ರಿಲಯನ್ಸ್ ಇಂಡಸ್ಟ್ರೀಸ್ ಸಂಸ್ಥೆ ದೇಶದ ಅತಿ ದೊಡ್ಡ, ಐಷಾರಾಮಿ ಮಾಲ್ ಅನ್ನು ಉದ್ಘಾಟಿಸಿದೆ. ಇಂದಿನಿಂದ ಜನರಿಗೆ ಮಾಲ್ ಮುಕ್ತವಾಗಿದೆ. ನಿನ್ನೆ ಸಂಜೆ ನಡೆದ 'ಜಿಯೋ ವರ್ಲ್ಡ್ ಪ್ಲಾಜಾ' ಈವೆಂಟ್ನಲ್ಲಿ ಬಣ್ಣದ ಲೋಕದ ಖ್ಯಾತನಾಮರು ಸಾಕ್ಷಿ ಆಗಿದ್ದರು. ಮಂಗಳವಾರ ರಾತ್ರಿ 'ಜಿಯೋ ವರ್ಲ್ಡ್ ಪ್ಲಾಜಾ' ಗ್ಲಾಮರ್ಗೆ ಸಾಕ್ಷಿಯಾಯಿತು. ಬಾಲಿವುಡ್ ತಾರೆಯರು ಕಾರ್ಯಕ್ರಮದ ಮೆರುಗು ಹೆಚ್ಚಿಸಿದರು. ನಟಿಯರಾದ ರಶ್ಮಿಕಾ ಮಂದಣ್ಣ ಮತ್ತು ಶೆಹನಾಜ್ ಗಿಲ್ ಬಹಳ ಆತ್ಮೀಯರಾಗಿ ಕಾಣಿಸಿಕೊಂಡಿದ್ದು, ವಿಡಿಯೋ ವೈರಲ್ ಆಗಿದೆ. ಇಬ್ಬರೂ ತಾರೆಯರು ಬಹಳ ಖುಷಿಯಲ್ಲಿದ್ದು, ಏನನ್ನೋ ಮಾತನಾಡುತ್ತಿದ್ದಾರೆ. ಜೊತೆಗೆ ಸಿಹಿ ಅಪ್ಪುಗೆಯನ್ನೂ ಹಂಚಿಕೊಂಡಿದ್ದಾರೆ.
'ಜಿಯೋ ವರ್ಲ್ಡ್ ಪ್ಲಾಜಾ' ಈವೆಂಟ್ನಲ್ಲಿ, ಶೆಹನಾಜ್ ಗಿಲ್ - ರಶ್ಮಿಕಾ ಮಂದಣ್ಣ ಕೈ ಕೈ ಕುಲುಕಿಸಿದರು. ಸಿಹಿ ಅಪ್ಪುಗೆ ಹಂಚಿಕೊಂಡರು. ಸಿಹಿ ಕ್ಷಣವನ್ನು ತಮ್ಮದಾಗಿಸಿಕೊಂಡರು. ಇಬ್ಬರೂ ಜನಪ್ರಿಯ ವ್ಯಕ್ತಿಗಳೇ. ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಸಂಪಾದಿಸಿದವರೇ. ಇಬ್ಬರ ಮೊಗದಲ್ಲೂ ಮಿಲಿಯನ್ ಡಾಲರ್ ಸ್ಮೈಲ್ ಕಾಣಬಹುದು. ರಾಯಲ್ ಈವೆಂಟ್‌ನಿಂದ ಫೋಟೋ, ವಿಡಿಯೋಗಳು ವೈರಲ್ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಸದ್ದು ಮಾಡುತ್ತಿದೆ.
ಪಾಪರಾಜಿಯೊಬ್ಬರು ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಸುಂದರಿಯರ ಸುಂದರ ಕ್ಷಣವನ್ನು ಹಂಚಿಕೊಂಡಿದ್ದಾರೆ. ಶೆಹನಾಜ್ ಮತ್ತು ರಶ್ಮಿಕಾ ಪರಸ್ಪರ ಮಾತನಾಡಿಸಿರುವ ವಿಡಿಯೋ ಬಹಳ ಆಕರ್ಷಣೀಯವಾಗಿದೆ. ಅಭಿಮಾನಿಳಿಗಂತೂ ಬಹಳಾನೇ ಹಿಡಿಸಿದೆ. ಈ ಇಬ್ಬರೂ ಸುಂದರಿಯರು ಯಾವುದರ ಬಗ್ಗೆ ಮಾತನಾಡುತ್ತಿದ್ದಾರೆ? ಏಕಿಷ್ಟು ನಗುತ್ತಿದ್ದಾರೆ? ಏನಿರಬಹುದು? ಎಂಬುದನ್ನು ತಿಳಿಯಲು ಅಸಭಿಮಾನಿಗಳು ಬಯಸಿದ್ದಾರೆ. ಸಖತ್ ಸದ್ದು ಮಾಡುತ್ತಿರುವ ವಿಡಿಯೋಗೆ ಪ್ರತಿಕ್ರಿಯಿಸಿದ ನೆಟ್ಟಿಗರು, "ಏನಿದು ಗಾಸಿಪ್?!" ಎಂದು ಬರೆದಿದ್ದಾರೆ. ಮತ್ತೊಬ್ಬರು ಪ್ರತಿಕ್ರಿಯಿಸಿ "ಒಂದೇ ಫ್ರೇಮ್ನಲ್ಲಿ ಎರಡು ಸುಂದರ ಆತ್ಮಗಳು" ಎಂದು ಬರೆದಿದ್ದಾರೆ.
'ಜಿಯೋ ವರ್ಲ್ಡ್ ಪ್ಲಾಜಾ' ಈವೆಂಟ್ಗಾಗಿ ಬಾಲಿವುಡ್ ನಟಿ ಶೆಹನಾಜ್ ಗಿಲ್ ರೆಡ್ ಗೌನ್ ಅನ್ನು ಆಯ್ಕೆ ಮಾಡಿಕೊಂಡರು. ಪಂಜಾಬ್ನ ಕತ್ರಿನಾ ಕೈಫ್ ಖ್ಯಾತಿಯ ಗಿಲ್ ಆಕರ್ಷಕ ಉಡುಗೆಯಲ್ಲಿ ಬೆರಗುಗೊಳಿಸುವ ನೋಟ ಬೀರಿದ್ದಾರೆ. ಬಾಲಿವುಡ್ನಲ್ಲಿ ಬೆಳೆಯುತ್ತಿರುವ, ತಮ್ಮ ಸ್ಥಾನ ಭದ್ರಪಡಿಸಿಕೊಳ್ಳಲು ಶ್ರಮ ವಹಿಸುತ್ತಿರುವ ಬಿಗ್ ಬಾಸ್ ಖ್ಯಾತಿಯ ಶೆಹನಾಜ್ ಈವೆಂಟ್ನಲ್ಲಿ ಬಹಳ ಆತ್ಮವಿಶ್ವಾಸದಿಂದ ಗುರುತಿಸಿಕೊಂಡಿದ್ದು, ಅಭಿಮಾನಿಗಳು ಸಂಪೂರ್ಣ ಬೆಂಬಲ ಸೂಚಿಸಿದ್ದಾರೆ.
ಇದನ್ನೂ ಓದಿ: ಟೈಗರ್ 3 ಅಡ್ವಾನ್ಸ್ ಟಿಕೆಟ್ ಬುಕಿಂಗ್ ಮಾಹಿತಿ: ಮುಂಜಾನೆ 7ಕ್ಕೆ ಸಿನಿಮಾ ಪ್ರದರ್ಶನ ಪ್ರಾರಂಭ
ಮತ್ತೊಂದೆಡೆ ಬಹುಭಾಷಾ ನಟಿ, ರಶ್ಮಿಕಾ ಮಂದಣ್ಣ ಗೋಲ್ಡನ್ ಶೈನಿಂಗ್ ಫ್ರಾಕ್ ಧರಿಸಿ ಎಂದಿನಂತೆ ಕಂಗೊಳಿಸಿದ್ದಾರೆ. ನಟಿ ಸರಣಿ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಬಾಲಿವುಡ್ನ ಮತ್ತೊಂದು ಚಿತ್ರ ಬಿಡುಗಡೆಗೆ ಸಜ್ಜಾಗಿದೆ. ಇದೇ ಮೊದಲ ಬಾರಿಗೆ ರಣ್ಬೀರ್ ಜೊತೆ ತೆರೆ ಹಂಚಿಕೊಂಡಿದ್ದು, ಸಿನಿಮಾ ಡಿಸೆಂಬರ್ 1ರಂದು ತೆರೆಕಾಣಲಿದೆ. ಈಗಾಗಲೇ ಚಿತ್ರತಂಡ ಸಿನಿಮಾ ಪ್ರಚಾರ ಪ್ರಾರಂಭಿಸಿದೆ.
ಇದನ್ನೂ ಓದಿ: ನಾಳೆ ಶಾರುಖ್ ಖಾನ್ ಬರ್ತ್ಡೇ: ಡಂಕಿ ಟೀಸರ್ ರಿಲೀಸ್ಗೆ ಸಿದ್ಧತೆ
ಶೆಹನಾಜ್ ಮತ್ತು ರಶ್ಮಿಕಾ ಜೊತೆಗೆ, ವಿಜಯ್ ವರ್ಮಾ, ತಮನ್ನಾ ಭಾಟಿಯಾ, ಸಲ್ಮಾನ್ ಖಾನ್, ದೀಪಿಕಾ ಪಡುಕೋಣೆ, ಆಲಿಯಾ ಭಟ್, ಕತ್ರಿನಾ ಕೈಫ್, ಕರೀನಾ ಕಪೂರ್ ಖಾನ್, ಮಲೈಕಾ ಅರೋರಾ ಮತ್ತು ಖುಷಿ ಕಪೂರ್ ಸೇರಿದಂತೆ ಹಲವರು ಈವೆಂಟ್ನಲ್ಲಿ ಆಕರ್ಷಣೀಯ ಉಡುಗಗೆಯಲ್ಲಿ ಕಾಣಿಸಿಕೊಂಡಿದ್ದಾರೆ.
