ಬಾಲಿವುಡ್ ಭಾಯ್ ಜಾನ್ ಸಲ್ಮಾನ್ ಖಾನ್ ಇಂದು 54ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಸದ್ಯ ದಬಾಂಗ್ 3ರ ಸಕ್ಸಸ್ ಖುಷಿಯಲ್ಲಿರೋ ಸಲ್ಮಾನ್ ಖಾನ್, ತಮ್ಮ ಮುಂಬೈ ನಿವಾಸದಲ್ಲಿ ಭರ್ಜರಿ ಪಾರ್ಟಿ ಅರೇಂಜ್ ಮಾಡಿದ್ದರು.
ಈ ಪಾರ್ಟಿಯಲ್ಲಿ ಕತ್ರಿನಾ ಕೈಫ್ ಸೇರಿದಂತೆ ಬಾಲಿವುಡ್ನ ದಿಗ್ಗಜರೆಲ್ಲಾ ಹಾಜರಾಗಿದ್ದರು. ವಿಶೇಷ ಅಂದ್ರೆ ಈ ವರ್ಷದ ಸಲ್ಲು ಜನ್ಮದಿನಕ್ಕೆ ಕಳೆಕಟ್ಟುವಂತಿದ್ದದ್ದು ದಬಾಂಗ್ನ ಬಲಿ ಸಿಂಗ್.
ಸಲ್ಮಾನ್ ಖಾನ್ ಬರ್ತ್ ಡೇ ಪಾರ್ಟಿಯಲ್ಲಿ ಕಿಚ್ಚ ಸುದೀಪ್ ಕಾಣಿಸಿಕೊಂಡಿದ್ದಾರೆ. ಅಲ್ಲದೆ ಸಲ್ಮಾನ್ ಖಾನ್ ಕೂಡ ಕಿಚ್ಚ ಸುದೀಪ್ ಜೊತೆ ಕೇಕ್ ಕತ್ತರಿಸಿ ಜನ್ಮದಿನ ಆಚರಿಸಿಕೊಂಡಿದ್ದಾರೆ. ದಬಾಂಗ್ ಚಿತ್ರದ ನಾಯಕಿ ಸೋನಾಕ್ಷಿ ಸಿನ್ಹಾ ಮತ್ತು ಕಿಚ್ಚ ಸುದೀಪ್ ಜೊತೆ ಮಾತನಾಡುತ್ತಲೇ ಸಲ್ಮಾನ್ ಖಾನ್ ಕೇಕ್ ಕಟ್ ಮಾಡಿ, ಸುದೀಪ್ಗೂ ಕೇಕ್ ತಿನ್ನಿಸಿದ್ದಾರೆ. ಸದ್ಯ ಬಾಲಿವುಡ್ನಲ್ಲಿ ಸುದೀಪ್ ಹಾಗೂ ಸಲ್ಮಾನ್ ಖಾನ್ರ ದಬಾಂಗ್ ಸ್ನೇಹವನ್ನು ನೋಡಿ ಫ್ಯಾನ್ಸ್ ಫುಲ್ ಖುಷ್ ಆಗಿದ್ದಾರೆ.