ಮುಂಬೈ: ಜಿಯೋ ಸಿಮ್ ಮೂಲಕ ಮಾರ್ಕೆಟ್ನಲ್ಲಿ ದೊಡ್ಡ ಹವಾ ಸೃಷ್ಟಿಸಿದ್ದ ಮುಖೇಶ್ ಅಂಬಾನಿ ಒಡೆತನದ ರಿಯಲನ್ಸ್ ಜಿಯೋ ಮತ್ತಷ್ಟು ಹೊಸ ಆಫರ್ ಹಾಗೂ ಸೇವೆಗಳನ್ನು ಗ್ರಾಹಕರಿಗೆ ನೀಡಲು ಮುಂದಾಗಿದೆ.
ಜಿಯೋ ಫೈಬರ್ ಇದೇ ಸೆಪ್ಟೆಂಬರ್ 5ರಂದು ನೀಡಲು ಮುಂದಾಗಿರುವ ಜಿಯೋ ಇದೇ ವೇಳೆ, ಫೈಬರ್ ಸೆಟಪ್ ಬಾಕ್ಸ್ ಸಹ ಪರಿಚಯಿಸಲಿದೆ. ಜಿಯೋ ಫೈಬರ್ ಸೆಟಪ್ ಬಾಕ್ಸ್ ಬಗೆಗಿನ ಮಾಹಿತಿ ಇಲ್ಲಿದೆ...
ಜಿಯೋ ಬಂಪರ್ ಆಫರ್... ಅಂಬಾನಿ ಜೋಳಿಗೆಯಿಂದ ಹೊರಬಂತು ಹತ್ತಾರು ಆಫರ್..!
ಜಿಯೋ ಫೈಬರ್ ಸೆಟಪ್ ಬಾಕ್ಸ್:
- ಜಿಯೋ ಫೈಬರ್ ಜೊತೆಗೆ ಬಳಕೆದಾರರಿಗೆ ಸೆಟಪ್ ಬಾಕ್ಸ್ ಸಹ ದೊರೆಯಲಿದೆ. ಈ ಸೆಟಪ್ ಬಾಕ್ಸ್ ಮೂಲಕ ಒಂದಷ್ಟು ಫೀಚರ್ಗಳು ಲಭ್ಯವಾಗಲಿದೆ.
- ಜಿಯೋ ಸೆಟಪ್ ಬಾಕ್ಸ್ ಮೂಲಕ ಚಂದಾದಾರರು ಮೊಬೈಲ್ ಇಲ್ಲವೇ ಟ್ಯಾಬ್ ಮುಖಾಂತರ ಏಕಕಾಲಕ್ಕೆ ನಾಲ್ಕು ಮಂದಿಗೆ ವಿಡಿಯೋ ಕರೆ ಮಾಡಿ ಮಾತನಾಡಬಹುದು.
- ಜಿಯೋ ಸೆಟಪ್ ಬಾಕ್ಸ್ಗೆ ಗೇಮಿಂಗ್ ಅನುಭವವೂ ಸಿಗಲಿದೆ. ಗೇಮಿಂಗ್ಗೆ ಬೇಕಾದ ಎಲ್ಲ ಸಾಧ್ಯತೆಗಳೂ ಈ ಸೆಟಪ್ ಬಾಕ್ಸ್ ಹೊಂದಿರಲಿದೆ. ವಿಆರ್(ವರ್ಚುವಲ್ ರಿಯಾಲಿಟಿ) ಬಾಕ್ಸ್ ಗೇಮಿಂಗ್ ಅನುಭವಕ್ಕೆ ಹೊಸ ಆಯಾಮ ನೀಡಲಿದೆ.
- ಥಿಯೇಟರ್ನಲ್ಲಿ ಸಿನಿಮಾ ರಿಲೀಸ್ ಆದ ದಿನವೇ ಮನೆಯಲ್ಲಿ ಜಿಯೋದಲ್ಲಿ ಸಿನೆಮಾ ವೀಕ್ಷಣೆಗೆ ಅವಕಾಶ (ಫಸ್ಟ್ ಡೇ-ಫಸ್ಟ್ ಶೋ ಸೇವೆ). ಪ್ರೀಮಿಯಂ ಚಂದಾದಾರರಿಗೆ ಈ ಸೇವೆ ಲಭ್ಯವಾಗಲಿದೆ.
- ಫಸ್ಟ್ ಡೇ ಫಸ್ಟ್ ಶೋ ಸೇವೆಗೆ 2020ರ ಮಧ್ಯಭಾಗದಲ್ಲಿ ಚಾಲನೆ
- ಶಾಪಿಂಗ್ ಹಾಗೂ ಶಿಕ್ಷಣಕ್ಕೂ ಈ ಜಿಯೋ ಸೆಟಪ್ ಬಾಕ್ಸ್ ಆದ್ಯತೆ ನೀಡಿದ್ದು, ಇವೆರಡೂ ಕ್ಷೇತ್ರದಲ್ಲಿ ಜಿಯೋ ಒಂದು ಹೆಜ್ಜೆ ಮುಂದಿಡುವ ಸೂಚನೆಯನ್ನು ಪ್ರಾತ್ಯಕ್ಷಿಕೆ ಮುಖಾಂತರ ತೋರಿಸಿದೆ.
- ಜಿಯೋ ಸೆಟಪ್ ಬಾಕ್ಸ್ ಚಂದಾದಾರರಿಗೆ ಇಂಟರ್ನ್ಯಾಷನಲ್ ಪ್ಯಾಕ್ ಮೂಲಕ ವಿದೇಶಿ ಕರೆಗಳನ್ನು ಮಾಡಬಹುದು. 500 ರೂ. ತಿಂಗಳ ಪ್ಯಾಕ್ ಮೂಲಕ ವಿದೇಶಿ ಕರೆಯನ್ನು ಪಡೆದುಕೊಳ್ಳಬಹುದು.
- ಜಿಯೋ ಸೆಟಪ್ ಬಾಕ್ಸ್ ಆರಂಭದಲ್ಲಿ ಜಿಯೋ ಫೈಬರ್ ವೆಲ್ಕಮ್ ಆಫರ್ ನೀಡಲಿದೆ. ಈ ಆಫರ್ ಅನ್ನು ಚಂದಾದಾರರು ವಾರ್ಷಿಕ್ ಪ್ಲಾನ್( ಜಿಯೋ ಫಾರೆವರ್ ಪ್ಲಾನ್) ಹೊಂದಿದಲ್ಲಿ ಹೆಚ್ಡಿ ಎಲ್ಇಡಿ ಟಿವಿ ಅಥವಾ 4K ಎಲ್ಇಡಿ ಟಿವಿ ಸೇರಿದ ಸೆಟಪ್ ಬಾಕ್ಸ್ ಅನ್ನು ಜಿಯೋ ನೀಡಲಿದೆ. ಇದರ ದರಗಳನ್ನು ಇನ್ನೂ ಘೋಷಣೆ ಮಾಡಿಲ್ಲ.
