'ಆರ್ಆರ್ಆರ್' ಸಿನಿಮಾದಿಂದ ಜಾಗತಿಕ ಮಟ್ಟದಲ್ಲಿ ಕ್ರೇಜ್ ಗಿಟ್ಟಿಸಿಕೊಂಡಿರುವ ಟಾಲಿವುಡ್ ನಟ ಜೂನಿಯರ್ ಎನ್ಟಿಆರ್ ಸದ್ಯ ಸರಣಿ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಅವರ ಮುಂದಿನ ಬಹುನಿರೀಕ್ಷಿತ ಚಿತ್ರ 'ದೇವರ'. ಇತ್ತೀಚೆಗಿನ ಮಾಹಿತಿ ಪ್ರಕಾರ, ನಟ ಕೆಲವೇ ದಿನಗಳಲ್ಲಿ ಗೋವಾಕ್ಕೆ ತೆರಳಲಿದ್ದಾರೆ.
ಜೂ.ಎನ್ಟಿಆರ್ ಮತ್ತು ಬಾಲಿವುಡ್ ಬೆಡಗಿ ಜಾನ್ವಿ ಕಪೂರ್ ಕಾಂಬಿನೇಶನ್ನ 'ದೇವರ' ಮುಂದಿನ ವರ್ಷ ತೆರೆ ಕಾಣಲಿರುವ ಬಹುನಿರೀಕ್ಷಿತ ಚಿತ್ರಗಳಲ್ಲಿ ಒಂದು. ಈಗಾಗಲೇ 'ದೇವರ' ಕುರಿತು ಪ್ರೇಕ್ಷಕರು ಸಾಕಷ್ಟು ಕುತೂಹಲ ವ್ಯಕ್ತಪಡಿಸಿದ್ದಾರೆ. ಕೊರಟಾಲ ಶಿವ ನಿರ್ದೇಶನದಲ್ಲಿ ಸಿನಿಮಾ ಮೂಡಿಬರಲಿದೆ. ಈಗಾಗಲೇ ಹಲವು ಕಡೆಗಳಲ್ಲಿ 'ದೇವರ' ಚಿತ್ರೀಕರಣ ಮಾಡಲಾಗಿದೆ. ಹೈದರಾಬಾದ್ನಲ್ಲಿ ವಿಶೇಷ ಸೆಟ್ನಲ್ಲಿ ಸಾಹಸ ದೃಶ್ಯಗಳನ್ನು ಶೂಟಿಂಗ್ ಮಾಡಲಾಗಿದೆ. ಇದೀಗ ಹೊಸ ಶೆಡ್ಯೂಲ್ಗಾಗಿ ಚಿತ್ರತಂಡ ಗೋವಾಕ್ಕೆ ತೆರಳಲಿದ್ದಾರೆ.
ಅಲ್ಲಿ ಜೂನಿಯರ್ ಎನ್ಟಿಆರ್ ಮತ್ತು ಜಾನ್ವಿ ಕಪೂರ್ ನಡುವಿನ ದೃಶ್ಯಗಳನ್ನು ಚಿತ್ರೀಕರಿಸಲಾಗುವುದು ಎಂದು ತಿಳಿದುಬಂದಿದೆ. ನಿರ್ದೇಶಕ ಕೊರಟಾಲ ಶಿವ ಈ ಸಿನಿಮಾವನ್ನು ಎರಡು ಭಾಗಗಳಲ್ಲಿ ಬಿಡುಗಡೆಗೊಳಿಸಲು ಪ್ಲಾನ್ ಮಾಡಿದ್ದಾರೆ. ಚಿತ್ರವನ್ನು ಕಲ್ಯಾಣ್ ರಾಮ್ ನಿರ್ಮಾಣ ಮಾಡುತ್ತಿದ್ದಾರೆ. ಬಾಲಿವುಡ್ ನಟ ಸೈಫ್ ಅಲಿ ಖಾನ್ ಪ್ರಮುಖ ಪಾತ್ರದಲ್ಲಿದ್ದಾರೆ. ಯುವ ಸಂಗೀತ ನಿರ್ದೇಶಕ ಅನಿರುದ್ಧ್ ರವಿಚಂದರ್ ಸಂಗೀತ ಸಂಯೋಜನೆ ಮಾಡುತ್ತಿದ್ದಾರೆ. ದೇವರ ಮೊದಲ ಭಾಗ ಮುಂದಿನ ವರ್ಷ ಏಪ್ರಿಲ್‌ 5ರಂದು ತೆರೆಗಪ್ಪಳಿಸಲಿದೆ.
ಇದನ್ನೂ ಓದಿ: ಜೂ. ಎನ್ಟಿಆರ್ 'ದೇವರ' ಸಿನಿಮಾದಲ್ಲಿ ಅಲ್ಲು ಅರ್ಜುನ್ ಪುತ್ರಿ: 6ರ ಹರೆಯದ ಅಲ್ಲು ಅರ್ಹಾ ಸಂಭಾವನೆ ಕೇಳಿದ್ರೆ ತಲೆತಿರುಗುತ್ತೆ!
ಜಾನ್ವಿ ಕಪೂರ್ ಸೆಕೆಂಡ್ ಶೆಡ್ಯೂಲ್ ಶುರು: 'ದೇವರ' ಸಿನಿಮಾದ ಶೂಟಿಂಗ್ಗಾಗಿ ಚಿತ್ರತಂಡದೊಂದಿಗೆ ಗೋವಾಗೆ ತೆರಳಲಿರುವ ಜಾನ್ವಿ ಕಪೂರ್ ಅಕ್ಟೋಬರ್ನಿಂದ ಮುಂದಿನ ವರ್ಷ ಜನವರಿವರೆಗೆ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿರುತ್ತಾರೆ. ಮೂಲಗಳ ಪ್ರಕಾರ, ಬಾಲಿವುಡ್ ತಾರೆ ಅಕ್ಟೋಬರ್ 24ರಿಂದ ಜೂ.ಎನ್ಟಿಆರ್ ಜೊತೆ 'ದೇವರ' ಎರಡನೇ ಶೆಡ್ಯೂಲ್ ಪ್ರಾರಂಭಿಸಲಿದ್ದಾರೆ. ನಟಿ ಮೊದಲ ಶೆಡ್ಯೂಲ್ ಅನ್ನು ಕೇವಲ ಮೂರು ದಿನಗಳಲ್ಲಿ ಚಿತ್ರೀಕರಿಸಿದ್ದಾರೆ. ಮುಂದಿನ ವೇಳಾಪಟ್ಟಿಯನ್ನು ಮೂರರಿಂದ ನಾಲ್ಕು ತಿಂಗಳವರೆಗೆ ವಿಸ್ತರಿಸಲಾಗುವುದು.
ದೇವರ ಜಗತ್ತು ಒಂದು ಹೊಸ ಅನುಭವ: ನಿರ್ದೇಶಕ ಕೊರಟಾಲ ಶಿವ ಮಾಹಿತಿ ಪ್ರಕಾರ, ದೇವರ ಜಗತ್ತು ಒಂದು ಹೊಸ ಅನುಭವ. ನಿರೂಪಣೆ ಬೃಹತ್ ಪ್ರಮಾಣದಲ್ಲಿದ್ದು, ಹಲವು ಪಾತ್ರವರ್ಗಗಳನ್ನು ಆಹ್ವಾನಿಸಿತು. ಒಂದೆರಡು ಶೆಡ್ಯೂಲ್‌ಗಳ ನಂತರ, ಎಡಿಟ್ ಸೂಟ್ನಲ್ಲಿ ಯಾವ ದೃಶ್ಯ ಕತ್ತರಿಸಬೇಕೆಂದು ನಿರ್ಧರಿಸುವುದು ಕಷ್ಟಕರವಾಗಿತ್ತು. ಚಿತ್ರೀಕರಿಸಿದ ಎಲ್ಲ ದೃಶ್ಯಗಳು ಮಹತ್ವವಾದದ್ದೇ. ಹಾಗಾಗಿ ಚಿತ್ರತಂಡ ಸಿನಿಮಾವನ್ನು ವಿಸ್ತರಿಸಲು ನಿರ್ಧಾರ ಕೈಗೊಂಡಿತು. ಈ ಹಿನ್ನೆಲೆಯಲ್ಲಿ ಸಿನಿಮಾ ಎರಡು ಭಾಗಗಳಲ್ಲಿ ಮೂಡಿಬರಲಿದೆ ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ: ನ್ಯೂ ಹೇರ್ಸ್ಟೈಲ್ನಲ್ಲಿ ತಾರಕ್ ಹ್ಯಾಂಡ್ಸಮ್: ಜೂನಿಯರ್ ಎನ್ಟಿಆರ್ ಹೊಸ ಲುಕ್ ನೋಡಿ..
