ರಿಯೋ ಡಿ ಜನೈರೋ( ಬ್ರೆಜಿಲ್): ಉತ್ತರ ಬ್ರೆಜಿಲ್ನ ಪಾರಾ ರಾಜ್ಯದ ಅಲ್ಟಮೀರಾ ಜೈಲಿನಲ್ಲಿ ರಣಭೀಕರ ರಕ್ತಪಾತವಾಗಿದೆ. ಎರಡು ಕ್ರಿಮಿನಲ್ ಗುಂಪುಗಳ ಮಧ್ಯೆ ಜೈಲಿನಲ್ಲಿ ಗಲಾಟೆ ನಡೆದು 57 ಕೈದಿಗಳು ಮೃತಪಟ್ಟಿದ್ದಾರೆ.
ಹೌದು, ಕ್ಲಿನಿಂಗ್ ವಿಚಾರದಲ್ಲಿ ಸ್ಥಳೀಯ ಕ್ರಿಮಿನಲ್ ಮತ್ತು ಕ್ರಿಮಿನಲ್ ಗುಂಪುಗಳ ಮಧ್ಯೆ ಜೈಲಿನಲ್ಲಿ ಗಲಾಟೆ ನಡೆದಿದೆ. ಈ ಗಲಾಟೆಯಲ್ಲಿ ಎರಡು ಗುಂಪುಗಳು ಪರಸ್ಪರ ಕಿತ್ತಾಡಿಕೊಂಡಿವೆ. ಈ ವೇಳೆ ಕೈದಿಯೊಬ್ಬ ಜೈಲಿನ ಕೊಠಡಿಯೊಂದಕ್ಕೆ ಬೆಂಕಿ ಹಚ್ಚಿದ್ದಾನೆ. ಈ ವೇಳೆ, 41 ಜನ ಬೆಂಕಿಗಾಹುತಿಗೆ ಬಲಿಯಾಗಿದ್ದಾರೆ. ಇನ್ನುಳಿದ 16 ಕೈದಿಗಳ ದೇಹ ತುಂಡಾಗಿವೆ.
ಕೂಡಲೇ ಕಮಾಂಡರ್ಗಳು ಜೈಲಿಗೆ ಎಂಟ್ರಿ ಕೊಟ್ಟು ಜಗಳ ಹತೋಟಿಗೆ ತೆಗೆದುಕೊಂಡಿದ್ದಾರೆ. ಘರ್ಷಣೆಯಲ್ಲಿ ಅನೇಕರು ಗಾಯಗೊಂಡಿದ್ದು, ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಘರ್ಷಣೆ ವೇಳೆ, ಕೈದಿಗಳು ಇಬ್ಬರು ಜೈಲಿನ ಸಿಬ್ಬಂದಿಯನ್ನು ಒತ್ತೆಯಾಳಾಗಿಟ್ಟುಕೊಳ್ಳಲಾಗಿತ್ತು. ಆದ್ರೆ ಹೆಚ್ಚುವರಿ ಪೊಲೀಸ್ ಫೋರ್ಸ್ ಬಂದ ಬಳಿಕ ಅವರನ್ನು ಬಿಡುಗಡೆಗೊಳಿಸಲಾಯಿತು. ಜೈಲಿನಲ್ಲಿ ಬೆಂಕಿ ಬಿದ್ದಿರುವುದರಿಂದ 46 ಕೈದಿಗಳನ್ನು ಬೇರೆ ಜೈಲಿಗೆ ವರ್ಗಾಯಿಸಲಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಜೈಲು ಪರಿಶೀಲನೆ ವೇಳೆ ಯಾವುದೇ ಬಂದೂಕುಗಳು ದೊರೆತ್ತಿಲ್ಲ. ಆದ್ರೆ ಚಾಕುವಿನಿಂದ ದಾಳಿ ನಡೆಸಲಾಗಿದೆ. ಈ ಘಟನೆ ಬಗ್ಗೆ ಹೆಚ್ಚಿನ ತನಿಖೆ ಕೈಗೊಳ್ಳಲಾಗುವುದೆಂದು ಅಧಿಕಾರಿಗಳು ತಿಳಿಸಿದ್ದಾರೆ.
