ಎಲ್ಲಾ ಸರಿ ಇದ್ದಿದ್ದರೆ ಟಾಲಿವುಡ್ ನಟ ನಿತಿನ್ ಮದುವೆ ಇಷ್ಟರಲ್ಲಿ ನಡೆಯಬೇಕಿತ್ತು. ಆದರೆ ಕೊರೊನಾ ಕಾರಣದಿಂದ ಬಹಳಷ್ಟು ಶುಭ ಕಾರ್ಯಗಳು ಮುಂದಕ್ಕೆ ಹೋಗಿವೆ. ಆದರೆ ಈಗ ಕೊನೆಗೂ ನಿತಿನ್ ಮದುವೆಗೆ ದಿನಾಂಕ ನಿಗದಿಯಾಗಿದೆ.
ನಿತಿನ್ ತಾನು ಮದುವೆಯಾಗುತ್ತಿರುವುದಾಗಿ ಈ ವರ್ಷದ ಆರಂಭದಲ್ಲೇ ಹೇಳಿಕೊಂಡಿದ್ದರು. ತಾನು ಮದುವೆಯಾಗುತ್ತಿರುವ ಯುವತಿ ಶಾಲಿನಿ ಕಂದುಕೂರಿ ಅವರೊಂದಿಗೆ ತಾವು ಇರುವ ಪೋಟೋವನ್ನು ಕೂಡಾ ನಿತಿನ್ ಸೋಷಿಯಲ್ ಮೀಡಿಯಾಗಳಲ್ಲಿ ಹಂಚಿಕೊಂಡಿದ್ದರು. ಅದರಂತೆ ಏಪ್ರಿಲ್ 16 ರಂದು ಇವರಿಬ್ಬರ ಮದುವೆ ಫಿಕ್ಸ್ ಆಗಿತ್ತು. ಆದರೆ ಅಷ್ಟರಲ್ಲೇ ಲಾಕ್ ಡೌನ್ ಆರಂಭವಾಗಿದ್ದರಿಂದ ಮದುವೆ ಮುಂದಕ್ಕೆ ಹೋಯ್ತು.
ಈಗ ಜುಲೈ 26 ರಂದು ನಿತಿನ್ ಮದುವೆಗೆ ದಿನಾಂಕ ನಿಗದಿಯಾಗಿದೆ. ರಾತ್ರಿ 8.30 ಕ್ಕೆ ಮುಹೂರ್ತ ನಿಗದಿ ಮಾಡಲಾಗಿದೆ. ಸರ್ಕಾರದ ನಿಯಮಗಳ ಪ್ರಕಾರ ನಿತಿನ್ ಹಾಗೂ ಶಾಲಿನಿ ಮನೆಯವರು, ಆಪ್ತರು ಮಾತ್ರ ಈ ಮದುವೆಯಲ್ಲಿ ಭಾಗಿಯಾಗಲಿದ್ದಾರೆ. ಮದುವೆಗೂ ಮುನ್ನ ನಡೆಯುವ ಇನ್ನಿತರ ಕಾರ್ಯಕ್ರಮಗಳ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿ ತಿಳಿದುಬಂದಿಲ್ಲ.
ನಿತಿನ್ ಕರಿಯರ್ ವಿಚಾರಕ್ಕೆ ಬರುವುದಾದರೆ ರಂಗ್ ದೇ, ಚೆಕ್, ಸಿನಿಮಾಗಳನ್ನು ಅವರು ಒಪ್ಪಿಕೊಂಡಿದ್ದಾರೆ. ಜೊತೆಗೆ ಇನ್ನೂ ಹೆಸರಿಡದ ಚಿತ್ರವೊಂದಕ್ಕೆ ಅವರು ಸಹಿ ಹಾಕಿದ್ದು ಮದುವೆ ಕಾರ್ಯಗಳು ಮುಗಿದ ನಂತರ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳಲಿದ್ದಾರೆ ಎನ್ನಲಾಗುತ್ತಿದೆ.
