ಜಯರತ್ನಾಕರ.. ಜಯರತ್ನಾಕರ.. ಹಾಡು ಬಿಡುಗಡೆಗೊಳಿಸಿದ 'ಭರಾಟೆ' ಚಿತ್ರತಂಡ

ರತ್ನಾಕರ ಎಂಬ ವೃದ್ಧನ ಪಾತ್ರದಲ್ಲಿ ಶ್ರೀಮುರಳಿ ಕಾಣಿಸಿಕೊಂಡಿರುವ ಭರಾಟೆ ಚಿತ್ರದ ಹಾಡನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ. ವೃದ್ಧನ ಪಾತ್ರಕ್ಕಾಗಿ ಶ್ರೀಮುರಳಿ ಐದು ಗಂಟೆಗಳ ಕಾಲ ಮೇಕಪ್ ಮಾಡಿಕೊಂಡು ಚಿತ್ರದಲ್ಲಿ ಗಮನ ಸೆಳೆದಿದ್ದಾರೆ.

ರೋರಿಂಗ್ ಸ್ಟಾರ್ ಶ್ರೀಮುರಳಿ ಅಭಿನಯದ 'ಭರಾಟೆ' ಸಿನಿಮಾ, ರಿಲೀಸ್ ಆದ ಎಲ್ಲಾ ಚಿತ್ರಮಂದಿರಗಳಲ್ಲಿ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಇದರ ಜೊತೆಗೆ ಮೂರೇ ದಿನಕ್ಕೆ ಬಾಕ್ಸ್ ಆಫೀಸ್‌ನಲ್ಲಿ 23 ಕೋಟಿ ರೂಪಾಯಿ ಗಳಿಸಿದ ಹಿನ್ನೆಲೆ ಚಿತ್ರತಂಡ ಸಕ್ಸಸ್ ಖುಷಿಯನ್ನೂ ಹಂಚಿಕೊಂಡಿತ್ತು.

• " class="align-text-top noRightClick twitterSection" data="">

ಶ್ರೀಮುರಳಿ ಇದೇ ಮೊದಲ ಬಾರಿಗೆ ದ್ವಿಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಚಿತ್ರದಲ್ಲಿ 'ರತ್ನಾಕರ' ಎಂಬ ಪಾತ್ರ ಹೈಲೈಟ್ ಆಗಿದೆ. ರತ್ನಾಕರ ಎಂಬ ವೃದ್ಧನ ಪಾತ್ರದಲ್ಲಿ ಶ್ರೀಮುರಳಿ ಕಾಣಿಸಿಕೊಂಡಿರುವ ಈ ಹಾಡನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ. ಈ ಪಾತ್ರಕ್ಕಾಗಿ ಶ್ರೀಮುರಳಿ ಸಾಕಷ್ಟು ಶ್ರಮ ವಹಿಸಿದ್ರಂತೆ. ವೃದ್ಧನ ಪಾತ್ರಕ್ಕಾಗಿ ಐದು ಗಂಟೆಗಳ ಕಾಲ ಮೇಕಪ್ ಮಾಡಿಕೊಂಡು ಚಿತ್ರದಲ್ಲಿ ಗಮನ ಸೆಳೆದಿದ್ದಾರೆ. ನಿರ್ದೇಶಕ ಚೇತನ್ ಕುಮಾರ್ ಬರೆದಿರುವ ಈ ಹಾಡಿನಲ್ಲಿ ಯೋಗ, ನಾಟಿ ಔಷಧ, ದಾನ ಧರ್ಮ ಮಾಡುವ ಸನ್ನಿವೇಶಗಳು ಇವೆ. ಸುನೀಲ್ ಗುಜಗೊಂಡ ಈ ಹಾಡನ್ನು ಹಾಡಿದ್ದಾರೆ. ಅರ್ಜುನ್ ಜನ್ಯ ಚಿತ್ರದ ಹಾಡುಗಳಿಗೆ ಸಂಗೀತ ನೀಡಿದ್ದಾರೆ. ಸದ್ಯ ಈ ಹಾಡು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.