ಸಾಗರ್: ಮಹಾಮಾರಿ ಕೊರೊನಾದಿಂದ ಸಾವು-ನೋವುಗಳು ಹೆಚ್ಚಾಗುತ್ತಿದ್ದಂತೆ ಮಧ್ಯಪ್ರದೇಶದ ಸಾಗರ್ ಜಿಲ್ಲೆಯ ಶವಾಗಾರದ ಹೊರಗೆ ಮೃತ ಕೊರೊನಾ ಸೋಂಕಿತರ ಶವಗಳ ರಾಶಿ ಕಾಣುತ್ತಿದೆಯಂತೆ. ಅಂತ್ಯಕ್ರಿಯೆ ಮಾಡುವ ಕಾರ್ಮಿಕರು ಅರ್ಧಂಬರ್ಧ ಸುಟ್ಟ ಶವವನ್ನು ಚಿತಾಗಾರದಿಂದ ಹೊರಗೆಸೆಯುತ್ತಿದ್ದಾರೆ. ರಸ್ತೆ ಬದಿಯಲ್ಲಿ ಬಿದ್ದ ಶವವನ್ನು ನಾಯಿಗಳು ತಿನ್ನುತ್ತಿವೆ ಎಂದು ಸ್ಥಳೀಯ ಜನರು ಆರೋಪಿಸಿದ್ದಾರೆ.
ಮೃತ ಕೋವಿಡ್-19 ಸೋಂಕಿತರ ಅರ್ಧ ಸುಟ್ಟ ದೇಹಗಳಿಂದ ಗಬ್ಬು ವಾಸನೆ ಹರಬ್ಬುತ್ತಿದೆ. ಇದರಿಂದ ಹೆಚ್ಚಿನ ಪ್ರಮಾಣದಲ್ಲಿ ಸೋಂಕು ಹರಡುವ ಭೀತಿ ಎದುರಾಗಿದೆ ಎಂದು ಸ್ಥಳೀಯರು ದೂರಿದ್ದಾರೆ.
ಈ ಬಗ್ಗೆ ಮಹಾನಗರ ಪಾಲಿಕೆ, ಅಲ್ಲದೇ ಸಾಗರ್ ಜಿಲ್ಲೆಯಲ್ಲಿ, ನರಿಯಾವ್ಲಿ ನಾಕಾ ಮುಕ್ತಿ ಧಾಮ ಶವಾಗಾರವು ತೀವ್ರ ಮರದ ಕೊರತೆಯನ್ನು ಎದುರಿಸುತ್ತಿದೆ. ಕೊರೊನಾ ಸಾವುಗಳು ಉತ್ತುಂಗಕ್ಕೇರಿರುವುದರಿಂದ ಪರಿಸ್ಥಿತಿ ಎಷ್ಟು ಭೀಕರವಾಗಿದೆ ಎಂದರೆ ಶವಗಳನ್ನು ಶವಾಗಾರದ ಹೊರಗೆ ಮತ್ತು ತೆರೆದ ಸ್ಥಳಗಳಲ್ಲಿ ಅಂತ್ಯಕ್ರಿಯೆ ಮಾಡಲಾಗುತ್ತಿದೆ. ಎಲ್ಲಾ ಶವಗಳನ್ನು ಕೋವಿಡ್ ಪ್ರೋಟೋಕಾಲ್‌ಗಳಿಗೆ ಅನುಸಾರವಾಗಿ ಅಂತ್ಯಕ್ರಿಯೆ ಮಾಡಲಾಗುತ್ತಿದೆ ಎಂದು ಹೇಳಿದೆ.
ಮುನ್ಸಿಪಲ್ ಕಾರ್ಪೊರೇಶನ್‌ನ ಅಧಿಕಾರಿ ಕುಲದೀಪ್ ವಾಲ್ಮೀಕಿ, ಈಟಿವಿ ಭಾರತ್‌ ಜತೆ ಮಾತನಾಡಿ, "ನಾವು ಆರೋಗ್ಯ ಇಲಾಖೆಯ ಪ್ರೋಟೋಕಾಲ್‌ಗಳಿಗೆ ಅನುಸಾರವಾಗಿ ಶವಗಳನ್ನು ಸರಿಯಾದ ರೀತಿಯಲ್ಲಿ ವಿಲೇವಾರಿ ಮಾಡುತ್ತಿದ್ದೇವೆ. ಇಂದು ನಾವು 32 ಶವಗಳನ್ನು ದಹನ ಮಾಡಿದ್ದೇವೆ. ಹತ್ತಿರದ ಪ್ರದೇಶಗಳಲ್ಲಿ ವಾಸಿಸುವ ಜನರು ನಿರಂತರ ಹೊಗೆಯಿಂದ ದೂರಿದ್ದಾರೆ. ನಾವು ಬೇರೆ ಯಾವುದೇ ಸಮಸ್ಯೆಯನ್ನು ಎದುರಿಸುತ್ತಿಲ್ಲ." ಎಂದಿದ್ದಾರೆ.
ಓದಿ: ಕಾನ್ಪುರದಲ್ಲಿ ಕೊರೊನಾ ರೌದ್ರಾವತಾರ... ಒಂದೇ ದಿನ 476 ಮೃತ ಕೋವಿಡ್ ರೋಗಿಗಳ ಅಂತ್ಯ ಸಂಸ್ಕಾರ!
ಸ್ಥಳೀಯ ಮಹಿಳೆಯೊಬ್ಬರು, "ಅಂತ್ಯಕ್ರಿಯೆಯ ಕೆಲಸಗಾರರು ತೆರೆದ ಸ್ಥಳಗಳಲ್ಲಿ ಕೊನೆಯ ವಿಧಿಗಳನ್ನು ಮಾಡುತ್ತಿದ್ದಾರೆ. ಅರ್ಧ ಸುಟ್ಟ ಶವಗಳನ್ನು ನಾಯಿಗಳು ಎಳೆದಾಡುತ್ತಿವೆ. ಇದು ಸೋಂಕು ಹರಡುವ ಅಪಾಯವನ್ನು ಹೆಚ್ಚಿಸಿದೆ. ದುರ್ವಾಸನೆ ಕೂಡ ನಮ್ಮನ್ನು ಕಾಡುತ್ತಿದೆ." ಎಂದು ಹೇಳಿದ್ದಾರೆ.
