ಲಂಡನ್: ಲಸಿಕೆ ವ್ಯವಹಾರವನ್ನು ವಿಸ್ತರಿಸಲು ಮತ್ತು ಹೆಚ್ಚಿನ ಸಂಖ್ಯೆಯಲ್ಲಿ ಉದ್ಯೋಗ ಸೃಷ್ಟಿಸುವ ಸಲುವಾಗಿ ಹೊಸ ಮಾರಾಟ ಕಚೇರಿ ಪ್ರಾರಂಭಿಸುವ ಸಲುವಾಗಿ ಸೆರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ಯುಕೆಯಲ್ಲಿ 240 ಮಿಲಿಯನ್ ಜಿಬಿಪಿ(ಗ್ರೇಟ್‌ ಬ್ರಿಟನ್ ಪೌಂಡ್) ಹೂಡಿಕೆ ಮಾಡಲು ಮುಂದಾಗಿದೆ.
ಬ್ರಿಟನ್ನಲ್ಲಿ 6,500 ರಷ್ಟು ಉದ್ಯೋಗ ಸೃಷ್ಟಿಸಲು ಸೆರಂ ಇನ್ಸ್ಟ್ಯೂಟ್ ಯೋಜನೆಯ ಭಾಗವಾಗಿ ಯುಕೆ ಸರ್ಕಾರ ಕೂಡ 1 ಬಿಲಿಯನ್ ಜಿಬಿಪಿ ಹೂಡಿಕೆ ಮಾಡಲಿದೆ.
ಯುಕೆಯಲ್ಲಿ ಆರೋಗ್ಯ, ಬಯೋಟೆಕ್ ಮತ್ತು ಸಾಫ್ಟ್‌ವೇರ್ ಸೇವೆಗಳಂತಹ ಕ್ಷೇತ್ರಗಳಲ್ಲಿ ಹೂಡಿಕೆ ಮಾಡಲು ಮುಂದಾಗಿರುವ ಭಾರತದ ಸುಮಾರು 20 ರಷ್ಟು ಕಂಪನಿಗಳ ಪಟ್ಟಿಯಲ್ಲಿ ಪುಣೆ ಮೂಲದ ಸೆರಂ ಇನ್ಸ್ಟ್ಯೂಟ್ ಮುಂಚೂಣಿಯಲ್ಲಿದೆ. ಇದರ ಜೊತೆಗೆ ಮೂಗಿನ ಮೂಲಕ ನೀಡಲಾಗುವ ಕೋವಿಡ್ ಲಸಿಕೆಯ ಮೊಲದ ಹಂತದ ಪ್ರಯೋಗವನ್ನು ಸೆರಂ ಈಗಾಗಲೇ ಯುಕೆಯಲ್ಲಿ ಪ್ರಾರಂಭಿದೆ ಎಂದು ತಿಳಿದು ಬಂದಿದೆ.
ಇದನ್ನೂ ಓದಿ: ಭಾರತದ ಕೊರೊನಾ ಹೋರಾಟಕ್ಕೆ ಇಸ್ರೇಲ್ ಸಹಾಯಹಸ್ತ
ಸೆರಂ ಇನ್ಸ್ಟ್ಯೂಟ್ನ ಹೊಸ ಮಾರಾಟ ಕಚೇರಿಯು 1 ಬಿಲಿಯನ್ ಯುಎಎಸ್ ಡಾಲರ್ ವ್ಯವಹಾರ ಮಾಡುವ ನಿರೀಕ್ಷೆಯಿದೆ. ಈ ಪೈಕಿ 200 ಮಿಲಿಯನ್ ಜಿಬಿಪಿ ಯುಕೆಯಲ್ಲಿ ಹೂಡಿಕೆ ಮಾಡಲಿದೆ ಎಂದು ಎಸ್‌ಐಐನ ಯೋಜನೆಗಳನ್ನು ಉಲ್ಲೇಖಿಸಿ ಯುಕೆ ಸರ್ಕಾರದ ಮೂಲಗಳು ಹೇಳಿದೆ.
ಸೆರಂ ಇನ್ಸ್ಟ್ಯೂಟ್ ಕ್ಲಿನಿಕಲ್ ಪ್ರಯೋಗಗಳು, ಸಂಶೋಧನೆ ಮತ್ತು ಅಭಿವೃದ್ಧಿ ಹಾಗೂ ಲಸಿಕೆ ಉತ್ಪಾದನೆಯಲ್ಲಿ ಯುಕೆ ಸಹಾಯ ಮಾಡಲಿದೆ. ಇದು ಕೋವಿಡ್ ಸೇರಿದಂತೆ ಮಾರಕ ಕಾಯಿಲೆಗಳನ್ನು ನಿಯಂತ್ರಿಸಲು ಯುಕೆ ಮತ್ತು ಜಗತ್ತಿದೆ ಸಹಾಯ ಮಾಡಲಿದೆ. ಕೊಡಜೆನಿಕ್ಸ್ ಸಂಸ್ಥೆಯ ಸಹಭಾಗಿತ್ವದಲ್ಲಿ ಸೆರಂ ಈಗಾಗಲೇ ಮೂಗಿನಲ್ಲಿ ಹಾಕುವ ಕೋವಿಡ್ ಲಸಿಕೆಯ ಮೊದಲ ಹಂತದ ಪ್ರಯೋಗಗಳನ್ನು ಪ್ರಾರಂಭಿಸಿದೆ ಎಂದು ಯುಕೆ ತಿಳಿಸಿದೆ.
