ಟಾಲಿವುಡ್ ಸೂಪರ್ಸ್ಟಾರ್ ಜೂನಿಯರ್ ಎನ್ಟಿಆರ್ ಅಭಿಮಾನಿಗಳಿಗೆ ಭರ್ಜರಿ ಟ್ರೀಟ್ ಸಿಕ್ಕಿದೆ. ನ್ಯೂ ಹೇರ್ಸ್ಟೈಲ್ನಲ್ಲಿ ನಟ ಕಾಣಿಸಿಕೊಂಡಿದ್ದಾರೆ. ಸೆಲೆಬ್ರಿಟಿ ಹೇರ್ಸ್ಟೈಲಿಸ್ಟ್ ಆಲಿಂ ಹಕೀಮ್ ಅವರ ಕೈಚಳಕದಲ್ಲಿ 'ಆರ್ಆರ್ಆರ್' ಸ್ಟಾರ್ ಲುಕ್ ಬದಲಾಗಿದೆ. ಸಖತ್ ಹ್ಯಾಂಡ್ಸಮ್ ಆಗಿ ಕಾಣುತ್ತಿದ್ದಾರೆ. ಆಲಿಂ ಹಕೀಮ್ ಅವರು ತಾರಕ್ ಫೋಟೋ ಹಂಚಿಕೊಳ್ಳುತ್ತಿದಂತೆ, ನೋಡುಗರನ್ನು ಸೆಳೆದಿದೆ. ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಜೂನಿಯರ್ ಎನ್ಟಿಆರ್ ಅವರ ನ್ಯೂ ಹೇರ್ಸ್ಟೈಲ್ ಲುಕ್ ಟ್ರೆಂಡಿಂಗ್ ಆಗಿದೆ.
ಅನೇಕ ಸೆಲೆಬ್ರಿಟಿಗಳ ಸ್ಟೈಲಿಶ್ ಹೇರ್ ಸ್ಟೈಲ್ ಹಿಂದಿರುವ ಕೈ ಆಲಿಂ ಹಕೀಮ್ ಅವರದ್ದು. ಇದೀಗ ಜೂನಿಯರ್ ಎನ್ಟಿಆರ್ ಅವರ ಲುಕ್ ಅನ್ನು ಆಲಿಂ ಬದಲಾಯಿಸಿದ್ದಾರೆ. ನಟನನ್ನು ಸಖತ್ ಹ್ಯಾಂಡ್ಸಮ್ ಆಗಿ ಕಾಣುವಂತೆ ಮಾಡಿದ್ದಾರೆ. ತಾರಕ್ ಹೊಸ ಲುಕ್ ಫೋಟೋವನ್ನು ಆಲಿಂ ಹಕೀಮ್ ಬುಧವಾರ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ನಟನ ಬದಲಾವಣೆಯನ್ನು ಅಭಿಮಾನಿಗಳು ವಿಪರೀತವಾಗಿ ಮೆಚ್ಚಿಕೊಂಡಿದ್ದಾರೆ. ಆಲಿಂ ಹಕೀಮ್ ಅವರ ತಾರಕ್ ಪೋಸ್ಟ್ಗೆ ಉತ್ಸಾಹದಿಂದ ಪ್ರತಿಕ್ರಿಯಿಸುತ್ತಿದ್ದಾರೆ.
ಆಲಿಂ ಹಕೀಮ್ ಪೋಸ್ಟ್ ಹಂಚಿಕೊಳ್ಳುತ್ತಿದ್ದಂತೆ, ತಾರಕ್ ಅಭಿಮಾನಿಗಳು ಪ್ರೀತಿಯ ಸುರಿಮಳೆಯನ್ನೇ ಹರಿಸಿದರು. ಕೆಂಪು ಹೃದಯ ಮತ್ತು ಫೈರ್ ಎಮೋಜಿನೊಂದಿಗೆ ಕಾಮೆಂಟ್ ವಿಭಾಗವನ್ನು ತುಂಬಿದರು. ಫೋಟೋಗಳು ಲಕ್ಷಾಂತರ ಲೈಕ್ಸ್ಗಳನ್ನು ಪಡೆದುಕೊಂಡಿದೆ. ಅಭಿಮಾನಿಗಳು ಅವರ ನೋಟವನ್ನು ಹಾಡಿ ಹೊಗಳಿದ್ದಾರೆ.
ಇದನ್ನೂ ಓದಿ: 'ನಾನು Jr NTR ಅವರ ದೊಡ್ಡ ಅಭಿಮಾನಿ': 'ಆರ್ಆರ್ಆರ್' ಸಿನಿಮಾ ಕೊಂಡಾಡಿದ ಜಪಾನ್ ವಿದೇಶಾಂಗ ಸಚಿವ
ತಾರಕ್ ಸಿನಿಮಾಗಳು: ಸದ್ಯ ಜೂನಿಯರ್ ಎನ್ಟಿಆರ್ 'ದೇವರ' ಸಿನಿಮಾ ವಿಚಾರವಾಗಿ ಬ್ಯುಸಿಯಾಗಿದ್ದಾರೆ. ಕೊರಟಾಲ ಶಿವ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ಮೊದಲ ಬಾರಿಗೆ ತಾರಕ್ಗೆ ಬಿಟೌನ್ ಬೆಡಗಿ ಜಾಹ್ನವಿ ಕಪೂರ್ ನಾಯಕಿಯಾಗಿದ್ದಾರೆ. ಇನ್ನು ಈ ಚಿತ್ರದಲ್ಲಿ ನಟ ಸೈಫ್ ಅಲಿ ಖಾನ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಇದು ಜೂನಿಯರ್ ಎನ್ಟಿಆರ್ ಅವರ 30ನೇ ಚಿತ್ರವಾಗಿದೆ. 2024ರ ಏಪ್ರಿಲ್ 6ಕ್ಕೆ ಐದು ಭಾಷೆಗಳಲ್ಲಿ ಪ್ಯಾನ್ ಇಂಡಿಯಾ ಚಿತ್ರವಾಗಿ ತೆರೆ ಕಾಣಲಿದೆ.
ಇದರ ಜೊತೆಗೆ ತಾರಕ್ ಅವರ 31ನೇ ಚಿತ್ರಕ್ಕೆ ಕೆಜಿಎಫ್ ನಿರ್ದೇಶಕ ಪ್ರಶಾಂತ್ ನೀಲ್ ನಿರ್ದೇಶನ ಮಾಡುತ್ತಿದ್ದಾರೆ. 'ಕೆಜಿಎಫ್' ಹಿಟ್ ಆದ ಬೆನ್ನಲ್ಲೇ ನಿರ್ದೇಶಕರಿಗೆ ಬೇಡಿಕೆ ಹೆಚ್ಚಿತು. ಅದಾಗಲೇ 'ಸಲಾರ್' ನಲ್ಲಿ ಬ್ಯುಸಿಯಾಗಿದ್ದ ನಿರ್ದೇಶಕ ಪ್ರಶಾಂತ್ ನೀಲ್, ಇದಾದ ಬಳಿಕ ತಮ್ಮ ಮುಂದಿನ ಚಿತ್ರವನ್ನು ನಟ ಜ್ಯೂ ಎನ್ಟಿಆರ್ ಜೊತೆಗೆ ಮಾಡುವುದಾಗಿ ಘೋಷಿಸಿದ್ದರು. ಸದ್ಯ ಈ ಚಿತ್ರಕ್ಕೆ 'ಎನ್ಟಿಆರ್ 31' ಎಂದು ಹೆಸರಿಸಲಾಗಿದ್ದು, ಈ ಚಿತ್ರ ಈ ವರ್ಷಾಂತ್ಯ ಅಥವಾ ಮುಂದಿನ ವರ್ಷ ಸೆಟ್ ಏರುವ ಸಾಧ್ಯತೆ ಇದೆ. ಇದರ ಜೊತೆಗೆ ವಾರ್ 2 ಚಿತ್ರದಲ್ಲಿ ನಟ ಹೃತಿಕ್ ರೋಷನ್ ಜೊತೆ ಕೂಡ ನಟಿಸುತ್ತಿದ್ದಾರೆ.
ಇದನ್ನೂ ಓದಿ: ಕನ್ನಡದಲ್ಲೂ ಬರ್ತಿದೆ ಜ್ಯೂನಿಯರ್ ಎನ್ಟಿಆರ್ ಅಭಿನಯದ 'ದೇವರ' ಸಿನಿಮಾ
