ಬಾಲಿವುಡ್ ನಟಿ ಸೋನಾಕ್ಷಿ ಸಿನ್ಹಾ ಡೇಟಿಂಗ್ ವಿಚಾರವಾಗಿ ಅಚ್ಚರಿ ಹೇಳಿಕೆ ನೀಡಿದ್ದಾರೆ. ವ್ಯಕ್ತಿವೋರ್ವನ ಜತೆಗೆ ತಾನು ಡೇಟ್ನಲ್ಲಿರುವ ವಿಷಯವನ್ನು ಖುಲ್ಲಾಂ ಖುಲ್ಲಾ ಬಹಿರಂಗರಪಡಿಸಿದ್ದಾರೆ.
ಮಾಧ್ಯಮಗಳ ಎದುರು ಈ ಸೀಕ್ರೆಟ್ ಬಿಚ್ಚಿಟ್ಟಿರುವ ಈ ಬಾಲಿವುಡ್ ಬ್ಯೂಟಿ ಸೋನಾಕ್ಷಿ, ಸೆಲೆಬ್ರಿಟಿವೋರ್ವನ ಜತೆ ಡೇಟಿಂಗ್ ನಡೆಸಿದ್ದೇನೆ. ಆದರೆ, ಇದು ಯಾರಿಗೂ ಗೊತ್ತಿಲ್ಲ ಎಂದಿದ್ದಾರೆ. ಜತೆಗೆ ಒಂದು ವೇಳೆ ನನ್ನ ಬಾಯ್ಫ್ರೆಂಡ್ ನಂಗೆ ಮೋಸ ಮಾಡಿದ್ರೆ, ಮರುದಿನ ಆತ ಜೀವಂತ ಇರುವುದಿಲ್ಲ ಎಂದು ಜೋಕ್ ಮಾಡಿದ್ದಾರೆ.
ಇದೇ ವೇಳೆ ಮತ್ತೊಂದು ಇಂಟ್ರೆಸ್ಟಿಂಗ್ ವಿಚಾರ ಬಾಯ್ಬಿಟ್ಟ ಸೋನಾಕ್ಷಿ, ಸೌಮ್ಯ ಸ್ವಭಾವದ ಹುಡುಗನ ಜತೆ ನಾನು ಡೇಟಿಂಗ್ ಮಾಡಲಿ ಎಂದು ನನ್ನ ಮನೆಯವರು ಬಯಸುತ್ತಾರೆ. ಇಂತಹ ತಂದೆ-ತಾಯಿ ಎಲ್ಲಿಯೂ ಸಿಗುವುದಿಲ್ಲ ಎಂದು ಖುಷಿ ಖುಷಿಯಾಗೇ ಹೇಳಿದ್ದಾರೆ. ಇಷ್ಟೆಲ್ಲ ವಿಚಾರಗಳನ್ನು ಹೊರಹಾಕಿದ ಅವರು ತಮ್ಮ ಮನಸ್ಸು ಕದ್ದ ಚೋರ ಯಾರು ಎಂಬುದರ ಬಗ್ಗೆ ಮಾತ್ರ ತುಟಿ ಬಿಚ್ಚಿಲ್ಲ.
