ವುಹಾನ್: ಚೀನಾದಲ್ಲಿ ಮೊದಲ ಕೋವಿಡ್ ಪ್ರಕರಣ ಪತ್ತೆಯಾಗುವ ಒಂದು ತಿಂಗಳು ಮೊದಲೇ ವುಹಾನ್ ಇನ್ಸ್ಟ್ಯೂಟ್ ಆಫ್ ವೈರಾಲಜಿ (ಡಬ್ಲ್ಯುಐವಿ) ಯ ಮೂವರು ಸಂಶೋಧಕರು ಕೋವಿಡ್ಗೆ ಚಿಕಿತ್ಸೆ ಕೋರಿದ್ದರು ಎಂದು ಅಮೆರಿದ ದಿ ವಾಲ್ಸ್ಟ್ರೀಟ್ ಜರ್ನಲ್ ವರದಿ ಮಾಡಿದೆ.
ಈ ಮೂವರು ಸಂಶೋಧಕರಿಗೆ ಯಾವಾಗ ಅನಾರೋಗ್ಯ ಉಂಟಾಗಿತ್ತು, ಅವರು ಯಾವಾಗ ಚಿಕಿತ್ಸೆ ಕೋರಿದರು ಎಂಬುವುದರ ಬಗ್ಗೆ ಸಂಪೂರ್ಣ ಮಾಹಿತಿ ಇದೆ ಎಂದು ವಾಲ್ ಸ್ಟ್ರೀಟ್ ಜರ್ನಲ್ ಹೇಳಿದೆ. ಈ ವರದಿಯೂ ಕೋವಿಡ್ ವೈರಸ್ ಡಬ್ಲ್ಯುಐವಿಯಿಂದಲೇ ಹರಡಿದೆಯೇ ಎಂಬ ಅನುಮಾನವನ್ನು ಹುಟ್ಟು ಹಾಕಿದೆ.
ಇದನ್ನೂ ಓದಿ: ಕೇಬಲ್ ಕಾರ್ ದುರಂತ: ಸುಂದರ ಲೋಕ ನೋಡುತ್ತಲೇ ಇಹಲೋಕ ತ್ಯಜಿಸಿದ 14 ಜನ!
ವಿಶ್ವ ಆರೋಗ್ಯ ಸಂಸ್ಥೆಯ ಸಭೆ ನಡೆದ ದಿನದಂದು ಸಂಜೆ ಈ ವರದಿ ಪ್ರಕಟಗೊಂಡಿದೆ. ಈ ವಿಚಾರವು ಜಗತ್ತಿನ ಗಮನ ಸೆಳೆದಿದ್ದು, ಕೋವಿಡ್ ವೈರಸ್ನ ಹುಟ್ಟಿನ ಬಗ್ಗೆ ಹೊಸತೊಂದು ಹುಡುಕಾಟಕ್ಕೆ ದಾರಿ ಮಾಡಿಕೊಟ್ಟಿದೆ. ಅಲ್ಲದೆ, ಕೋವಿಡ್ ವೈರಸ್ ಚೀನಾ ನಿರ್ಮಿತ ಎಂಬ ಹಲವು ರಾಷ್ಟ್ರಗಳ ಆರೋಪಕ್ಕೆ ಪುಷ್ಠಿ ನೀಡಿದಂತಾಗಿದೆ.