ನವದೆಹಲಿ: ಜಮ್ಮು- ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ಕಲ್ಪಿಸುತ್ತಿದ್ದ ಆರ್ಟಿಕಲ್ 370 ರದ್ದುಗೊಂಡಿದ್ದು, ಈಗಾಗಲೇ ಲೋಕಸಭೆಯಲ್ಲಿ ಬಿಲ್ ಪಾಸ್ ಆಗಿದೆ. ಇದರ ಮೇಲಿನ ಚರ್ಚೆ ವೇಳೆ ಮಾಜಿ ಸಚಿವ ಹಾಗೂ ಕಾಂಗ್ರೆಸ್ ಮುಖಂಡ ಕಪಿಲ್ ಸಿಬಲ್ ವಿವಾದಿತ ಹೇಳಿಕೆವೊಂದನ್ನ ನೀಡಿದ್ದಾರೆ.
ಈ ಹಿಂದೆ ಆರ್ಟಿಕಲ್ 370 ಪರಿಚಯ ಮಾಡಿದ್ದೇ ಮಾಜಿ ಉಪಪ್ರಧಾನಿಯಾಗಿದ್ದ ಸರ್ದಾರ್ ವಲ್ಲಭ್ಬಾಯ್ ಪಟೇಲ್ ಎಂದು ಹೇಳಿಕೆ ನೀಡಿರುವ ಅವರು, ಪಾಕಿಸ್ತಾನಕ್ಕೆ ಕಾಶ್ಮೀರ ಹೋಗಬೇಕೆಂದು ಕೂಡ ಬಯಸಿದ್ದರು ಎಂದಿದ್ದಾರೆ. ಆದರೆ ಜವಾಹರ್ ಲಾಲ್ ನೆಹರು ಅವರು ತೆಗೆದುಕೊಂಡ ನಿರ್ಧಾರದಿಂದ ಕಾಶ್ಮೀರ್ ಭಾರತದ ಅವಿಭಾಜ್ಯ ಅಂಗವಾಗಿ ಉಳ್ಳಿದುಕೊಳ್ಳುವಂತೆ ಆಯಿತು ಎಂದು ತಿಳಿಸಿದರು.
ಜಮ್ಮು-ಕಾಶ್ಮೀರದ ಜುನಾಗಢ್ ರಾಜ ಮುಸ್ಲಿಂ ಆಗಿದ್ದ ಕಾರಣ, ಜಮ್ಮು-ಕಾಶ್ಮೀರ ಪಾಕ್ಗೆ ಹೋಗಬೇಕೆಂದು ಅವರು ಬಯಸಿದ್ದರು. ಆದರೆ ಕಾಶ್ಮೀರ್ ಹಿಂದೂಗಳಿಂದ ಕೂಡಿದ್ದ ಕಾರಣ ನೆಹರು ಅದನ್ನ ಬಿಟ್ಟುಕೊಟ್ಟಿರಲಿಲ್ಲ ಎಂದು ಹೇಳಿದ್ದರು.
ಇದೇ ವಿಷಯವಾಗಿ ಮಾಹಿತಿ ನೀಡುತ್ತಿದ್ದ ವೇಳೆ ಕೇಂದ್ರ ಗೃಹ ಸಚಿವ ಅಮಿತ್ ಶಾ, ಕಪಿಲ್ ಸಿಬಲ್ಗೆ ಟಾಂಗ್ ನೀಡಿದರು. ಕಣಿವೆ ನಾಡಿನಲ್ಲಿ ಈ ಹಿಂದೆ ಆರ್ಟಿಕಲ್ 370 ವಿಧಿ ಜಾರಿಗೊಳಿಸಿದ್ದೇ ಪಂಡಿತ್ ಜವಾಹರ್ಲಾಲ್ ನೆಹರು. ವಲ್ಲಭ್ಬಾಯ್ ಪಟೇಲ್ ಅವರು ತಮ್ಮ ಅಧಿಕಾರ ಅವಧಿಯಲ್ಲೇ ಕಣಿವೆ ನಾಡಿನ ಅಭಿವೃದ್ಧಿಗೆ ಮಹತ್ವದ ನಿರ್ಧಾರ ಕೈಗೊಂಡಿದ್ದರು ಎಂದು ತಿಳಿಸಿದರು.
