡ್​ಗೆ ಕ್ಯಾಚ್​ ನೀಡಿ ಹೊರನಡೆದರು. ಮತ್ತೊಂದೆಡೆ ತಿಲಕ್​ ವರ್ಮಾ 7 ರನ್​ ಗಳಿಸಿ ಅಜೇಯರಾಗುಳಿದರು. 20 ಓವರ್​ಗಳಲ್ಲಿ ಭಾರತ ತಂಡ 4 ವಿಕೆಟ್ ನಷ್ಟಕ್ಕೆ 235 ರನ್​ ಪೇರಿಸಿತು. ಆಸೀಸ್​ ಪರ ಎಲ್ಲ ಬೌಲರ್​ಗಳೂ ದುಬಾರಿಯಾಗಿದ್ದು, ಎಲ್ಲಿಸ್ 45 ರನ್​ಗೆ​ 3 ವಿಕೆಟ್​ ಕಬಳಿಸಿದರು.

ಎರಡೂ ತಂಡಗಳ 11ರ ಬಳಗ ಹೀಗಿದೆ: ಭಾರತ: ಯಶಸ್ವಿ ಜೈಸ್ವಾಲ್, ರುತುರಾಜ್ ಗಾಯಕ್ವಾಡ್, ಇಶಾನ್ ಕಿಶನ್ (ವಿ.ಕೀ), ಸೂರ್ಯಕುಮಾರ್ ಯಾದವ್ (ನಾಯಕ), ತಿಲಕ್ ವರ್ಮಾ, ರಿಂಕು ಸಿಂಗ್, ಅಕ್ಸರ್ ಪಟೇಲ್, ರವಿ ಬಿಶ್ನೋಯ್, ಅರ್ಶದೀಪ್ ಸಿಂಗ್, ಮುಕೇಶ್ ಕುಮಾರ್, ಪ್ರಸಿದ್ಧ್ ಕೃಷ್ಣ.

ಆಸ್ಟ್ರೇಲಿಯಾ: ಸ್ಟೀವನ್ ಸ್ಮಿತ್, ಮ್ಯಾಥ್ಯೂ ಶಾರ್ಟ್, ಜೋಶ್ ಇಂಗ್ಲಿಸ್, ಮಾರ್ಕಸ್ ಸ್ಟೊಯಿನಿಸ್, ಟಿಮ್ ಡೇವಿಡ್, ಗ್ಲೆನ್ ಮ್ಯಾಕ್ಸ್‌ವೆಲ್, ಮ್ಯಾಥ್ಯೂ ವೇಡ್ (ನಾಯಕ/ವಿ.ಕೀ), ಸೀನ್ ಅಬಾಟ್, ನಾಥನ್ ಎಲ್ಲಿಸ್, ಆಡಮ್ ಝಂಪಾ, ತನ್ವೀರ್ ಸಂಘ.

ಇದನ್ನೂ ಓದಿ: ಬಂಟ್ವಾಳದ ಧನೇಶ್ ಶೆಟ್ಟಿ ಈಗ ಇಂಡೋನೇಶ್ಯಾ ಕ್ರಿಕೆಟ್ ತಂಡದ ಆಲ್‌ರೌಂಡರ್