ಇಂದೋರ್ : ತಾಯಿಗೆ ಕೊರೊನಾ ಇದ್ದ ಕಾರಣ 8 ವರ್ಷದ ಬಾಲಕನೊಬ್ಬ ಆಹಾರ ತ್ಯಜಿಸಿದ್ದ ಘಟನೆ ಇಂದೋರ್ನಲ್ಲಿ ಕಂಡು ಬಂದಿದೆ.
ತಾಯಿಗೆ ಕೊರೊನಾ ಇದ್ದ ಕಾರಣ ಕೋವಿಡ್ ಕೇರ್ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ತಾಯಿಯಿಂದ ದೂರ ಉಳಿದ ಮಗ ಆಕೆಯ ನೆನಪಿನಲ್ಲಿ ಆಹಾರ ತ್ಯಜಿಸಿದ್ದನು. ಇದರಿಂದಾಗಿ ತಂದೆ-ತಾಯಿ ಇಬ್ಬರು ಚಿಂತೆಗೀಡಾಗಿದ್ದರು.
ತಂದೆ ಬಳಿಯಿದ್ದ ಮಗ ಊಟ ಮಾಡದೇ ತಾಯಿಯ ನೆನಪಿನಲ್ಲೇ ಕಾಲ ಕಳೆಯುತ್ತಿದ್ದನು. ವಿಡಿಯೋ ಕರೆ ಮೂಲಕ ಮಾತನಾಡಿದ್ರೂ ಸಹ ಆ ಬಾಲಕ ತಾಯಿಯ ಗುಂಗಿನಲ್ಲೇ ಇರುತ್ತಿದ್ದನು. ತಾಯಿ ಎಷ್ಟೇ ಹೇಳಿದ್ರೂ ಮತ್ತು ಪ್ರಯತ್ನಿಸಿದ್ರೂ ಸಹ ಆ ಬಾಲಕ ಊಟ ಮಾಡಲು ನಿರಾಕರಿಸುತ್ತಿದ್ದನು.
ತಾಯಿಯ ಒಳ್ಳೆ ಐಡಿಯಾ : ಇಲ್ಲಿ ತಂದೆ-ತಾಯಿಯಂದ್ರು ಮಕ್ಕಳನ್ನು ವಾಯುವಿವಾರಕ್ಕೆ ಕರೆದುಕೊಂಡು ಹೋಗುತ್ತಿರುತ್ತಾರೆ. ಈ ಪ್ರದೇಶದಲ್ಲಿ ಟ್ರಾಫಿಕ್ ಪೊಲೀಸ್ ರಂಜಿತ್ ಎಲ್ಲರಿಗು ಚಿರ ಪರಿಚಿತ ಮತ್ತು ಅವರು ಟ್ರಾಫಿಕ್ ಸಿಗ್ನಲ್ ಬಳಿ ಡ್ಯಾನ್ಸ್ ಮಾಡುತ್ತಲೇ ಕಾರ್ಯ ನಿರ್ವಹಿಸುತ್ತಾರೆ. ಹೀಗಾಗಿ, ಇವರಂದ್ರೆ ಮಕ್ಕಳಿಗೆ ಬಹಳ ಪ್ರೀತಿ.
ತಾಯಿ ಟ್ರಾಫಿಕ್ ಪೊಲೀಸ್ ರಂಜಿತ್ಗೆ ಫೋನ್ ಮಾಡಿದ್ದಾರೆ. ತಮ್ಮ ಸಮಸ್ಯೆಯನ್ನು ಹೇಳಿಕೊಂಡಿದ್ದಾರೆ. ರಂಜಿತ್ ಆಲೋಚಿಸದೇ ಹೋಟೆಲ್ನಿಂದ ಆಹಾರವನ್ನು ಪಾರ್ಸಲ್ ತಂದು ಆ ಬಾಲಕನಿಗೆ ಕೊಟ್ಟಿದ್ದಾರೆ.
ರಂಜಿತನನ್ನು ನೋಡಿದ ಬಾಲಕ ತುಂಬಾನೇ ಇಷ್ಟಪಟ್ಟು, ಪೊಲೀಸ್ ನೀಡಿದ ಆಹಾರವನ್ನು ಹೊಟ್ಟೆ ತುಂಬಾ ತಿಂದಿದ್ದಾನೆ. ಬಳಿಕ ನೀವು ನೀಡಿದ ಆಹಾರ ತುಂಬಾ ಚೆನ್ನಾಗಿತ್ತು. ಐ ಲವ್ ಯು ಅಂಕಲ್ ಎಂದು ವಿಡಿಯೋ ಸಂದೇಶ ಸಹ ಕಳುಹಿಸಿದ್ದಾರೆ.
ತಾಯಿಯ ಮಾತಿನಂತೆ ಪೊಲೀಸ್ ರಂಜಿತ್ ಆ ಬಾಲಕನ ಹಸಿವನ್ನು ನೀಗಿಸುವಲ್ಲಿ ಸಹಾಯ ಮಾಡಿ ಮಾನವೀಯತೆ ಮೆರೆದರು.
