ಭಾರತದ ಮೊದಲ ವಾಟರ್ ಮೆಟ್ರೋ ಸೇವೆ ಕೇರಳದ ಕೊಚ್ಚಿಯಲ್ಲಿ ಆರಂಭವಾಗಿದೆ. ಬ್ಯಾಟರಿ ಚಾಲಿತ ಎಲೆಕ್ಟ್ರಿಕ್ ಹೈಬ್ರೀಡ್ ಬೋಟ್ಗಳು ಕೊಚ್ಚಿಯ ಸುತ್ತಮುತ್ತಲಿನ 10 ದ್ವೀಪಗಳಿಗೆ ಸಂಪರ್ಕ ಕಲ್ಪಿಸುತ್ತದೆ. ಸಮುದ್ರ ತೀರವನ್ನು ಹೆಚ್ಚಾಗಿ ಹಿಂದಿರುವ ಕೇರಳದಲ್ಲಿ ಈ ವಾಟರ್ ಮೇಟ್ರೋ ಕೂಡ ನಗರ ಸಮೂಹ ಸಾರಿಗೆ ವ್ಯವಸ್ಥೆಯಂತೆ ಕಾರ್ಯ ನಿರ್ವಹಿಸಲಿದ್ದು, ಕೊಚ್ಚಿಯ ಜನರಿಗೆ ಹೆಚ್ಚಿನ ಪ್ರಯೋಜನವಾಗಲಿದೆ. 1,137 ಕೋಟಿ ವೆಚ್ಚದಲ್ಲಿ ಇದನ್ನು ನಿರ್ಮಾಣ ಮಾಡಲಾಗಿದೆ. ಈ ವಾಟರ್ ಮೆಟ್ರೊಗೆ ಇಂದು ಪ್ರಧಾನಿ ನರೇಂದ್ರ ಮೋದಿ ಚಾಲನೆ ನೀಡಿದ್ದಾರೆ.
ದೇಶದ ಮೊದಲ ವಾಟರ್ ಮೆಟ್ರೋ: ಕೊಚ್ಚಿ ಮೆಟ್ರೋ ರೈಲು ಕಾರ್ಪೋರೇಷನ್ (ಕೆಎಮ್ಆರ್ಎಲ್) ಮೇಲ್ಮೈ ಮೆಟ್ರೋ ಸೇವೆಗಳ ಜೊತೆಗೆ ನೀರಿನ ಮೆಟ್ರೋ ಸೇವೆ ಹೊಂದಿರುವ ದೇಶದ ಏಕೈಕ ಮೆಟ್ರೋ ಎಂಬ ಹೆಗ್ಗಳಿಕೆ ಹೊಂದಿದೆ. ಕೊಚ್ಚಿ ವಾಟರ್ ಮೆಟ್ರೋ ಏಷ್ಯಾದ ಅತ್ಯುನ್ನತ ಸಮಗ್ರ ನೀರಿನ ಸಾರಿಗೆ ವ್ಯವಸ್ಥೆ ಎಂಬ ಹೊಗ್ಗಳಿಕೆ ಹೊಂದಿದೆ.
ಮೊದಲ ಹಂತದಲ್ಲಿ ಈ ಸೇವೆ ಹೈ ಕೋರ್ಟ್ ಟರ್ಮಿನಲ್ನಿಂದ ವ್ಯಾಪಿನ್ ಟರ್ಮಿನಲ್ ವರೆಗೆ ಸೇವೆ ನೀಡಲಿದೆ. ಬಳಿಕ ಈ ಮೆಟ್ರೋ ವ್ಯಾತಿಲ್ ಕಕ್ಕನಾಡ್ ವರೆಗೆ ವಿಸ್ತರಣೆ ಆಗಲಿದೆ. ಈ ಕೊಚ್ಚಿ ವಾಟರ್ 76ಕಿ.ಮೀ ಉದ್ದ ಸಾಗಲಿದ್ದು, 38 ಟರ್ಮಿನಲ್ ಸಂಪರ್ಕ ಮಾಡಲಿರುವ ಅತಿ ದೊಡ್ಡ ಸಾರಿಗೆ ನೆಟ್ವರ್ಕ್ ಹೊಂದಿದೆ. ಮತ್ತೊಂದು ವಿಶೇಷತೆ ಎಂದರೆ, ಈ ಮೆಟ್ರೋ ಸಾಂಪ್ರಾದಾಯಿಕ ಮೆಟ್ರೋ ಸೇವೆ ಅಂತೆ ಅಲ್ಲದೇ, ಇದು ಹಿನ್ನೀರಿನ ಸೌಂದರ್ಯ ಅನುಭವಿಸುವ ಅವಕಾಶವನ್ನು ನೀಡುತ್ತದೆ. ಜೊತೆಗೆ ಪ್ರವಾಸೋದ್ಯಮ ಅಭಿವೃದ್ಧಿಗೆ ಒತ್ತು ನೀಡುತ್ತದೆ.
ಕೆಎಮ್ಆರ್ಎಲ್ 50ರಿಂದ 100 ಆಸನ ವ್ಯವಸ್ಥೆ ಹೊಂದಿರುವ 23 ಬೋಟ್ಗಳನ್ನು ನಿರ್ಮಾಣ ಮಾಡಲಾಗಿದ್ದೆ. 50 ಆಸನ ಹೊಂದಿರುವ 55 ಬೋಟ್ಗಳು ಈ ಯೋಜನೆ ಅಡಿ ಇದೆ. ಕೊಚ್ಚಿನ್ ಶಿಪ್ಯಾರ್ಡ್ಗಳು ಆರು ಬೋಟ್ಗಳನ್ನು ನಿರ್ಮಾಣ ಮಾಡಿದ್ದು, ವಾಟರ್ ಮೆಟ್ರೋಗೆ ಹಸ್ತಾಂತರಿಸಿದೆ. ಬೋಟ್ಗಳ ಸುರಕ್ಷತೆ ಪರೀಕ್ಷೆ ಮತ್ತು ಪ್ರಾಯೋಗಿಕ ಪರೀಕ್ಷೆ ನಡೆಸಲಾಗಿದೆ.
ವಿಶೇಷತೆ: ಈ ಬೋಟ್ಗಳು ಬ್ಯಾಟರು ಮತ್ತು ಡೀಸೆಲ್ ಜನರೇಟರ್ ಆಗಿದ್ದು, ಹೈಬ್ರೀಡ್ ಮೋಡ್ನಲ್ಲಿ ಎರಡನ್ನು ಬಳಸಿ ಸಂಚರಿಸಬಹುದು. ರಾತ್ರಿ ಪ್ರಯಾಣದ ವೇಳೆ ನಿರ್ವಾಹಕರಿಗೆ ಸಹಾಯವಾಗಲು ಧರ್ಮಲ್ ಕ್ಯಾಮೆರ ಅಳವಡಿಸಲಾಗಿದೆ. ಅಲ್ಲದೇ, ಬೋಟ್ಗಳ ನಡುವಿನ ಅಪಘಾತ ತಪ್ಪಿಸಲು ರಾಡಾರ್ ವ್ಯವಸ್ಥೆ ಮಾಡಲಾಗಿದೆ. ಕೇವಲ 15 ನಿಮಿಷದಲ್ಲೇ ಇದು ರಿಚಾರ್ಜ್ ಆಗಿ, ಗರಿಷ್ಟ ಗಂಟೆಗೆ 10 ನಾಟಿಕಲ್ ಮೈಲು ಸಾಗಲಿದೆ.
ಬೋಟ್ ಪ್ರಯಾಣದ ಕನಿಷ್ಠ ಟಿಕೆಟ್ ದರ 20 ರೂಪಾಯಿ ಆಗಿದೆ. ಪ್ರಯಾಣಿಕರಿಗೆ ವಾರಾ ಮತ್ತು ಮಾಸಿಕ ಪಾಸ್ಗಳು ಲಭ್ಯವಿದೆ. ಈ ಕೊಚ್ಚಿ ವಾಟರ್ ಮೆಟ್ರೊ ಲಿಥಿಯಂ ಟೈಟಾನೈಟ್ ಸ್ಪೈನೆಲ್ ಬ್ಯಾಟರಿಯಿಂದ ನಿರ್ವಹಿಸಲಿದೆ. ಇದು ಪರಿಸರ ಸ್ನೇಹಿ ಯಾಗಿದ್ದು, ಈ ಬೋಟ್ ಸಂಪೂರ್ಣವಾಗಿ ಹವಾನಿಯಂತ್ರಿತವಾಗಿದೆ.
ಇದನ್ನೂ ಓದಿ: ಕೊಚ್ಚಿಯಲ್ಲಿ ದೇಶದ ಮೊದಲ ವಾಟರ್ ಮೆಟ್ರೋ ಸೇವೆ.. ಇಂದು ಪ್ರಧಾನಿ ಮೋದಿ ಚಾಲನೆ